ಅಂತರಿಕ್ಷಕ್ಕೆ ಮಹಿಳಾ ರೋಬೋಟ್‌ ''ವ್ಯೋಮಮಿತ್ರ'' ಕಳಿಸಲಿರುವ ISRO

ಅಕ್ಟೋಬರ್‌ 2ನೇ ವಾರದಲ್ಲಿ ಗಗನಯಾನ ಯೋಜನೆಯ ಪ್ರಾಯೋಗಿಕ ಪರೀಕ್ಷೆಯನ್ನು ನಡೆಸಲು ISRO ಮುಂದಾಗಿದೆ. ಚಂದ್ರನ ಮೇಲೆ ಯಶಸ್ವಿಯಾಗಿ ನೌಕೆ ಇಳಿಸಿದ ಹುಮ್ಮಸ್ಸಿನಲ್ಲಿರುವ ಭಾರತ ಅಕ್ಟೋಬರ್‌ 2ನೇ ವಾರದಲ್ಲಿ ಗಗನಯಾನ ಯೋಜನೆಯ ಪರೀಕ್ಷೆ ನಡೆಸಲು ಮುಂದಾಗಿದೆ.

ಕೇಂದ್ರ ವಿಜ್ಞಾನ ಹಾಗೂ ತಂತ್ರಜ್ಞಾನ ಖಾತೆ ರಾಜ್ಯ ಸಚಿವ ಜಿತೇಂದ್ರ ಸಿಂಗ್‌ ಖಾಸಗಿ ವಾಹಿನಿಯೊಂದರ ಕಾರ್ಯಕ್ರಮದಲ್ಲಿ ಈ ವಿಚಾರವನ್ನ ತಿಳಿಸಿದ್ದಾರೆ.
ಅಕ್ಟೋಬರ್‌ ಮೊದಲ ಅಥವಾ ಎರಡನೇ ವಾರದಲ್ಲಿ ಮೊತ್ತ ಮೊದಲ ಪ್ರಾಯೋಗಿಕ ಉಡಾವಣೆ ಯೋಜನೆಯನ್ನು ನಡೆಸಲು ಉದ್ದೇಶಿಸಿದ್ದೇವೆ.

ಗಗನಯಾನಿಗಳನ್ನು ಅಂತರಿಕ್ಷಕ್ಕೆ ಕಳುಹಿಸುವುದು ಎಷ್ಟು ಮಹತ್ವವೋ ಅವರನ್ನು ಸುರಕ್ಷಿತವಾಗಿ ವಾಪಸ್‌ ಕರೆಸಿಕೊಳ್ಳುವುದು ಅತಿ ಮುಖ್ಯ ಎಂದು ಅವರು ತಿಳಿಸಿದ್ದಾರೆ.

2ನೇ ಹಂತದ ಪ್ರಯೋಗದ ವೇಳೆ ಮಹಿಳಾ ರೋಬೋಟ್‌ ಅನ್ನು ಅಂತರಿಕ್ಷಕ್ಕೆ ಕಳುಹಿಸಲಾಗುತ್ತದೆ. ಮಾನವರ ಎಲ್ಲ ಚಟುವಟಿಕೆಗಳನ್ನು ಈ ರೋಬೋಟ್‌ ಅನುಕರಿಸಲಿದೆ ಎಂದು ವಿವರಿಸಿದ್ದಾರೆ.

ಮುಂಬರುವ ಕಾರ್ಯಾಚರಣೆಗಳು ರಾಷ್ಟ್ರದ ತಾಂತ್ರಿಕ ಸಾಮರ್ಥ್ಯಗಳನ್ನು ಹೆಚ್ಚಿಸುತ್ತವೆ ಮತ್ತು ವೈಜ್ಞಾನಿಕ ಸಂಶೋಧನೆ ಮತ್ತು ಅಭಿವೃದ್ಧಿಗೆ ಮಹತ್ವದ ಕೊಡುಗೆ ನೀಡಲಿದೆ.

ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವರ ಪ್ರಕಾರ, ಕೋವಿಡ್-19 ಕಾರಣದಿಂದಾಗಿ ಗಗನ್ಯಾನ್ ವಿಳಂಬವಾಗಿತ್ತು, ಮಾನವ ಬಾಹ್ಯಾಕಾಶ ಹಾರಾಟದ ಸಾಮರ್ಥ್ಯವನ್ನು ಪ್ರದರ್ಶಿಸುವ ಗುರಿಯನ್ನು ಈ ಮಿಷನ್​​​ ಸಾಧಿಸಲಿದೆ. ಸಂಸ್ಕೃತದಲ್ಲಿ ವ್ಯೋಮ ಅಂದರೆ ಬಾಹ್ಯಾಕಾಶ ಮತ್ತು ಮಿತ್ರ ಅಂದರೆ ಸ್ನೇಹಿತ ಮಾನವರಹಿತ ಗಗನ್ಯಾನ್ ಮಿಷನ್ಗಾಗಿ ಈ ಯೋಜನೆಗೆ ''ವ್ಯೋಮಮಿತ್ರ'' ಎಮದು ಹೆಸರನ್ನಿಡಲಾಗಿದೆ