ಮಾಗಡಿ ರಸ್ತೆಯ ಬ್ಯಾಡರಹಳ್ಳಿ ಸಮೀಪ ದೊಡ್ಡಗೊಲ್ಲರಹಟ್ಟಿ ಬಳಿಯಿರುವ ಮಣಪುರಂ ಗೋಲ್ಡ್ ಲೋನ್ ಮಳಿಗೆಯಲ್ಲಿ ಚಿನ್ನ ದರೋಡೆ ಮಾಡಲು ದುಷ್ಕರ್ಮಿಗಳು ಸಂಚು ರೂಪಿಸಿದ್ದರು. ಅದರಂತೆ ಕಳೆದ ಭಾನುವಾರ (ಆ2) ರಾತ್ರಿ ಮಣಪುರಂ ಶಾಪ್ಗೆ ಕನ್ನ ಹಾಕಲು ಡ್ರಿಲ್ಲಿಂಗ್ ಮಿಷನ್ ಸಮೇತ ಎಂಟ್ರಿ ಕೊಟ್ಟಿದ್ದರು. ಎರಡನೇ ಮಹಡಿಯಲ್ಲಿರುವ ಮಣಪುರಂ ಮಳಿಗೆಗೆ ಹೋಗಲು ಮೂರನೇ ಮಹಡಿಯಲ್ಲಿರುವ ಎಸ್.ಆರ್.ಕಂಪ್ಯೂಟರ್ ತರಬೇತಿ ಕೇಂದ್ರದ ಬಾಗಿಲು ಹೊಡೆದು ಒಳ ನುಗಿದ್ದರು. ಮೂರನೇ ಮಹಡಿ ಮೂಲಕ ಎರಡನೇ ಮಹಡಿಯ ಗೋಲ್ಡ್ ಲೋನ್ ಶಾಪ್ಗೆ ನುಗ್ಗಲು ಡ್ರಿಲ್ಲಿಂಗ್ ಮಷಿನ್ನಿಂದ ನೆಲಕೊರೆಯುತ್ತಿದ್ದರು. ಆದರೆ, ಲಾಸ್ಟ್ ಮಿನಿಟ್ನಲ್ಲಿ ಪ್ಲ್ಯಾನ್ ಪ್ಲಾಪ್ ಆಗಿದೆ.
