ಲಂಡನ್: ಬ್ರಿಟಿಷ್ ಪ್ರಧಾನ ಮಂತ್ರಿ ಬೋರಿಸ್ ಜಾನ್ಸನ್ ಅವರಿಗೆ ಕರೊನಾ ವೈರಸ್ ತಗುಲಿದ್ದು, ತಾವು ಐಸೋಲೇಶನ್ನಲ್ಲಿ ಇರುವುದಾಗಿ ಹೇಳಿಕೊಂಡಿದ್ದಾರೆ.
ಈಗ ಅವರ ಪ್ರೇಯಸಿ ಕ್ಯಾರಿ ಸೈಮಂಡ್ಸ್ ಕೂಡ ಕರೊನಾದಿಂದ ಬಳಲುತ್ತಿದ್ದಾರೆ. ಗರ್ಭಿಣಿಯಾಗಿರುವ ಕ್ಯಾರಿಸ್ ಕಳೆದ ವಾರವರೆಲ್ಲ ಕರೊನಾ ವೈರಸ್ನಿಂದ ಹಾಸಿಗೆಯ ಮೇಲೆಯೇ ಕಳೆಯುವಂತಾಯಿತು ಎಂದು ತಿಳಿಸಿದ್ದಾರೆ.
ನನ್ನಲ್ಲಿ ಕಳೆದ ವಾರ ಕರೊನಾ ವೈರಸ್ ಲಕ್ಷಣಗಳು ಕಂಡು ಬಂತು. ಏಳಲೂ ಆಗದಷ್ಟು ಸುಸ್ತು ಇತ್ತು. ಒಂದು ವಾರ ಸರಿಯಾಗಿ ವಿಶ್ರಾಂತಿ ತೆಗೆದುಕೊಂಡೆ. ಈಗ ಕಾಯಿಲೆಯಿಂದ ಚೇತರಿಸಿಕೊಳ್ಳುತ್ತಿದ್ದೇನೆ. ಮತ್ತೇನೂ ಪರೀಕ್ಷೆ ಅಗತ್ಯವಿಲ್ಲ. ಸ್ಟ್ರಾಂಗ್ ಆಗಿದ್ದೇನೆ ಎಂದು ಕ್ಯಾರಿ ಹೇಳಿದ್ದಾರೆ.
ಗರ್ಭಿಣಿಯಾಗಿರುವ ನನಗೆ ಕರೊನಾ ವೈರಸ್ ತಗುಲಿದಾದ ನಿಜಕ್ಕೂ ಆತಂಕವಾಯಿತು. ಆದರೆ ವೈದ್ಯಕೀಯ ಸಲಹೆ, ಸೂಚನೆಗಳನ್ನು ಚಾಚೂತಪ್ಪದೆ ಪಾಲಿಸಬೇಕು. ಗರ್ಭಿಣಿಯರು ಎಚ್ಚರಿಕೆಯಿಂದ ಇರಿ ಎಂದು ತಿಳಿಸಿದ್ದಾರೆ.
ಬೋರಿಸ್ ಜಾನ್ಸನ್ ಅವರಿಗೂ ಕೂಡ ಕರೊನಾ ವೈರಸ್ ಇದ್ದು, ಜ್ವರದಿಂದ ಬಳಲುತ್ತಿದ್ದಾರೆ. ಬೋರಿಸ್ ಜಾನ್ಸಬ್ (55) ಹಾಗೂ ಕ್ಯಾರಿಸ್ ಸೈಮಂಡ್ಸ್(35) ಇಬ್ಬರಿಗೂ ಇನ್ನೂ ಮದುವೆಯಾಗಿಲ್ಲ. ಆದರೆ ಜತೆಗೇ ವಾಸಿಸುತ್ತಿದ್ದಾರೆ. ಕ್ಯಾರಿ ಸೈಮಂಡ್ಸ್ ಗರ್ಭಿಣಿಯಾಗಿರುವ ಬಗ್ಗೆ ಫೆಬ್ರವರಿಯಲ್ಲಿ ಹೇಳಿದ್ದರು. (ಏಜೆನ್ಸೀಸ್)