ನವದೆಹಲಿ: ಕಳೆದ ವರ್ಷ, ಅಪ್ಲಿಕೇಶನ್ಗಳು ಡೌನ್ಲೋಡ್ ಮಾಡುವ ಮೊದಲು ಅವು, ಯಾವ ಮಾಹಿತಿಯನ್ನು ಸಂಗ್ರಹಿಸಲು ಹೊರಟಿವೆ ಎಂಬುದನ್ನು ಜನರಿಗೆ ತಿಳಿಸುವ ಮೂಲಕ ಬಳಕೆದಾರರನ್ನು ರಕ್ಷಿಸಲು Google Play ಮುಂದಾಗಿತ್ತು. ಆದರೆ ಬಳಕೆದಾರರ ಡೇಟಾವನ್ನು ಕದಿಯುವ ಸಲುವಾಗಿ ಹ್ಯಾಕರ್ಗಳು ಮತ್ತು ಡೆವಲಪರ್ಗಳು ಬೇಲಿ ಹಾರುವ ತಂತ್ರವನ್ನು ಕಂಡುಹಿಡಿದಿದ್ದಾರೆ ಎಂದು ತೋರುತ್ತಿದೆ.
ಇದನ್ನೂ ಓದಿ: ಥ್ರೆಡ್ಸ್ ಆ್ಯಪ್ ನಾಗಾಲೋಟಕ್ಕೆ ಬೆಚ್ಚಿಬಿದ್ರಾ ಎಲನ್ ಮಸ್ಕ್? ಮೆಟಾ ವಿರುದ್ಧ ಕಾನೂನು ಕ್ರಮದ ಎಚ್ಚರಿಕೆ
ಮೊಬೈಲ್ ಸೈಬರ್ ಸೆಕ್ಯುರಿಟಿ ಸಂಸ್ಥೆ ಪ್ರಡಿಯೊದ, ಭದ್ರತಾ ತಜ್ಞರು ಎರಡು ಗೂಗಲ್ ಪ್ಲೇ ಅಪ್ಲಿಕೇಶನ್ಗಳು ಚೀನಾದಲ್ಲಿ ನೆಲೆಗೊಂಡಿರುವ ಕ್ರಿಮಿನಲ್ ಸೈಟ್ಗಳಿಗೆ ಮಾಹಿತಿಯನ್ನು ರವಾನಿಸುವ ಪ್ರೈವೇರ್ ಅನ್ನು ಒಳಗೊಂಡಿರುವುದು ಕಂಡುಬಂದಿದೆ ಎಂದು ಹೇಳಿದ್ದಾರೆ. ಸೈವೇರ್ ತುಂಬಿದ ಅಪ್ಲಿಕೇಶನ್ಗಳು 10 ಲಕ್ಷಕ್ಕೂ ಹೆಚ್ಚು ಬಳಕೆದಾರರಿಗೆ ಹಾನಿ ಮಾಡಿದೆ ಎಂದು ಕಂಪನಿ ವರದಿ ಮಾಡಿದೆ.
ಬ್ಲಾಗ್ ಪೋಸ್ಟ್ ಮೂಲಕ, ಸೈಬರ್ ಸೆಕ್ಯುರಿಟಿ ಕಂಪನಿಯು ಈ ಆವಿಷ್ಕಾರದ ಬಗ್ಗೆ Googleಗೆ ಸೂಚನೆ ನೀಡಿದೆ ಎಂದು ಹೇಳಿಕೊಂಡಿದೆ. ಚೀನೀ ಸ್ಪೈವೇರ್ ಅನ್ನು ಒಳಗೊಂಡಿರುವ ಎರಡು ಪ್ರಮುಖ ಅಪ್ಲಿಕೇಶನ್ಗಳು ಯಾವುದೆಂದರೆ, ‘ಫೈಲ್ ರಿಕವರಿ & ಡೇಟಾ ರಿಕವರಿ’ ಮತ್ತು ‘ಫೈಲ್ ಮ್ಯಾನೇಜರ್’.
ಇದನ್ನೂ ಓದಿ: ಟ್ರಾಯ್ನಿಂದ ವಾಟ್ಸ್ಆ್ಯಪ್, ಟೆಲಿಗ್ರಾಮ್ ಹಾಗೂ ಒಟಿಟಿ ಆ್ಯಪ್ಗಳಿಗೆ ಕಡಿವಾಣ..?3
ಹೆಸರಿಗೆ ಈ ಅಪ್ಲಿಕೇಶನ್ಗಳು ಬಳಕೆದಾರರಿಗೆ ತಮ್ಮ ಡೇಟಾವನ್ನು ನಿರ್ವಹಿಸಲು ಮತ್ತು ಕೆಲ ಸಂದರ್ಭಗಳಲ್ಲಿ, ‘ನಿಮ್ಮ ಫೋನ್, ಟ್ಯಾಬ್ಲೆಟ್ಗಳು ಅಥವಾ ಯಾವುದೇ Android ಸಾಧನಗಳಿಂದ ಅಳಿಸಲಾದ ಫೈಲ್ಗಳನ್ನು ಹಿಂಪಡೆಯಲು ಸಹಾಯ ಮಾಡುತ್ತವೆ.
ಬಳಕೆದಾರರು ತಮ್ಮ ಸಾಧನಗಳಲ್ಲಿ ಈ ಅಪ್ಲಿಕೇಶನ್ಗಳನ್ನು ಹೊಂದಿದ್ದರೆ ಅವುಗಳನ್ನು ಡಿಲೀಟ್ ಮಾಡಲು ತಜ್ಞರು ಸಲಹೆ ನೀಡಿದ್ದಾರೆ. ಪೋಸ್ಟ್ನಲ್ಲಿನ ಹೇಳಿಕೆಯ ಪ್ರಕಾರ, ‘ಗೂಗಲ್ ಪ್ಲೇ ಸ್ಟೋರ್ನಲ್ಲಿ, ಮೇಲೆ ತಿಳಿಸಿದ ಎರಡೂ ಅಪ್ಲಿಕೇಶನ್ಗಳ ಪ್ರೊಫೈಲ್ಗಳು ಬಳಕೆದಾರರ ಸಾಧನಗಳಿಂದ ಯಾವುದೇ ಡೇಟಾವನ್ನು ಸಂಗ್ರಹಿಸುವುದಿಲ್ಲ ಎಂದು ಘೋಷಿಸಿವೆ. ಆದರೆ ಇದು ತಪ್ಪು ಮಾಹಿತಿ ಎಂದು ನಾವು ಕಂಡುಕೊಂಡಿದ್ದೇವೆ. ಇದಲ್ಲದೆ, ಆ್ಯಪ್ ಡೇಟಾವನ್ನು ಸಂಗ್ರಹಿಸಿದ್ದರೆ, ಬಳಕೆದಾರರು ಅದನ್ನು ಅಳಿಸಲು ವಿನಂತಿಸುವುದಕ್ಕೂ ಸಾಧ್ಯವಾಗುವುದಿಲ್ಲ ಎಂದು ಅವರು ಘೋಷಿಸಿದ್ದಾರೆ. ಇದು GDPRನಂತಹ ಡೇಟಾ ರಕ್ಷಣೆ ಕಾನೂನುಗಳಿಗೆ ವಿರುದ್ಧವಾಗಿದೆ.
ಇದನ್ನೂ ಓದಿ: ಭಾರತ-ವಿಂಡೀಸ್ ಕ್ರಿಕೆಟ್ ಸರಣಿಯನ್ನು ಯಾವ ಆ್ಯಪ್ನಲ್ಲಿ ಉಚಿತವಾಗಿ ವೀಕ್ಷಿಸಬಹುದು ಗೊತ್ತೇ?
ವರದಿಗಳ ಪ್ರಕಾರ, ಬಳಕೆದಾರರ ಸಂಪರ್ಕ ಪಟ್ಟಿಗಳು, ನೈಜ-ಸಮಯದ ಬಳಕೆದಾರ ಸ್ಥಳ, ಮೊಬೈಲ್ ದೇಶದ ಕೋಡ್, ನೆಟ್ವರ್ಕ್ ಪೂರೈಕೆದಾರರ ಹೆಸರು, ಸಿಮ್ ಒದಗಿಸುವವರ ನೆಟ್ವರ್ಕ್ ಕೋಡ್ ಮತ್ತು ಸಾಧನದ ಬ್ಯಾಂಡ್ ಮತ್ತು ಮಾದರಿಯನ್ನು ಒಳಗೊಂಡಿರುವ ಡೇಟಾವನ್ನು ಸಂಗ್ರಹಿಸಲು ಅಪ್ಲಿಕೇಶನ್ಗಳು ಕೆಲಸ ಮಾಡುತ್ತವೆ ಎಂದು ಸೈಬರ್ಸೆಕ್ಯುರಿಟಿ ಕಂಪನಿ ಹೇಳಿಕೊಂಡಿದೆ. ಈ ಮಾಹಿತಿಯನ್ನು ಮೊಬೈಲ್ ಫೋನ್ ಮಾತ್ರವಲ್ಲದೆ ಅದಕ್ಕೆ ಸಂಪರ್ಕ ಇರುವ ಎಲ್ಲಾ ಖಾತೆಗಳಿಂದಲೂ ಸಂಗ್ರಹಿಸಲಾಗುತ್ತದೆ ಎನ್ನಲಾಗಿದೆ.
ಹೀಗಾಗಿ ಅನುಮಾನಾಸ್ಪದ ಆ್ಯಪ್ಗಳನ್ನು, ಅದರಲ್ಲೂ ವಿಶೇಷವಾಗಿ ಅನುಮಾನಾಸ್ಪದ ವೆಬ್ಸೈಟ್ಗಳಲ್ಲಿ ಬರುವ ಜಾಹೀರಾತನ್ನು ನಂಬಿ ಈ ಆ್ಯಪ್ಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳದಿರಿ. ಇಲ್ಲದಿದ್ದಲ್ಲಿ ನಿಮ್ಮ ಸೂಕ್ಷ್ಮ ಮಾಹಿತಿಯನ್ನು ಕದ್ದು ದುರ್ಬಳಕೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ. (ಏಜೆನ್ಸೀಸ್)