ಟೈರ್ಲಸ್​ಗಳ ಪ್ರಮುಖ ಬೇಡಿಕೆಗಳ ಬಗ್ಗೆ ಸದನದಲ್ಲಿ ಚರ್ಚೆ: ಶಾಸಕ ಯಶ್​ ಪಾಲ್​ ಸುವರ್ಣ

ಉಡುಪಿ: ಟೈರ್ಲಸ್​ ಬಾಂಧವರ ಪ್ರಮುಖ ಬೇಡಿಕೆ ವಿಚಾರವನ್ನು ಮುಂದಿನ ಅಧಿವೇಶನದಲ್ಲಿ ಚರ್ಚಿಸಿ ಅವರಿಗೆ ನ್ಯಾಯ ಕೊಡಿಸುವಂತಹ ಕೆಲಸ ಮಾಡಲಾಗುವುದು ಎಂದು ಉಡುಪಿ ಶಾಸಕ ದಶಪಾಲ್​ ಸುವರ್ಣ ಭರವಸೆ ನೀಡಿದ್ದಾರೆ.

ಭಾನುವಾರ ಬನ್ನಂಜೆಯ ನಾರಾಯಣ ಗುರು ಸಭಾಭವನದಲ್ಲಿ ಕರ್ನಾಟಕ ಸ್ಟೇಟ್​ ಟೈರ್ಲಸ್​ ಅಸೋಸಿಯೆಶನ್​ ಕ್ಷೇತ್ರ ಸಮಿತಿ ವತಿಯಿಂದ ಅಯೋಜಿಸಿದ್ದ ಟೈರ್ಲಸ್​ ಬಾಂಧವರ ಬೃಹತ್​ ಸಮಾವೇಶ ಉದ್ಘಾಟಿಸಿ ಮಾತನಾಡಿದರು.

ಟೈಲರ್​ಗಳ ಕಷ್ಟವನ್ನು ಹತ್ತಿರದಿಂದಲೇ ತಿಳಿದುಕೊಂಡಿದ್ದೇನೆ. ಟೈಲರ್​ ಬಾಂಧವರು ಕ್ಷೇಮ ನಿಧಿ ಮಂಡಳಿಯನ್ನ ಪ್ರತ್ಯೇಕ ರಚಿಸಬೇಕು ಎನ್ನುವಂತಹ ಬೇಡಿಕೆ ಇಟ್ಟಿದ್ದಾರೆ. ಇದು ಸರ್ಕಾರದ ಮಟ್ಟದಲ್ಲಿ ಆಗಬೇಕಾದ ಕೆಲಸ. ಇಲ್ಲಿ ಅನೇಕ ನೀತಿ ನಿಯಮಗಳಿರುತ್ತದೆ. ಈ ಬಗ್ಗೆ ಸದನದಲ್ಲಿ ಚರ್ಚಿಸಲಾಗುವುದು. ಕಾರ್ಮಿಕ ಸಚಿವರ ಗಮನಕ್ಕೂ ತರಲಾಗುವುದು ಎಂದು ಭರವಸೆ ನೀಡಿದರು.

ರಾಜ್ಯ ಪ್ರಧಾನ ಕಾರ್ಯದರ್ಶಿ ಪ್ರಜ್ವಲ್​ ಪ್ರಸ್ತಾವಿಕವಾಗಿ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಕ್ಷೇತ್ರ ಸಮಿತಿಯ ಅಧ್ಯಕ್ಷ ದಯಾನಂದ ಕೋಟ್ಯಾನ್​, ಮಂಗಳೂರಿನ ಅಧ್ಯಕ್ಷ ಹರೀಶ್​ ರೈ, ಉದ್ಯಮಿ ಪಿ ರಾಜೇಶ್​, ಸುನಿಲ್​ ಪುರೋಹಿತ್​, ಟೈಲರ್​ ಸಂಘಟನೆಯ ರಾಜ್ಯಾಧ್ಯಕ್ಷ ಬಿ.ನಾರಾಯಣ, ಹಾಸನ ಜಿಲ್ಲಾ ಸಮಿತಿಯ ಮಾಜಿ ಅಧ್ಯಕ್ಷ ಸಂಕ್ರೇಗೌಡ, ರಾಜ್ಯ ಸಮಿತಿಯ ಕೋಶಾಧಿಕಾರಿ ಕೆ ರಾಮಚಂದ್ರ, ಉಡುಪಿ ಜಿಲ್ಲಾ ಸಮಿತಿಯ ಕೋಶಾಧಿಕಾರಿ ಯೋಗೇಶ್​ ಕಾಮತ್​, ಗುರುರಾಜ್​ ಎಂ ಶೆಟ್ಟಿ, ಶಾಂತ ಬಸ್ರೂರು, ಸುರೇಶ್​ ಪಾಲನ್​, ಲಕ್ಷ್ಮಿ ಆರ್​ ಭಟ್​ ಮುಂತಾದವರು ಉಪಸ್ಥಿತರಿದ್ದರು.