ಯುವ ಷಟ್ಲರ್ ಆಗಿದ್ದಾಗಿನಿಂದಲೇ ಲಿನ್ ಡ್ಯಾನ್ ‘ಬ್ಯಾಡ್ ಬಾಯ್’ ಆಗಿಯೂ ಗುರುತಿಸಿಕೊಂಡಿದ್ದರು. ಇದರ ನಡುವೆಯೂ ಅವರು 28 ವಯಸ್ಸಿನಲ್ಲೇ ಎಲ್ಲ ಪ್ರಮುಖ 9 ಬ್ಯಾಡ್ಮಿಂಟನ್ ಪ್ರಶಸ್ತಿಗಳನ್ನು (ಒಲಿಂಪಿಕ್ಸ್, ವಿಶ್ವ ಚಾಂಪಿಯನ್ಷಿಪ್, ಥಾಮಸ್ ಕಪ್, ವಿಶ್ವಕಪ್, ಸುಧೀರ್ಮನ್ ಕಪ್, ಸೂಪರ್ ಸಿರೀಸ್ ಮಾಸ್ಟರ್ಸ್ ಫೈನಲ್ಸ್, ಆಲ್ ಇಂಗ್ಲೆಂಡ್, ಏಷ್ಯನ್ ಗೇಮ್ಸ್, ಏಷ್ಯನ್ ಚಾಂಪಿಯನ್ಷಿಪ್) ಜಯಿಸುವ ಮೂಲಕ ‘ಸೂಪರ್ ಗ್ರಾಂಡ್ ಸ್ಲಾಂ’ ಸಾಧಿಸಿದ್ದರು. ಸಿಂಗಲ್ಸ್ ವೃತ್ತಿಜೀವನದಲ್ಲಿ 666 ಗೆಲುವು, 128 ಸೋಲು ಕಂಡಿರುವ ಮಾಜಿ ವಿಶ್ವ ನಂ. 1 ಡ್ಯಾನ್, 66 ಪ್ರಶಸ್ತಿ ಜಯಿಸಿದ್ದಾರೆ. ಒಲಿಂಪಿಕ್ಸ್ ಸಿಂಗಲ್ಸ್ನಲ್ಲಿ ಸತತ 2 ಸ್ವರ್ಣ ಜಯಿಸಿದ ಏಕೈಕ ಷಟ್ಲರ್ ಆಗಿದ್ದಾರೆ.
