2017ರಲ್ಲಿ ಯು ಬಿ ಪವನಜ ಅವರು ಯುನಿಕೋಡಿಗೆ ತುಳು ಲಿಪಿ ಸೇರ್ಪಡೆಗೆ ಪ್ರಸ್ತಾವನೆ ಸಲ್ಲಿಸಿದ್ದರು. ಅಂದಿನ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಇ ಗರ್ವನೆನ್ಸ್ ಕಾರ್ಯದರ್ಶಿಯಾಗಿದ್ದ ಬೇಲೂರು ಸುದರ್ಶನ ಅವರ ಸಹಕಾರವನ್ನು ಪಡೆದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯು ಸರ್ವ ಸದಸ್ಯರ ಸಹಕಾರದಿಂದ ಕೆಲವು ತಾಂತ್ರಿಕ ಕಾರ್ಯಮಾಡಲಾಗಿತ್ತು. ಆದರೆ ಡಾ. ಪವನಜೆ ಅವರು ತನ್ನ ವೈಯುಕ್ತಿಕ ಕಾರಣದಿಂದ ಯೂನಿಕೋಡ್ ಕಾರ್ಯ ಪೂರ್ಣಗೊಳಿಸಿಲ್ಲ. ಇದರಿಂದ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಯಿಂದಲೇ ಅಕಾಡಮಿ ಸದಸ್ಯ ಸಂಚಾಲಕ ಡಾ. ಆಕಾಶ್ ರಾಜ್ ಜೈನ್ ಇವರಿಗೆ ಯೂನಿಕೋಡ್ ನ ಜವಾಬ್ದಾರಿ ನೀಡಲಾಯಿತು. ನಂತರ ಯೂನಿಕೋಡ್ಗೆ ತುಳು ಲಿಪಿ ಸೇರ್ಪಡೆಗೆ ವೇಗ ಪಡೆಯಿತು. ವಿವಿಧ ಸಂಘಟನೆ, ಅಕಾಡಮಿ, ಸಾಹಿತಿಗಳನ್ನೊಳಗೊಂಡ ಸಮಗ್ರ ದಾಖಲೆಗಳನ್ನು ಯುನಿಕೋಡ್ ಕನ್ಸೋಟಿಯಂಗೆ ಒದಗಿಸಲಾಗಿತ್ತು. ಹೆಚ್ಚುವರಿ ಲಿಪಿಯನ್ನು ಬೆಳ್ಳೂರು ಅವರ ಸಹಕಾರದಿಂದ ರಚಿಸಿ ಶೇ.80 ರಷ್ಟು ಕಾರ್ಯ ಮುಗಿದು ಪೂರ್ಣ ಪ್ರಮಾಣದ ತುಳು ಲಿಪಿ ಸೇರ್ಪಡೆಗೆ ಕ್ಷಣಗಣಣೆ ಆರಂಭಗೊಂಡಿದೆ. ತುಳು ಲಿಪಿ ಯುನಿಕೋಡ್ ಸೇರ್ಪಡೆ ಪೂರ್ಣಗೊಂಡರೆ ಮುಂದಿನ ದಿನಗಳಲ್ಲಿ ನ್ಯಾಚುರಲ್ ಲ್ಯಾಂಗ್ವೇಜ್ ಪ್ರೊಸೆಸಿಂಗ್, ಟೆಕ್ಸ್ಟ್ ಟು ಸ್ಪೀಚ್, ಸ್ಪೀಚ್ ಟು ಟೆಕ್ಸ್ಟ್ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್(ಎಐ) ಇವೆಲ್ಲವನ್ನೂ ಮಾಡಲು ಸಾಧ್ಯ.
