ಶೋಭಿತಾ ಧೂಳಿಪಾಲ ಹುಟ್ಟುಹಬ್ಬ; ನಟ ನಾಗಚೈತನ್ಯ ಸ್ಪೆಷಲ್ ರೊಮ್ಯಾಂಟಿಕ್​​​ ವಿಶಸ್ ಹೀಗಿತ್ತು..Sobhita Dhulipala Birthday

Happy birthday my lady @sobhitad. Grateful I get to do life with you (ಹುಟ್ಟುಹಬ್ಬದ ಶುಭಾಷಯ ಮೈ ಲೇಡಿ ಶೋಭಿತಾ ಧೂಳಿಪಾಲ, ನಿಮ್ಮೊಂದಿಗೆ ಜೀವನವನ್ನು ಕಳೆಯಲು ಸಿಕ್ಕಿರುವ ಅವಕಾಶಕ್ಕೆ ನಾನು ನಿಜಕ್ಕೂ ಧನ್ಯನಾಗಿದ್ದೇನೆ) ಎಂದು ಬರೆದುಕೊಂಡಿದ್ದಾರೆ. ಹಿನ್ನೆಲೆಯಲ್ಲಿ ಕಿಡ್ನ್ಯಾಪ್ ಮೊಮೆಂಟ್ಸ್ ಹಾಡನ್ನು ಜೋಡಿಸಿ ಈ ಪೋಸ್ಟ್ ಮಾಡಲಾಗಿದೆ.

ಚೈತನ್ಯ ಹಂಚಿಕೊಂಡಿರುವ ಚಿತ್ರಗಳಲ್ಲಿ ಒಂದೆಡೆ ಈ ಜೋಡಿ ರಜಾದಿನಗಳನ್ನು ಆನಂದಿಸುತ್ತಿರುವುದು ಕಂಡುಬಂದರೆ, ಇನ್ನೊಂದೆಡೆ ಚೈತನ್ಯ ಅವರೇ ಕ್ಲಿಕ್ಕಿಸಿದ ಶೋಭಿತಾ ಅವರ ಸುಂದರ ಸೋಲೋ ಫೋಟೋಗಳಿವೆ. ಇದರಲ್ಲಿ ನೆಟ್ಟಿಗರ ಗಮನ ಸೆಳೆದದ್ದು ಕೊನೆಯಲ್ಲಿರುವ ಒಂದು ತಮಾಷೆಯ ಫೋಟೋ! ಅದರಲ್ಲಿ ಶೋಭಿತಾ ಅವರು ದೂರ ನಿಂತು, ಕ್ಯಾಮೆರಾ ಆಂಗಲ್ ಬಳಸಿ ನಾಗ ಚೈತನ್ಯ ಅವರ ಕುತ್ತಿಗೆಯನ್ನು ಹಿಡಿದುಕೊಳ್ಳುವಂತೆ ಪೋಸ್ ನೀಡಿದ್ದಾರೆ.

ಈ ಫೋಟೋ ನೋಡಿ ಅಭಿಮಾನಿಗಳು ಸಖತ್ ಎಂಜಾಯ್ ಮಾಡುತ್ತಿದ್ದು, ಕಮೆಂಟ್ ಬಾಕ್ಸ್‌ನಲ್ಲಿ "ಸರ್, ಈ ಕೊನೆಯ ಫೋಟೋವನ್ನೇ ಮೊದಲು ಹಾಕಬೇಕಿತ್ತು!" ಎಂದು ಮನವಿ ಮಾಡಿಕೊಂಡಿದ್ದಾರೆ. ಇನ್ನು ಕೆಲವು ಅಭಿಮಾನಿಗಳು "ಅಕ್ಕಿನೇನಿ ಲಕ್ಷ್ಮಿ ಶೋಭಿತಾ ಮೇಡಂಗೆ ಹುಟ್ಟುಹಬ್ಬದ ಶುಭಾಶಯಗಳು, ಈ ಜೋಡಿಗೆ ದೇವರು ಸದಾ ಸುಖ-ಸಂತೋಷ ನೀಡಲಿ" ಎಂದು ಹಾರೈಸುತ್ತಿದ್ದಾರೆ.

ಸಮಂತಾ ರುತ್​ಪ್ರಭು ಅವರಿಂದ 2021ರಲ್ಲಿ ಡಿವೋರ್ಸ್ ಪಡೆದುಕೊಂಡ ನಾಗಚೈತನ್ಯ ಅವರು2024 ರ ಡಿಸೆಂಬರ್ 4 ರಂದು ಹೈದರಾಬಾದ್‌ನ  ಅನ್ನಪೂರ್ಣ ಸ್ಟುಡಿಯೋಸ್‌ದಲ್ಲಿ ಶೋಭಿತಾ ಧೂಳಿಪಾಲರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. 2025ರಲ್ಲಿ ಸಮಂತಾ ರುತ್​ ಪ್ರಭು ಅವರು ಫ್ಯಾಮಿಲಿ ಮ್ಯಾನ್​ ಖ್ಯಾತಿಯ ನಿರ್ದೇಶಕ ರಾಜ್​ ನಿಡಿಮೂರು ಜೊತೆಗೆ ವೈವಾಹಿಕ ಜೀವನ ಆರಂಭಿಸಿದ್ದಾರೆ.

ದೆಹಲಿ ಕೋರ್ಟ್ ಮೆಟ್ಟಿಲೇರಿದ್ದ ಚೈತನ್ಯ

ಡಿವೋರ್ಸ್​ ಕೊಟ್ಟ ನಂತರ ಸಮಂತಾ ಔದ್ಯೋಗಿಕ ಜೀವನ ಹಾಳಾಗಿದೆ. ಅವರಿಗೆ ಮೋಸ ಮಾಡಿದ್ದಾರೆ ಎಂದು ಎಐ ವಿಡಿಯೋ ಕ್ರಿಯೇಟ್ ಮಾಡಿ ಸುಳ್ಳು ಸುದ್ದಿ ಹರಡಲಾಗುತ್ತಿದೆ ಎಂದು ಕೋರ್ಟ್​ ಮೆಟ್ಟಿಲೇರಿದ್ದರು. ವಿಚಾರಣೆ ನಡೆಸಿದ ಜ್ಯೋತಿ ಸಿಂಗ್​ ಅವರಿದ್ದ ಪೀಠವು ಮಧ್ಯಂತರ ರಕ್ಷಣೆ ನೀಡಿ ಸಮನ್ಸ್ ಜಾರಿ ಮಾಡಿದೆ. 'ವೈಯಕ್ತಿಕ ಹಕ್ಕುಗಳನ್ನು' ಮಧ್ಯಂತರ ಆದೇಶವನ್ನು ಹೊರಡಿಸುವುದಾಗಿ ಸೂಚಿಸಿದೆ. ಈ ಪ್ರಕರಣದ ಮುಂದಿನ ವಿಚಾರಣೆಯನ್ನು ಸೆಪ್ಟೆಂಬರ್ 30 ಕ್ಕೆ ನಿಗದಿಪಡಿಸಲಾಗಿದೆ.