ತಲೆಮಾರುಗಳಿಂದ ವಿಟ್ಲದ ದಳವಾಯಿ ಕುಟುಂಬವು ಐತಿಹಾಸಿಕ ಮಹತ್ವವನ್ನು ಹೊಂದಿರುವ ಪರಿಯಾಲತ್ತಡ್ಕ ಗ್ರಾಮದ ಒಂದು ತುಂಡು ಭೂಮಿಯಲ್ಲಿ ನಾಗಾರಾಧನೆ ದೇವಾಲಯವನ್ನು ಹೊಂದಿತ್ತು. ಇಂದಿರಾ ಗಾಂಧಿಯವರ ಅಧಿಕಾರಾವಧಿಯಲ್ಲಿ ಪ್ರಾರಂಭವಾದ ಭೂಸುಧಾರಣೆ ಸಮಯದಲ್ಲಿ ಈ ಭೂಮಿ ಮಾಲೀಕತ್ವ ಯು.ಟಿ. ಖಾದರ್ ಅವರ ಅಜ್ಜ ಮಹಮ್ಮದ್ ಹಾಜಿ ಅವರಿಗೆ ವರ್ಗಾವಣೆಗೊಂಡಿತ್ತು. ಅವರು ಈ ಜಮೀನಿನಲ್ಲಿ ಅಡಕೆ, ತೆಂಗಿನ ತೋಟ ಮಾಡಿದ್ದಾರೆ. ಆ ಜಮೀನಿನ ಒಂದು ಭಾಗದಲ್ಲಿ ಇಂದಿಗೂ ನಾಗಾರಾಧನೆ ನಡೆಸಲಾಗುತ್ತದೆ. ಮಹಮ್ಮದ್ ಹಾಜಿ ಅವರ ಬಳಿಕ ಬಳಿಕ ಖಾದರ್ ಅವರು ತನ್ನ ತಂದೆ ದಿವಂಗತ ಯು.ಟಿ.ಫರೀದ್ ಅವರಿಂದ ಈ ಪಿತ್ರಾರ್ಜಿತ ಆಸ್ತಿಯನ್ನು ಪಡೆದಿದ್ದಾರೆ. ದಳವಾಯಿ ಕುಟುಂಬದ ನಾಗಾರಾಧನೆ ಮಾಡುವ ಕಟ್ಟೆ ಅದೇ ಜಮೀನಿನಲ್ಲಿ ಇತ್ತು.
