ಭಾನುವಾರ ನಸುಕಿನ 5 ಗಂಟೆಗೆ ಮಲ್ಪೆಯ ಸೀ ವಾಕ್ನಲ್ಲಿ ಶಾಸಕ ಯಶ್ಪಾಲ್ ಸುವರ್ಣ ಮ್ಯಾರಥಾನ್ಗೆ ಚಾಲನೆ ನೀಡಿದರು. ಪುರುಷ ಮತ್ತು ಮಹಿಳೆಯರಿಗೆ 21 ಕಿಮೀ, 10 ಕಿಮೀ, 5 ಕಿಮೀ, ಉಡುಪಿಯ ಶಾಲಾ ವಿದ್ಯಾರ್ಥಿಗಳಿಗೆ 5 ಮತ್ತು 3 ಕಿಮೀ ಮೋಜಿನ ಓಟ ಆಯೋಜಿಸಲಾಗಿತ್ತು. 21 ಕಿಮೀಯಲ್ಲಿ 250 ಮಂದಿ, 10 ಕಿಮೀಯಲ್ಲಿ 750, 5 ಕಿಮೀಯಲ್ಲಿ 850 ಮಂದಿ, ವಿದ್ಯಾರ್ಥಿಗಳ 5 ಮತ್ತು 3 ಕಿಮೀಯಲ್ಲಿ 1,050 ಮತ್ತು ನಗರ ರನ್ನಲ್ಲಿ 525 ಮಂದಿ ಪಾಲ್ಗೊಂಡಿದ್ದರು. ರಾಜ್ಯ, ಹೊರರಾಜ್ಯದ ಅಬಾಲ ವೃದ್ಧರಾದಿಯಾಗಿ 3,500 ಕ್ಕೂ ಅಧಿಕ ಓಟಗಾರರು ಪಾಲ್ಗೊಂಡಿದ್ದರು. ಇಥಿಯೋಪಿಯಾ, ಕೀನ್ಯಾ, ಜರ್ಮನ್, ಉಗಾಂಡದ ಅಂತಾರಾಷ್ಟ್ರೀಯ ಓಟಗಾರರೂ ಭಾಗವಹಿಸಿದ್ದರು.
