Drishyam 3 OTTಗೆ ಲಗ್ಗೆ; ಕ್ರೈಂ ಥ್ರಿಲ್ಲರ್​​ ಸಿನಿಮಾ ಎಂದು, ಯಾವ ಫ್ಲಾಟ್​ಫಾರ್ಮ್​ನಲ್ಲಿ ನೋಡಬಹುದು?

Drishyam 3 OTT Release Date: ದೃಶ್ಯಂ1 ಮತ್ತು ದೃಶ್ಯಂ 2 ಸಿನಿಮಾ ಬ್ಯಾಕ್​ ಟು ಬ್ಯಾಕ್​ ಹಿಟ್ ಕೊಟ್ಟ ನಂತರ ಇತ್ತೀಚೆಗೆ ರಿಲೀಸ್​ ಆದ ದೃಶ್ಯಂ3 ಸಿನಿಮಾವನ್ನು ಥಿಯೇಟರ್​ನಲ್ಲಿ ನೋಡಲು ಸಾಧ್ಯವಾಗಿಲ್ಲ ಎಂದು ಪೆಚ್ಚುಮೊರೆ ಹಾಕಿ ಕುಳಿತ ಸಿನಿ ಪ್ರೇಮಿಗಳಿಗೆ ಗುಡ್​ನ್ಯೂಸ್​ವೊಂದು ಸಿಕ್ಕಿದೆ.

ಹೌದು, ಮಲಯಾಳಂನ ಕ್ರೈಂ ಥ್ರಿಲ್ಲರ್ ಫ್ರಾಂಚೈಸಿ​ ಸಿನಿಮಾ ದೃಶ್ಯಂ 3 ಇದೇ ಜೂನ್ 18 ರಿಂದ ಅಮೆಜಾನ್ ಪ್ರೈಮ್​ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಜೀತು ಜೋಸೆಫ್​ ಅವರು ಬರೆದು ನಿರ್ದೇಶಿರುವ ಈ ಥ್ರಿಲ್ಲರ್​ ಸಿನಿಮಾದಲ್ಲಿ ಮೋಹನ್​ ಲಾಲ್​, ಮೀನಾ ನಟಿಸಿದ್ದಾರೆ. ಅನ್ಸಿಬಾ ಹಸನ್, ಎಸ್ತರ್ ಅನಿಲ್, ಕಲಾಭವನ್ ಶಾಜೋನ್, ಸಿದ್ದಿಕ್, ಮುರಳಿ ಗೋಪಿ, ಮತ್ತು ಆಶಾ ಶರತ್ ಅನೇಕರು ಬಣ್ಣ ಹಚ್ಚಿದ್ದಾರೆ

ಅಮೆಜಾನ್​ ಫ್ರೈಂ ನಲ್ಲಿ ರಿಲೀಸ್ ಆಗುತ್ತಿರುವ ಮಲಯಾಳಂನ ದೃಶ್ಯಂ3 ಸಿನಿಮಾವನ್ನು ತೆಲುಗು, ತಮಿಳು ಮತ್ತು ಕನ್ನಡದಲ್ಲಿ ನೋಡಬಹುದಾಗಿದೆ. ದಕ್ಷಿಣ ಭಾರತದ ಪ್ರೇಕ್ಷಕರ ಭಾಷೆ ಅರ್ಥವಾಗಲ್ಲ ಎನ್ನುವ ಚಿಂತೆ ತೊರೆದು, ತಮಗಿಷ್ಟವಾದ ಭಾಷೆಯಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿ: ಮಾಟ-ಮಂತ್ರಕ್ಕೆ ಮರುಳಾಗೋ ಮುನ್ನ ಎಚ್ಚರ; ವಿಶೇಷ ಪೂಜೆ ಮಾಡಿಸಲು ಹೋಗಿ 7.5 ಲಕ್ಷ ರೂ.ಮೌಲ್ಯದ ಚಿನ್ನ ಕಳೆದುಕೊಂಡ ಟೆಕ್ಕಿ..Bengaluru

ಮಗಳ ಭವಿಷ್ಯಕ್ಕೆ ಕೊಲೆಯನ್ನು ಮರೆ ಮಾಚಿದ್ದ ಜಾರ್ಜ್​ ಕುಟ್ಟಿ, ಮುಂಬರುವ ಹೊಸ ಸಮಸ್ಯೆಗಳನ್ನು ಪರಿಹರಿಸೋದು ಹೇಗೆ, ಕಾನೂನು ತೊಡಕನ್ನು ಮೀರಿ ಕುಟುಂಬವನ್ನು ಹೇಗೆ ಕಾಪಾಡಿಕೊಳ್ಳುತ್ತಾನೆ. ಜೊತೆಗೆ ಮಗಳು ಅಂಜು ಮದುವೆಗಾಗಿ ಓಡಾಟ ನಡೆಸುವ ಬಗ್ಗೆಯೂ ಸಿನಿಮಾದಲ್ಲಿ ತರಲಾಗಿದೆ. ಈ ಮಧ್ಯೆ ಜಾರ್ಜ್​ ಕುಟ್ಟಿ ಪೊಲೀಸರಿಗೆ ಶರಣಾಗುತ್ತಾನಾ? ಅಥವಾ ಪೊಲೀಸರಿಂದ ತಪ್ಪಿಸಿಕೊಳ್ಳಲು ಮತ್ತೊಂದು ಪ್ಲ್ಯಾನ್​ ಮಾಡುತ್ತಾನೆ ಎನ್ನುವುದೇ ಸಿನಿಮಾದ ರೋಚಕ ತಿರುವು. ಇದರ ಮುಂದುವರೆದ ಭಾಗ ದೃಶ್ಯಂ 4 ಬರುವ ಸಾಧ್ಯತೆ ಇದೆ ಎನ್ನಲಾಗಿದೆ.

ದೃಶ್ಯಂ1 ಸಿನಿಮಾ ತೆಲುಗು ಮತ್ತು ಕನ್ನಡದಲ್ಲಿ ರಿಮೇಕ್​ ಆಗಿತ್ತು. ಕನ್ನಡದಲ್ಲಿ ಕ್ರೇಜಿ ಸ್ಟಾರ್​ ರವಿಚಂದ್ರನ್​​ ನಟಿಸಿದ್ದರೆ, ತೆಲುಗುನಲ್ಲಿ ವೆಂಕಟೇಶ್​ ತಂದೆಯಾಗಿ ನಟಿಸಿದ್ದರು. ಆದರೆ, ದೃಶ್ಯಂ3 ಸಹ ರಿಮೇಕ್​ ಆಗಲಿದೆಯಾ ಎನ್ನುವ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿಲ್ಲ, (ಏಜೆನ್ಸೀಸ್)