ಆರು ವರ್ಷಗಳೇ ಆಗಿತ್ತು ತ್ರಿಷಾ, ಟಾಲಿವುಡ್ನಲ್ಲಿ ಕಾಣಿಸಿಕೊಂಡು. 2015ರಲ್ಲಿ ಬಿಡುಗಡೆಯಾದ ಸತ್ಯದೇವ್ ಅಭಿನಯದ ‘ಲಯನ್’ ಚಿತ್ರದಲ್ಲಿ ನಟಿಸಿದ್ದ ತ್ರಿಷಾ, ಆ ನಂತರ ಟಾಲಿವುಡ್ನಿಂದ ದೂರವೇ ಇದ್ದರು. ಈ ಮಧ್ಯೆ, ಚಿರಂಜೀವಿ ಅಭಿನಯದ ‘ಆಚಾರ್ಯ’ ಚಿತ್ರಕ್ಕೆ ಅವರು ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ, ಬಾಲಕೃಷ್ಣ ಅಭಿನಯದ ಹೊಸ ಚಿತ್ರವೊಂದಕ್ಕೆ ಸೇರ್ಪಡೆಯಾಗಲಿದ್ದಾರೆ ಎಂಬ ಸುದ್ದಿಗಳು ಕೇಳಿಬರುತ್ತಿದ್ದವು. ಆದರೆ, ಅದ್ಯಾವುದೂ ನಿಜವಾಗಲಿಲ್ಲ. ಹೀಗಿರುವಾಗಲೇ, ಅವರ ‘ಬೃಂದಾ’ ಎಂಬ ತೆಲುಗು ವೆಬ್ಸೀರೀಸ್ನಲ್ಲಿ ನಟಿಸುವ ಮೂಲಕ ಟಾಲಿವುಡ್ಗೆ
ವಾಪಸ್ಸಾಗಿದ್ದಾರೆ. ‘ಬೃಂದಾ’ ಸರಣಿಯ ಮುಹೂರ್ತ ಶುಕ್ರವಾರ, ವಿಜಯದಶಮಿ ಹಬ್ಬದ ಅಂಗವಾಗಿ ಹೈದರಾಬಾದ್ನಲ್ಲಿ ನಡೆದಿದೆ. ಸದ್ಯದಲ್ಲೇ ಚಿತ್ರೀಕರಣ ಸಹ ಪ್ರಾರಂಭವಾಗಲಿದೆ. ಈ ವೆಬ್ಸರಣಿಯನ್ನು ಸೂರ್ಯ ವಂಗಲ ಎನ್ನುವವರು ನಿರ್ದೇಶಿಸುತ್ತಿದ್ದು, ಈ ಬಗ್ಗೆ ಹೆಚ್ಚಿನ ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ. ವೆಬ್ಸೀರೀಸ್ನಲ್ಲಿ ಕಾಣಿಸಿಕೊಳ್ಳುವುದು ಹೊಸ ಟ್ರೆಂಡ್ ಆಗಿದ್ದು, ಈಗಾಗಲೇ ಟಾಲಿವುಡ್ನ ಹಲವು ನಟಿಯರು ಒಂದಲ್ಲ ಒಂದು ವೆಬ್ಸರಣಿಯಲ್ಲಿ ನಟಿಸಿದ್ದಾರೆ. ಕಾಜಲ್ ಅಗರ್ವಾಲ್, ತಮನ್ನಾ ಭಾಟಿಯಾ, ಸಮಂತಾ, ಪ್ರಿಯಾಮಣಿ ನಂತರ ತ್ರಿಷಾ ಸಹ ಹೆಜ್ಜೆ ಇಟ್ಟಿದ್ದು, ಈ ಪ್ರಯತ್ನದಲ್ಲಿ ಅವರು ಗೆಲ್ಲುತ್ತಾರೋ, ಸೋಲುತ್ತಾರೋ ಎಂದು ಇನ್ನಷ್ಟೇ ಕಾದು ನೋಡಬೇಕಿದೆ.-ಏಜೆನ್ಸೀಸ್