ಹೆಲ್ಮೆಟ್​ ಧರಿಸಿಲ್ಲವೆಂದು ಟ್ರಕ್​ ಚಾಲಕ, ಕ್ಲೀನರ್​ಗೆ ದಂಡ ವಿಧಿಸಿದ ಪೊಲೀಸರು: ಮತ್ತೆ ವೈರಲ್ ಆಯ್ತು ಚಲನ್​!

ಭುವನೇಶ್ವರ: ಬೈಕ್​ ಮತ್ತು ಸ್ಕೂಟರ್​ನಲ್ಲಿ ಹೆಲ್ಮೆಟ್​ ಹಾಗೂ ಕಾರಿನಲ್ಲಿ ಬೆಲ್ಟ್​ ಧರಿಸದಿದ್ದರೆ ದಂಡ ವಿಧಿಸುವುದು ಸಾಮನ್ಯ. ಆದರೆ, ಒಡಿಶಾದಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದ್ದು, ಹೆಲ್ಮೆಟ್​ ಧರಿಸಿಲ್ಲ ಎಂಬ ಕಾರಣ ನೀಡಿ ಟ್ರಕ್​ ಡ್ರೈವರ್​ ಮತ್ತು ಆತನ ಸಹಾಯಕನಿಗೆ ದಂಡ ವಿಧಿಸಿದ್ದಾರೆ.

ಒಡಿಶಾದ ಜಾಜ್​ಪುರ್​ ಜಿಲ್ಲೆಯ ಚಾಂದಿಖೋಲ್​ ಬಳಿ ನಡೆದಿದೆ. ಮೂಲಗಳ ಪ್ರಕಾರ ಭುವನೇಶ್ವರದ ಹನ್ಸಪಾಲ್​ ಮೂಲದ ಜ್ಯೋತಿರಂಜನ್​ ಸಾಹೋ ಎಂಬುವರಿಗೆ ಸೇರಿದ ಟ್ರಕ್​ ಅನ್ನು ಹೈವೇ ಪೊಲೀಸರು ಚಾಂದಿಖೋಲ್​ ಚಾಕ್​ ಬಳಿ 2020ರ ಜುಲೈ 27ರಂದು ತಡೆಹಿಡಿದಿದ್ದರು. ಈ ವೇಳೆ ಕೋವಿಡ್​ ನಿಯಮವೂ ಸಹ ಜಾರಿಯಲ್ಲಿತ್ತು.

ಇದನ್ನೂ ಓದಿರಿ: ಒಂದೆಡೆ ಪತ್ನಿ, ಇನ್ನೊಂದೆಡೆ ಮದುವೆಯಾಗಲು ಪ್ರೇಯಸಿ ಒತ್ತಾಯ- ಮೈಸೂರಿನಲ್ಲಿ ಬಿತ್ತು ಎರಡು ಹೆಣ!

ಚಾಲಕ ಪ್ರಕಾಶ್​ ಪಾಣಿ ಮಾಸ್ಕ್​ ಅನ್ನು ಸರಿಯಾಗಿ ಧರಿಸದಿದ್ದಕ್ಕೆ ದಂಡ ವಿಧಿಸಲಾಗಿತ್ತು. ಇದೇ ವಿಚಾರವಾಗಿ ಪೊಲೀಸ್​ ಅಧಿಕಾರಿ ಮತ್ತು ಚಾಲಕನ ನಡುವೆ ವಾಗ್ವಾದ ಶುರುವಾಗಿತ್ತು. ಇದರ ಬೆನ್ನಲ್ಲೇ ಪೊಲೀಸ್​ ಅಧಿಕಾರಿ ಹೆಲ್ಮೆಟ್​ ಧರಿಸದೇ ಪ್ರಯಾಣ ಮಾಡಿದ್ದೀರಿ ಎಂದು ಚಾಲಕ ಮತ್ತು ಸಹಾಯಕನಿಗೆ 1000 ರೂ. ದಂಡ ವಿಧಿಸಿ ಚಲನ್​ ನೀಡಿದ್ದರು.

ಈ ಘಟನೆ ನಡೆದ ಅನೇಕ ದಿನಗಳ ನಂತರ ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಚಲನ್​ ವೈರಲ್​ ಆಗಿದ್ದು, ನೆಟ್ಟಿಗರು ಮತ್ತೊಮ್ಮೆ ಪೊಲೀಸರ ಕ್ರಮವನ್ನು ಟೀಕಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/man-shoots-bird-gets-instant-karma-watch/

https://www.vijayavani.net/woman-jumps-off-building-with-8-month-old-baby-in-hyderabad/

https://www.vijayavani.net/mysuru-natives-return-gold-found-in-old-shirt-to-owner/