'60ನೇ ವಯಸ್ಸಲ್ಲಿ ನಟ ಅಮೀರ್ ಖಾನ್​​​ ಮದ್ವೆಯಾದ್ರೆ ತಪ್ಪೇನು?': ಖ್ಯಾತ ಲೇಖಕ ಗುಲ್ಜಾರ್​ ಪತ್ನಿ ನಟಿ ರಾಖಿ..Rakhee Gulzar

ಇತ್ತೀಚೆಗೆ ಅಮೀರ್​ ಖಾನ್​ ಅವರು ನಾನು ಮತ್ತು ಗೌರಿ ಸ್ಪ್ರಾಟ್ ಜುಲೈ5ರಂದು ಮದುವೆಯಾಗುತ್ತಿದ್ದೇವೆ ಎಂದು ಹರಿದಾಡುತ್ತಿರುವ ಮಾಹಿತಿ ನಿಜ. ನಾನೀಗ ಭಾರತದಲ್ಲಿ ಇಲ್ಲ. ಅಮೆರಿಕದ ಪ್ರಯಾಣದಲ್ಲಿದ್ದೇನೆ ಎಂದು ಹೇಳಿಕೊಂಡಿದ್ದರು. ಸದ್ಯ ಈ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ಹುಟ್ಟುಹಾಕಿದೆ. ಅನೇಕರು ಶುಭ ಹಾರೈಸುತ್ತಿದ್ದರೂ, ಕೆಲವರು ತಮ್ಮದೇ ಆದ ಟೀಕೆಗಳನ್ನು ವ್ಯಕ್ತಪಡಿಸಿದ್ದಾರೆ.

"ನನಗೆ ಚಲನಚಿತ್ರ ರಂಗದಲ್ಲಿ ನಡೆಯುತ್ತಿರುವ ವಿದ್ಯಮಾನಗಳ ಬಗ್ಗೆ ಅಷ್ಟಾಗಿ ಮಾಹಿತಿ ಇಲ್ಲ, ಹಾಗೆಯೇ ನಾನು ಅಮೀರ್ ಖಾನ್ ಅವರ ಜೊತೆಯೂ ಕೆಲಸ ಮಾಡಿಲ್ಲ. ಆದರೆ ಅವರು ಅತ್ಯಂತ ಪ್ರಾಮಾಣಿಕ ವ್ಯಕ್ತಿ ಎಂಬುದು ನನಗೆ ಗೊತ್ತು. ಮತ್ತು ಅವರು ಮದುವೆಯ ನಂತರವೂ ತಮ್ಮ ಇಬ್ಬರು ಮಾಜಿ ಪತ್ನಿಯರಾದರೀನಾ ದತ್ತಾ ಮತ್ತು ಕಿರಣ್ ರಾವ್ ಸ್ನೇಹವನ್ನು ಉಳಿಸಿಕೊಂಡಿರುವ ವಿಧಾನ ನನಗೆ ತುಂಬಾ ಇಷ್ಟ. ಇದು ಅವರ ಬಗ್ಗೆ ಬಹಳಷ್ಟು ಹೇಳುತ್ತದೆ" ಎಂದರು.

ಮುಂದುವರೆದು,'60ನೇ ವಯಸ್ಸಿನಲ್ಲಿ ಮದುವೆಯಾಗುವುದರಲ್ಲಿ ತಪ್ಪೇನಿದೆ?" ಎಂದು ಪ್ರಶ್ನಿಸಿದ ಅವರು, ನಟ ರಾಬರ್ಟ್ ಡಿ ನಿರೋ ಅವರ ಉದಾಹರಣೆಯನ್ನು ನೀಡಿದರು. 2023 ರಲ್ಲಿ ತಮ್ಮ ಸಂಗಾತಿ ಟಿಫಾನಿ ಚೆನ್ ಅವರೊಂದಿಗೆ ಹೆಣ್ಣು ಮಗುವನ್ನು ಸ್ವಾಗತಿಸಿದ ಡಿ ನಿರೋ, ತಮ್ಮ 80 ರ ಹರೆಯದಲ್ಲಿ ಮತ್ತೊಮ್ಮೆ ತಂದೆಯಾದರು ಎಂದು ರಾಖಿ ಹೇಳಿದರು. ಯಶಸ್ವಿ ದಾಂಪತ್ಯ ಜೀವನವನ್ನು ವಯಸ್ಸು ನಿರ್ಧರಿಸುವುದಿಲ್ಲ ಎಂದು ಸೇರಿಸಿದ ಅವರು, ತಮ್ಮದೇ ಜೀವನವನ್ನು ಮೆಲುಕು ಹಾಕುತ್ತಾ, ಗುಲ್ಜಾರ್ ಅವರಿಗೆ ಸುಮಾರು 40 ವರ್ಷ ವಯಸ್ಸಾಗಿದ್ದಾಗ ತಾವು ಅವರನ್ನು ವಿವಾಹವಾದ ಬಗ್ಗೆ ಉಲ್ಲೇಖಿಸಿದರು.

ಬೆಂಗಳೂರಿನವರಾದ ಗೌರಿ ಸ್ಪ್ರಾಟ್​​​​, ಖ್ಯಾತ ಸಲೂನ್ ಹೊಂದಿರುವ ರೀಟಾ ಸ್ಪ್ರಾಟ್ ಪುತ್ರಿ. ಓದಿದ್ದು ಬ್ಲ್ಯೂ ಮೌಂಟೇನ್​​ ಶಾಲೆಯಲ್ಲಿ. 2004ರಲ್ಲಿ ಲಂಡನ್​ ಆಫ್​ ದಿ ಆರ್ಟ್ಸ್ ಎಫ್​ಡಿಐ ಸ್ಟೈಲಿಂಗ್​ ಆಂಡ್​ ಫೋಟೋಗ್ರಾಫಿ ಫ್ಯಾಷನ್​ ಕೋರ್ಸ್​ ಮುಗಿಸಿದ್ದರು. ಅಮೀರ್​ ಖಾನ್ ಅವರ ಪ್ರೊಡಕ್ಷನ್​ ಹೌಸ್​ನಲ್ಲಿಯೂ ಕೆಲಸ ಮಾಡಿದ್ದಾರೆ.