ದೆಹಲಿ ಅಲ್ಲ, ಮುಂಬೈ ಕೂಡ ಅಲ್ಲ.. ವಿಶ್ವದ ಅತ್ಯಂತ ಕಲುಷಿತ ನಗರ ಈಗ ಭಾರತದ ಈ ಪುಟ್ಟ ಪಟ್ಟಣ! | Air Pollution

ವರದಿಯ ಪ್ರಕಾರ, 2025ರಲ್ಲಿ ಲೊನಿ ನಗರದಲ್ಲಿ ವಾರ್ಷಿಕ ಸರಾಸರಿ PM2.5 ಮಟ್ಟವು ಪ್ರತಿ ಘನ ಮೀಟರ್‌ಗೆ 112.5 ಮೈಕ್ರೋಗ್ರಾಂ (µg/m³) ದಾಖಲಾಗಿದೆ.

ಅಪಾಯದ ಪ್ರಮಾಣ: ಇದು ವಿಶ್ವ ಆರೋಗ್ಯ ಸಂಸ್ಥೆ (WHO) ನಿಗದಿಪಡಿಸಿರುವ ಸುರಕ್ಷಿತ ಮಿತಿಗಿಂತ ಬರೋಬ್ಬರಿ 22 ಪಟ್ಟು ಹೆಚ್ಚು!

ಏರಿಕೆ: 2024ಕ್ಕೆ ಹೋಲಿಸಿದರೆ ಲೊನಿಯಲ್ಲಿ ಮಾಲಿನ್ಯದ ಮಟ್ಟವು ಶೇ. 23 ರಷ್ಟು ಜಿಗಿತ ಕಂಡಿದೆ. ಇದು ಈ ಪ್ರದೇಶದ ಜನರ ಶ್ವಾಸಕೋಶದ ಮೇಲೆ ನೇರ ದಾಳಿ ಮಾಡುತ್ತಿದೆ.

ದೆಹಲಿಯು ವಿಶ್ವದ 4ನೇ ಅತ್ಯಂತ ಕಲುಷಿತ ನಗರವಾಗಿ ಮುಂದುವರಿದಿದೆ (ಸರಾಸರಿ 99.6 µg/m³). ಆದರೆ, ವಿಶ್ವದ ಅತ್ಯಂತ ಕಲುಷಿತ ರಾಜಧಾನಿ ನಗರ ಎಂಬ ಕುಖ್ಯಾತಿಯನ್ನು ನವದೆಹಲಿ ಉಳಿಸಿಕೊಂಡಿದೆ. ಢಾಕಾ ಮತ್ತು ದುಶಾನ್ಬೆಗಿಂತಲೂ ದೆಹಲಿಯ ಗಾಳಿ ಹೆಚ್ಚು ವಿಷಕಾರಿಯಾಗಿದೆ.ರಾಷ್ಟ್ರೀಯ ರಾಜಧಾನಿ ವಲಯದ (NCR) ಇತರ ನಗರಗಳೂ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿವೆ.

ವಿಶ್ವದ ಅತಿ ಹೆಚ್ಚು ಕಲುಷಿತಗೊಂಡ 50 ನಗರಗಳ ಪಟ್ಟಿಯಲ್ಲಿ ಭಾರತದ 29 ನಗರಗಳು ಸ್ಥಾನ ಪಡೆದಿವೆ. ವಿಶ್ವದ ಟಾಪ್ 5 ಕಲುಷಿತ ನಗರಗಳಲ್ಲಿ 3 ಭಾರತದ್ದೇ ಆಗಿವೆ ಎಂಬುದು ವಿಷಾದದ ಸಂಗತಿ. ಅಚ್ಚರಿಯೆಂದರೆ, ಜಗತ್ತಿನ ಅತಿ ಹೆಚ್ಚು ಮಾಲಿನ್ಯ ಹೊಂದಿರುವ ಮೊದಲ 25 ನಗರಗಳು ಭಾರತ, ಪಾಕಿಸ್ತಾನ ಮತ್ತು ಚೀನಾದಲ್ಲಿ ಮಾತ್ರ ಇವೆ.

ರಾಷ್ಟ್ರೀಯ ಶುದ್ಧ ಗಾಳಿ ಕಾರ್ಯಕ್ರಮದ (NCAP) ಅಡಿಯಲ್ಲಿ ಹೆಚ್ಚಿನ ನಗರಗಳನ್ನು ಸೇರಿಸದಿದ್ದರೆ ಮತ್ತು ಮಾಲಿನ್ಯದ ಮೂಲಗಳನ್ನು (ವಾಹನಗಳು, ಕಾರ್ಖಾನೆಗಳು, ಕಟ್ಟಡ ನಿರ್ಮಾಣ ಧೂಳು) ನಿಯಂತ್ರಿಸದಿದ್ದರೆ ಪರಿಸ್ಥಿತಿ ಕೈಮೀರಲಿದೆ ಎಂದು ವಿಜ್ಞಾನಿಗಳು ಎಚ್ಚರಿಸಿದ್ದಾರೆ.

ಪ್ರಸ್ತುತ ವಿಶ್ವದ ಕೇವಲ 14% ನಗರಗಳು ಮಾತ್ರ WHO ಮಾನದಂಡಗಳನ್ನು ಪೂರೈಸುತ್ತಿವೆ. ಐಸ್‌ಲ್ಯಾಂಡ್, ಆಸ್ಟ್ರೇಲಿಯಾ ಮತ್ತು ಎಸ್ಟೋನಿಯಾದಂತಹ ರಾಷ್ಟ್ರಗಳು ಮಾತ್ರ ಶುದ್ಧ ಗಾಳಿಯನ್ನು ಹೊಂದಿರುವ ಅದೃಷ್ಟವಂತ ದೇಶಗಳಾಗಿವೆ,(ಏಜೆನ್ಸೀಸ್​).