ಮುಂಗಾರಿನಲ್ಲಿ ಹೊಟ್ಟೆ ಜೋಪಾನ!; ಹಾಳಾದ ಆಹಾರ ಪತ್ತೆ ಹಚ್ಚಲು ಈ 5 ಟಿಪ್ಸ್​​ ಪಾಲಿಸಿ..Monsoon Food Safety

ಮುಂಗಾರಿನಲ್ಲಿ ಹೆಚ್ಚಿನ ತೇವಾಂಶ ಮತ್ತು ಬೆಚ್ಚಗಿನ ತಾಪಮಾನವು ಬ್ಯಾಕ್ಟೀರಿಯಾ, ವೈರಸ್ ಹಾಗೂ ಶಿಲೀಂಧ್ರಗಳು ವೇಗವಾಗಿ ಬೆಳೆಯುತ್ತದೆ. ಹೀಗಾಗಿ ನೀವು ತಯಾರಿಸಿದ ಆಹಾರ ಕೆಟ್ಟು ಹೋಗಿದೆ ಎಂದು ತಿಳಿದುಕೊಳ್ಳಲು  ವಾಸನೆ ಬರದಿದ್ದರೂ ಅದು ಕೆಟ್ಟುಹೋಗಿದೆ ಎಂಬುದನ್ನು ತಿಳಿಸುವ 5 ಪ್ರಮುಖ ಲಕ್ಷಣಗಳು ಇಲ್ಲಿವೆ.

ನೀವು ಮಾಡಿದ ಆಹಾರದ ಸುವಾಸನೆ ಚೆನ್ನಾಗಿಯೇ ಇದ್ದರು ಅದು ಕಂಡಂತೆ ಇರೋದಿಲ್ಲ. ಮಳೆಗಾಲದ ಹವ್ಯಾಸದಲ್ಲಿ ಬ್ಯಾಕ್ಟೀರಿಯಾಗಳು ಅತಿ ವೇಗವಾಗಿ ವೃದ್ಧಿಸುತ್ತವೆ. ಆದ್ದರಿಂದ ಯಾವಾಗಲೂ ಹೊಸದಾಗಿ ತಯಾರಿಸಿದ ಬಿಸಿಬಿಸಿ ಆಹಾರವನ್ನೇ ಸೇವಿಸಿ. ಉಳಿದ ಆಹಾರವನ್ನು ತಕ್ಷಣವೇ ರೆಫ್ರಿಜರೇಟರ್‌ನಲ್ಲಿ ಇರಿಸಿ ಮತ್ತು ತಿನ್ನುವ ಮುನ್ನ ಚೆನ್ನಾಗಿ ಬಿಸಿ ಮಾಡಿ. ಹೊರಗಿಟ್ಟರು ಆಹಾರ ಸುರಕ್ಷತೆಯಾಗಿರುತ್ತದೆ ಎಂದು ಭಾವಿಸಬೇಡಿ.

ಜಿಗುಟಾದ ತರಕಾರಿ, ಅಂಟಾದ ಅನ್ನ ಮೆತ್ತಗಾಗಿರುವ ಹಣ್ಣುಗಳು ಅಥವಾ ಅತಿಯಾದ ತೇವಾಂಶ ಹೊಂದಿರುವ ಆಹಾರಗಳ ಬಗ್ಗೆ ಎಚ್ಚರವಿರಲಿ. ಹಾಲು, ಮೊಸರು ಇತ್ಯಾದಿ ಮಡುಗಟ್ಟಿದ್ದೆ ಬಳಸಬೇಡಿ. ಬ್ರೆಡ್​ ತೇವವಾಗಿದ್ದರೆ ತಿನ್ನಬೇಡಿ.

ನಮ್ಮ ಕಣ್ಣು ಮೂಗಿಗಿಂತ ಸೂಕ್ಷ್ಮ ಅದು ಆಹಾರದಲ್ಲಾಗಿರುವ ಬದಲಾವಣೆಯನ್ನು ಬೇಗನೆ ಪತ್ತೆ ಹಚ್ಚುತ್ತದೆ.  ತಾಜಾ ಹಣ್ಣು ಮತ್ತು ತರಕಾರಿಗಳು ನೋಡಲು ಆಕರ್ಷಕವಾಗಿ ಕಾಣಬೇಕು. ಅದರ ಮೇಲೆ ಬಿಳಿ ಅಥವಾ ಕಪ್ಪು ಕಲೆ, ಬೇಯಿಸಿದ ಆಹಾರದ ಸುತ್ತ ಮೋಡದಂತಹ ದ್ರವ ಸಂಗ್ರಹವಾಗಿದ್ದರೆ ಅದನ್ನು ಸೇವಿಸಬೇಡಿ. ಬೂಷ್ಟಿನ  ಸಣ್ಣ ಕಲೆ ಕಂಡುಬಂದರೂ ಅದರ ಕಣ್ಣಿಗೆ ಕಾಣದ ಸೂಕ್ಷ್ಮಜೀವಿಗಳು ಇಡೀ ಆಹಾರಕ್ಕೆ ಹರಡಿರುತ್ತವೆ. ಯಾವುದೇ ತರಕಾರಿ ಹಣ್ಣಾದರು ಸರಿ ಅದನ್ನು ತೊಳೆದು ಬಳಕೆ ಮಾಡಿ.

ಆಹಾರವನ್ನು ಹೇಗೆ ಬೇಯಿಸುತ್ತೇವೆ ಎನ್ನುವುದರಷ್ಟೇ ಹೇಗೆ ಶೇಖರಿಸುತ್ತೇವೆ ಎನ್ನುವುದು ಮುಖ್ಯ. ಫ್ರಿಡ್ಜ್‌ನಿಂದ ಪದೇ ಪದೇ ಹೊರಗೆ ತೆಗೆಯುವ, ಮುಚ್ಚಳ ಮುಚ್ಚದೆ ಇಡುವ ಅಥವಾ ಹಸಿ ಮಾಂಸದ ಪಕ್ಕದಲ್ಲಿ ಇಡುವ ಆಹಾರಗಳು ಯಾವುದೇ ಮುನ್ಸೂಚನೆ ಇಲ್ಲದೆ ಕಲುಷಿತಗೊಳ್ಳುತ್ತವೆ. ಹಸಿ ಮತ್ತು ಬೇಯಿಸಿದ ಆಹಾರಗಳಿಗೆ ಪ್ರತ್ಯೇಕ ಚಾಕು ಮತ್ತು ಚಾಪಿಂಗ್ ಬೋರ್ಡ್‌ಗಳನ್ನು ಬಳಸಿ.

ರಸ್ತೆಬದಿ ತಯಾರಾಗುವ ಸಲಾಡ್‌ಗಳು, ಚಟ್ನಿಗಳು, ಕತ್ತರಿಸಿದ ಹಣ್ಣುಗಳು ಮತ್ತು ಕಲುಷಿತ ನೀರಿನ ಐಸ್‌ನಿಂದ ಮಾಡಿದ ಪಾನೀಯಗಳು ನೋಡಲು ಚೆನ್ನಾಗಿಯೇ ಇರುತ್ತದೆ. ಆದರೆ, ಬ್ಯಾಕ್ಟೀರಿಯಾಗಳನ್ನು ಹೊಂದಿರುತ್ತವೆ. ಕೇವಲ ಫಿಲ್ಟರ್ ಮಾಡಿದ ಅಥವಾ ಕಾಯಿಸಿ ಆರಿಸಿದ ನೀರನ್ನೇ ಕುಡಿಯಿರಿ.

 ಮಳೆಗಾಲದಲ್ಲಿ ಸಂಸ್ಕರಿಸಿದ ಅಥವಾ ಬಿಸಿಬಿಸಿ ಆಹಾರ ಉತ್ತಮ. ಜೀರ್ಣಕ್ರಿಯೆ ಸುಧಾರಿಸಲು ಧಾನ್ಯಗಳು, ಬೇಳೆಕಾಳುಗಳು, ಕಾಲೋಚಿತ ತರಕಾರಿಗಳು ಮತ್ತು ಮನೆಯಲ್ಲೇ ತಯಾರಿಸಿದ ಮೊಸರಿನಂತಹ ಪ್ರೊಬಯೋಟಿಕ್ ಆಹಾರಗಳನ್ನು ಸೇವಿಸಿ. ವಿಶೇಷವಾಗಿ ಮಕ್ಕಳು, ವೃದ್ಧರು, ಗರ್ಭಿಣಿಯರು ಮತ್ತು ರೋಗನಿರೋಧಕ ಶಕ್ತಿ ಕಡಿಮೆ ಇರುವವರು ಈ ದಿನಗಳಲ್ಲಿ ಹೆಚ್ಚು ಜಾಗರೂಕರಾಗಿರಬೇಕು, (ಏಜೆನ್ಸೀಸ್).