ಟ್ರೆಂಡಿಂಗ್

ಆರೋಗ್ಯಕರ ಎಂದು ಈ ಐದು ಆಹಾರ ಪದಾರ್ಥ ತಿನ್ನುತ್ತಿದ್ದೀರಾ?; ಕಾಲಕ್ರಮೇಣ ನಿಮ್ಮ ಕರುಳಿನ ಆರೋಗ್ಯ ಹದಗೆಡಿಸುತ್ತವೆ ಎಚ್ಚರ!..Health Tips

five foods that seem safe but inflame your gut
five foods that seem safe but inflame your gut
ಮಮತಾ
Published on: 

ಪ್ರಮುಖ ಮುಖ್ಯಾಂಶಗಳು

  • ಸುರಕ್ಷಿತ ಮತ್ತು ಪೌಷ್ಟಿಕ ಎಂದು ಭಾವಿಸುವ ಕೆಲವು ಆಹಾರಗ ನಿಧಾನವಾಗಿ ಕರುಳಿಗೆ ಹಾನಿ ಮಾಡುತ್ತದೆ
  • ಉರಿಯೂತ ಉಂಟಾಗಿ, ಕೊಲೊರೆಕ್ಟಲ್ ಕ್ಯಾನ್ಸರ್ ಅಪಾಯ ಹೆಚ್ಚಾಗಬಹುದು.
  • ಭಾರತೀಯ ಅಡುಗೆಮನೆಯಲ್ಲೇ ಸಿಗುವ ಸುಲಭ ಪರ್ಯಾಯ ಆಹಾರಗಳನ್ನು ಬಳಸಲು ವೈದ್ಯರ ಪ್ರಮುಖ ಸಲಹೆ.
five foods that seem safe but inflame your gut: ಅಯ್ಯೋ ರಾತ್ರಿ ಅನ್ನ ಉಳದಿದೆ ಇದನ್ನು ಬಿಸಾಡೋದು ಹೇಗೆ ಎಂದು ಪಲಾವ್​, ಬಿಳಿ ಅನ್ನ, ಬಿರಯಾನಿ ಬಿಸಿ ಮಾಡಿ ತಿನ್ನವುದು. ಹಾಲು, ಪನ್ನೀರ್​​, ಮೊಳಕೆ ಕಾಳು ಡಯೆಟ್​​ಗೆ ಒಳ್ಳೆಯದು, ಬಾರ್ಬೆಕ್ಯೂ ಮಾಂಸ ಇವೆಲ್ಲವು ಆರೋಗ್ಯಕ್ಕೆ ಬಹಳ ಆರೋಗ್ಯಕ ಎಂದು ಭಾವಿಸಲಾಗುತ್ತದೆ. ಆದರೆ ಇದರಿಂದ ನಮ್ಮ ಕರಳನ್ನು ನಿಧಾನವಾಗಿ ಹಾನಿಗೊಳಿಸುತ್ತದೆ ಎಂದು ವೈದ್ಯರು ಹೇಳುತ್ತಾರೆ.
ಬೆಂಗಳೂರಿನ ವೈದ್ಯ ಡಾ. ಪರಮೇಶ್ವರ ಅವರು ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಕೆಲವೊಂದು ಆಹಾರ ಪೌಷ್ಠಿಕವುಳ್ಳದ್ದು ಎಂದೆನಿಸುತ್ತದೆ. ಆದರೆ ಇವು ನಿಧಾನವಾಗಿ ನಿಮ್ಮ ಜೀರ್ಣಾಂಗ ವ್ಯವಸ್ಥೆಗೆ ಸಮಸ್ಯೆ ಮಾಡುವಂತದ್ದು ಎಂದು ಸ್ಲೈಡ್ಸ್​ ಪೋಸ್ಟ್ ಮಾಡಿದ್ದಾರೆ.
ಪೌಷ್ಟಿಕಾಂಶವುಳ್ಳ ಆಹಾರ ಎಂದು ನಂಬಿರುವ ಈ ಆಹಾರಗಳಿಂದ ಕರುಳಿಗೆ ಆಗುವ ಹಾನಿ ವರ್ಷಗಳ ಕಾಲ ಅತ್ಯಂತ ಶಾಂತವಾಗಿ, ನಮಗೆ ತಿಳಿಯದಂತೆ ನಿರಂತರವಾಗಿ ಬೆಳೆಯುತ್ತಾ ಹೋಗುತ್ತದೆ. ಅದೇ ರೀತಿ, ಇವುಗಳನ್ನು ದೂರ ಇಡುವುದರಿಂದ ಸಿಗುವ ರಕ್ಷಣೆಯೂ ಅಷ್ಟೇ ದೀರ್ಘಕಾಲಿಕವಾಗಿರುತ್ತದೆ ಎಂದಿದ್ದಾರೆ.

ಆ 5 ಪ್ರಮುಖ ಆಹಾರ ಯಾವುದು?

ಮೊಳಕೆಯೊಡೆಸುವ ಹಸಿ ಕಾಳು
ಮೊಳಕೆಯೊಡೆದ ಹೆಸರು ಕಾಳು, ಹಲಸಂದಿ, ಕಡಲೆ ಕಾಳು ಡಯೆಟ್​ಗೆ ಅದ್ಭುತ ಆಹಾರ ಎನ್ನಲಾಗುತ್ತದೆ. ಆದರೆ ಇವುಗಳು ಬೆಳೆಯುವ ಬೆಚ್ಚಗಿನ ಮತ್ತು ತೇವಾಂಶದ ವಾತಾವರಣವು ಬ್ಯಾಕ್ಟೀರಿಯಾಗಳ ಬೆಳವಣಿಗೆಗೆ ಸೂಕ್ತ ಜಾಗ. ಇವು ಕರುಳಿನಲ್ಲಿ ತೀವ್ರವಾದ ಉರಿಯೂತವನ್ನು ಪ್ರಚೋದಿಸುತ್ತವೆ.
ಪಾಶ್ಚರೀಕರಿಸದ ಡೈರಿ ಉತ್ಪನ್ನ
ಪಾಶ್ಚರೀಕರಿಸದ ಡೈರಿ ಉತ್ಪನ್ನದಲ್ಲಿರುವ ಕ್ಯಾಂಪಿಲೋಬ್ಯಾಕ್ಟರ್ ಎನ್ನುವ ಬ್ಯಾಕ್ಟೀರಿಯಾ ಕರುಳಿನ ಒಳಪದರದ ಮೇಲೆ ದಾಳಿ ಮಾಡುತ್ತದೆ. ತೀವ್ರವಾದ ಅಲ್ಸರೇಟಿವ್ ಕೊಲೈಟಿಸ್‌ನಂತೆಯೇ ಇರುತ್ತವೆ. ಸೋಂಕಿನಿಂದ ಚೇತರಿಸಿಕೊಂಡ ನಂತರವೂ ಅನೇಕ ರೋಗಿಗಳು ತಿಂಗಳುಗಳ ಕಾಲ 'ಇರಿಟೇಬಲ್ ಬೋವಲ್ ಸಿಂಡ್ರೋಮ್ ಸಮಸ್ಯೆಯಿಂದ ಬಳಲುತ್ತಾರೆ.
ಹ್ಯಾಮ್​ ಸಲಾಮಿ ಎನ್ನುವಂತಹ ಸಂಸ್ಕರಿಸಿದ ಮಾಂಸದಲ್ಲಿ ಸೋಡಿಯಂ ನೈಟ್ರೈಟ್' ಇರುತ್ತದೆ. ಇದು ಕರುಳಿನ ಒಳಗೆ ಕ್ಯಾನ್ಸರ್ ಕಾರಕ ಸಂಯುಕ್ತಗಳಾಗಿ ಬದಲಾಗುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆ ಸಂಸ್ಕರಿಸಿದ ಮಾಂಸವನ್ನು ತಂಬಾಕಿನಷ್ಟೇ ಅಪಾಯಕಾರಿಯಾದ 'ಗ್ರೂಪ್ 1 ಕಾರ್ಸಿನೋಜೆನ್'ಎಂದು ವರ್ಗೀಕರಿಸಿದೆ. ನಿಯಮಿತವಾಗಿ ತಿನ್ನುವುದು ಅಪಾಯಕಾರಿ ಎನ್ನಲಾಗಿದೆ.

ಬೆಂದ ಅನ್ನ ಬಿಸಿ ಮಾಡುವುದು

ಬೆಂದ ಅನ್ನವನ್ನು ಬಿಸಿ ಮಾಡುವುದು ಸಮಸ್ಯೆಯಲ್ಲ. ಆದರೆ, ಅದನ್ನು ಮುಚ್ಚಿಡುವ ರೀತಿ ಸಮಸ್ಯೆಗೆ ಎಡೆ ಮಾಡಿಕೊಡುತ್ತದೆ. ಅನ್ನವನ್ನು ಕೋಣೆಯ ಉಷ್ಣಾಂಶದಲ್ಲಿ ಹಾಗೇ ಬಿಟ್ಟಾಗ, ಅದರಲ್ಲಿ 'ಬ್ಯಾಸಿಲಸ್ ಸಿರಿಯಸ್' ಎಂಬ ತಾಪಮಾನ ನಿರೋಧಕ ಬ್ಯಾಕ್ಟೀರಿಯಾ ಬೆಳೆಯುತ್ತದೆ. ಇವು ಎಷ್ಟೇ ಬೇಯಸಿದರೂ ಸಾಯದ ಕಾರಣ ಕರುಳಿಗೆ ಸಮಸ್ಯೆ.

ಕರಕಲಾದ ಮಾಂಸ

ಅತಿ ಹೆಚ್ಚು ತಾಪಮಾನದಲ್ಲಿ ಗ್ರಿಲ್ ಮಾಡುವುದರಿಂದ ಅಥವಾ ಬಾರ್ಬೆಕ್ಯೂ ಮಾಡುವ ಮಾಂಸವನ್ನು ಸಾಮಾನ್ಯವಾಗಿ ಎಲ್ಲರೂ ನೆಚ್ಚಿಕೊಳ್ಳುತ್ತಾರೆ. ಆದರೆ ಇದರಲ್ಲಿ ಉತ್ಪತ್ತಿಯಾಗುವ 'ಹೆಟೆರೊಸೈಕ್ಲಿಕ್ ಅಮೈನ್ಸ್' ಮತ್ತು 'ಪಾಲಿಸೈಕ್ಲಿಕ್ ಆರೊಮ್ಯಾಟಿಕ್ ಹೈಡ್ರೋಕಾರ್ಬನ್‌ಗಳು' ಕರುಳಿನ ಅಂಗಾಂಶಗಳಲ್ಲಿ ಸಂಗ್ರಹವಾಗುತ್ತವೆ.

ಏನೂ ಮಾಡಬೇಕು?

  • ಸಂಸ್ಕರಿಸಿದ ಮಾಂಸದ ಬದಲಿಗೆ ತಾಜಾ ಮನೆಯಲ್ಲಿ ಬೇಯಿಸಿದ ಪ್ರೊಟೀನ್ ಬಳಸಿ.
  • ಹಸಿ ಮೊಳಕೆ ಕಾಳುಗಳ ಬದಲಿಗೆ ಅವುಗಳನ್ನು ಹುರಿದು ತಿನ್ನಿ
  • ಮೊದಲೇ ಮಾಡಿಟ್ಟ ಅನ್ನದ ಬದಲಿಗೆ ಆಗ ತಾನೇ ಸಿದ್ಧಪಡಿಸಿದ ತಾಜಾ ಅನ್ನವನ್ನು ಸೇವಿಸಿ.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net