ವಿಚಾಣಾಧೀನ ಕೈದಿಗಳಾದ ವಿಕ್ರಂ ಕುಮಾರ ಮತ್ತು ಪ್ರಮೋದನನ್ನು ಮಂಗಳವಾರದಂದು ಮಂಗಳೂರಿನ ನ್ಯಾಯಾಲಯಕ್ಕೆ ಹಾಜರುಪಡಿಸಿ ವಾಪಸ್ ಕಾರಾಗೃಹಕ್ಕೆ ಕರೆದುಕೊಂಡು ಬರಲಾಗಿತ್ತು. ಈ ವೇಳೆ ಕಾರಾಗೃಹದ ಮುಖ್ಯದ್ವಾರದಲ್ಲಿ ಕೆಎಸ್ಐಎಸ್ಎಫ್ ಸಿಬಂದಿ ಕೈದಿಗಳನ್ನು ತಪಾಸಣೆ ನಡೆಸಿದರು. ಆಗ ವಿಕ್ರಂ ಕುಮಾರ್ ಧರಿಸಿದ್ದ ಚಪ್ಪಲಿಯಲ್ಲಿ ಹಳದಿ ಬಣ್ಣದ ಗಮ್ಟೇಪ್ನಿಂದ ಸುತ್ತಿದ ಎರಡು ಅನುಮಾನಸ್ಪದ ಪೊಟ್ಟಣಗಳು ಕಂಡುಬಂದವು. ಈ ಬಗ್ಗೆ ವಿಚಾರಣೆ ನಡೆಸಿದಾಗ ತಾನು ಧರಿಸಿದ್ದ ಚಪ್ಪಲಿ ಸಹ ಕೈದಿ ಪ್ರಮೋದನಿಗೆ ಸೇರಿದ್ದಾಗಿದೆ. ನ್ಯಾಯಾಲಯದಿಂದ ಕಾರಾಗೃಹಕ್ಕೆ ವಾಪಸ್ಸಾಗುವಾಗ ಬದಲಿಸಿಕೊಂಡು ಬಂದಿರುವುದಾಗಿ ತಿಳಿಸಿದ್ದಾನೆ. ಈ ಬಗ್ಗೆ ಪ್ರಮೋದನನ್ನು ವಿಚಾರಿಸಿದಾಗ ನ್ಯಾಯಾಲಯಕ್ಕೆ ವಿಚಾರಣೆಗೆ ಹೋಗುವಾಗ ಹಿಂದೆ ತನ್ನೊಂದಿಗೆ ಕೇಸೊಂದರಲ್ಲಿದ್ದ ದಾವಣಗೆರೆಯ ಮಂಜುನಾಥ ನ್ಯಾಯಾಲಯದ ವಿಚಾರಣೆಗೆ ಹಾಜರಾಗುವ ಸಮಯದಲ್ಲಿ ನ್ಯಾಯಾಲಯದ ಆವರಣದಲ್ಲಿದ್ದ ಶೌಚಾಲಯದ ಬಕೆಟ್ನ ತಳಭಾಗದಲ್ಲಿ 2 ಪೊಟ್ಟಣ ಬಚ್ಚಿಟ್ಟಿರುವುದಾಗಿ ತಿಳಿಸಿದ್ದ. ಅದರಂತೆ ಅವುಗಳನ್ನು ತೆಗೆದು ಚಪ್ಪಲಿಯಲ್ಲಿಟ್ಟುಕೊಂಡು ಬಂದಿದ್ದೆ. ಕಾರಾಗೃಹ ಪರವೇಶಿಸುವಾಗ ಚಪ್ಪಲಿ ಬದಲಿಸಿಕೊಂಡಿದ್ದೆವು ಎಂದು ತಿಳಿಸಿದ್ದಾನೆ.
