ಅನಿರೀಕ್ಷಿತ ಡ್ರೋನ್ ದಾಳಿ; ಉಕ್ರೇನ್ ಮತ್ತು ರಷ್ಯಾ ನಡುವೆ ಎರಡನೇ ಸುತ್ತಿನ ಶಾಂತಿ ಮಾತುಕತೆ| Russia-Ukraine

ಇಸ್ತಾನ್‌ಬುಲ್: ಉಕ್ರೇನಿಯನ್ ಮತ್ತು ರಷ್ಯಾದ ಪ್ರತಿನಿಧಿಗಳು ಇಂದು (02) ಇಸ್ತಾನ್‌ಬುಲ್‌ನಲ್ಲಿ ಎರಡನೇ ಸುತ್ತಿನ ಶಾಂತಿ ಮಾತುಕತೆ ನಡೆಸಿದರು. ಮೂರು ವರ್ಷಗಳ ಯುದ್ಧವನ್ನು ಕೊನೆಗೊಳಿಸುವಲ್ಲಿ ಯಾವುದೇ ಮಹತ್ವದ ಪ್ರಗತಿಯ ನಿರೀಕ್ಷೆಗಳು ಕಡಿಮೆಯಾಗಿದ್ದರೂ, ರಷ್ಯಾ ಮತ್ತು ಉಕ್ರೇನ್‌ನ ನಿಯೋಗಗಳು ಟರ್ಕಿಯಲ್ಲಿ ಎರಡನೇ ಸುತ್ತಿನ ನೇರ ಶಾಂತಿ ಮಾತುಕತೆಗಾಗಿ ಒಟ್ಟುಗೂಡಿದವು.

ಇದನ್ನೂ ಓದಿ:  ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್ ವೇಳಾಪಟ್ಟಿ ಪ್ರಕಟ; ಎಂಟು ತಂಡಗಳ ಟೂರ್ನಮೆಂಟ್‌ಗೆ ಐದು ಸ್ಥಳಗಳ ಆಯ್ಕೆ| Women’s World Cup 2025

ರಕ್ಷಣಾ ಸಚಿವ ರುಸ್ಟೆಮ್ ಉಮೆರೋವ್ ನೇತೃತ್ವದ ಉಕ್ರೇನಿಯನ್ ನಿಯೋಗವು ಸಭೆಗಾಗಿ ಇಸ್ತಾನ್‌ಬುಲ್‌ನಲ್ಲಿ ಒಟ್ಟುಗೂಡಿತ್ತು ಎಂದು ಉಕ್ರೇನಿಯನ್ ವಿದೇಶಾಂಗ ಸಚಿವಾಲಯದ ವಕ್ತಾರ ಹಿಯೋರ್ಹಿ ಟೈಖಿ ತಿಳಿಸಿದ್ದಾರೆ. ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ಸಹಾಯಕ ವ್ಲಾಡಿಮಿರ್ ಮೆಡಿನ್ಸ್ಕಿ ನೇತೃತ್ವದ ರಷ್ಯಾದ ನಿಯೋಗ ಭಾನುವಾರ ಸಂಜೆ ಆಗಮಿಸಿದೆ. ರಷ್ಯಾ ಮತ್ತು ಉಕ್ರೇನಿಯನ್ ನಿಯೋಗಗಳು ಬಾಸ್ಫರಸ್ ಬಳಿಯ ಇಸ್ತಾನ್‌ಬುಲ್‌ನ ಐಷಾರಾಮಿ ಸಿರಾಗನ್ ಅರಮನೆಗೆ ಹಿರಿಯ ಟರ್ಕಿಶ್ ಅಧಿಕಾರಿಗಳೊಂದಿಗೆ ಆಗಮಿಸಿದವು. ಆದರೆ ಮಾತುಕತೆಯ ಪ್ರಾರಂಭದಲ್ಲಿ ವಿವರಿಸಲಾಗದ ವಿಳಂಬ ಕಂಡುಬಂತು ಎಂದು ಹೇಳಲಾಗಿದೆ.

ಇದನ್ನೂ ಓದಿ: ದೇಶಭಕ್ತರಾಗಿರುವುದು ಅಷ್ಟೊಂದು ಕಷ್ಟವೇ? ಕಾಂಗ್ರೆಸ್‌ಗೆ ಸಲ್ಮಾನ್ ಖುರ್ಷಿದ್ ಪ್ರಶ್ನೆ| Salman Khurshid

ಮಾಸ್ಕೋ ನಿಯೋಗದ ಮುಖ್ಯಸ್ಥರಾದ ವ್ಲಾಡಿಮಿರ್ ಮೆಡಿನ್ಸ್ಕಿ, ಮಾತುಕತೆಗೆ ಮುಂಚಿತವಾಗಿ ರಷ್ಯಾ ಉಕ್ರೇನ್‌ನ ಶಾಂತಿ ಒಪ್ಪಂದದ ಕರಡು ಜ್ಞಾಪಕ ಪತ್ರವನ್ನು ಸ್ವೀಕರಿಸಿದೆ ಎಂದು ಹೇಳಿದರು. ಮಾತುಕತೆಯಲ್ಲಿ ಅನಿರ್ದಿಷ್ಟ ಕದನ ವಿರಾಮ ಪ್ರಸ್ತಾಪಗಳೊಂದಿಗೆ ತನ್ನದೇ ಆದ ಕರಡು ಶಾಂತಿ ಒಪ್ಪಂದವನ್ನು ಮಂಡಿಸುವುದಾಗಿ ರಷ್ಯಾ ಹೇಳಿದೆ. ಉಕ್ರೇನಿಯನ್ ರಕ್ಷಣಾ ಸಚಿವ ರುಸ್ಟೆಮ್ ಉಮೆರೋವ್ ಉಕ್ರೇನಿಯನ್ ನಿಯೋಗದ ನೇತೃತ್ವ ವಹಿಸಿದ್ದಾರೆ.

ರಷ್ಯಾ ಮೇಲೆ ದಾಳಿ

(ಏಜೆನ್ಸೀಸ್)

ರಷ್ಯಾದ ಒಳಗೆ ನುಗ್ಗಿ ಉಕ್ರೇನ್ ಭಯಾನಕ ಡ್ರೋನ್ ದಾಳಿ ಮಾಡಿ ಬೆಚ್ಚಿ ಬೀಳಿಸಿದೆ. ರಷ್ಯಾದ ಮೇಲೆ ದಾಳಿ ಮಾಡಲು ಉಕ್ರೇನ್ ರಷ್ಯಾದಲ್ಲೇ ಸೀಕ್ರೆಟ್ ಆಗಿ 117 ಡ್ರೋನ್‌ಗಳನ್ನು ತಯಾರು ಮಾಡಿದೆ. ರಷ್ಯಾದಲ್ಲೇ ಡ್ರೋನ್ ತಯಾರಿಸಿ, ರಷ್ಯಾದ ಮೇಲೆಯೇ ಉಕ್ರೇನ್‌ ದಾಳಿಗೆ ಬಳಸಿದೆ. ಉಕ್ರೇನ್‌ ರಷ್ಯಾದಲ್ಲಿ 117 ಡ್ರೋನ್ ತಯಾರಿಸಲು ಬಹಳ ಕಡಿಮೆ ಹಣವನ್ನು ಖರ್ಚು ಮಾಡಿದೆ. ಆದರೆ ಉಕ್ರೇನ್ ನಡೆಸಿದ ಡ್ರೋನ್ ದಾಳಿಯಿಂದ ರಷ್ಯಾಗೆ ಸುಮಾರು 7 ಬಿಲಿಯನ್ ಡಾಲರ್‌ನಷ್ಟು ನಷ್ಟ ಉಂಟಾಗಿದೆ.

https://www.vijayavani.net/16-maoists-including-two-pgla-members-surrender-in-sukma-naxalites