ಜನಾಕ್ರೋಶಕ್ಕೆ ಬೆದರಿದ್ರು ಕೋಡಿಹಳ್ಳಿ - ಸಾರ್ವಜನಿಕ ಹಿತ ಮುಖ್ಯ ಎನ್ನುತ್ತ, ಮುಷ್ಕರ ಮಾಡುವ ನೌಕರರಿಗೆ ಆಸೆ, ನಿರಾಸೆ ಸಾಮಾನ್ಯ ಅಂದ್ರು

ಬೆಂಗಳೂರು: ಸಾರಿಗೆ ನೌಕರರ ಮುಷ್ಕರ 4ನೇ ದಿನಕ್ಕೆ ಕಾಲಿರಿಸಿದ್ದು, ಸಾರಿಗೆ ಸಂಚಾರ ಬೆಳಗ್ಗೆಯಿಂದಲೇ ಅಸ್ತವ್ಯಸ್ತವಾಗಿದೆ. ಜನಾಕ್ರೋಶ ಸಾರಿಗೆ ನೌಕರರಿಗೆ ಮುಷ್ಕರಕ್ಕೆ ಕುಮ್ಮಕ್ಕು ನೀಡಿದ್ದ ಕೋಡಿಹಳ್ಳಿ ಚಂದ್ರಶೇಖರ್ ವಿರುದ್ಧ ತಿರುಗಿದೆ. ಈ ಭಾನುವಾರ ರಾತ್ರಿಯೇ ಎಐಟಿಯುಸಿ ಮುಷ್ಕರದಿಂದ ಹಿಂದೆ ಸರಿದಿದ್ದು. ಕೆಲವೆಡೆ ಬಸ್ ಸಂಚಾರ ಆರಂಭವಾಗಿದೆ.

ಜನಾಕ್ರೋಶಕ್ಕೆ ಬೆದರಿದ ಕೋಡಿಹಳ್ಳಿ ಚಂದ್ರಶೇಖರ್ ಸೋಮವಾರ ಬೆಳಗ್ಗೆ 8 ಮುಷ್ಕರದಿಂದ ಹಿಂದೆ ಸರಿಯುವ ನಿರ್ಧಾರ ಪ್ರಕಟಿಸಿದ್ದಾರೆ. ದಿಢೀರ್ ಯಾಕೆ ಈ ನಿರ್ಧಾರ ಎಂಬ ವರದಿಗಾರರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ಸಾರ್ವಜನಿಕ ಹಿತ ಮುಖ್ಯ ಎಂದು ಪದೇಪದೇ ಹೇಳುತ್ತ ಬೆಳಗ್ಗೆ 11 ಗಂಟೆ ಫ್ರೀಡಂ ಪಾರ್ಕ್​ನಲ್ಲಿ ಅಧಿಕೃತವಾಗಿ ಘೋಷಿಸುವುದಾಗಿ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: ಸಾರಿಗೆ ನೌಕರರ ಮುಷ್ಕರ, ನಿರ್ಣಾಯಕ ಹಂತಕ್ಕೆ ತಲುಪಿದ ಮಾತುಕತೆ

ಮುಷ್ಕರದಿಂದಾಗಿ ಸಾರಿಗೆ ನೌಕರರಿಗೆ ಏನಾದರೂ ಲಾಭವಾಯಿತಾ? ಅವರಿಗೆ ಸಿಕ್ಕ ಪ್ರತಿಫಲವೇನು ಎಂಬ ಪ್ರಶ್ನೆಗೆ ತಡಬಡಾಯಿಸಿದ ಕೋಡಿಹಳ್ಳಿ ಚಂದ್ರಶೇಖರ್​, ಮುಷ್ಕರ ಮಾಡಿದ ತತ್​ಕ್ಷಣ ಆಸೆಗಳೆಲ್ಲಾ ಈಡೇರುವುದೆಂದು ಹೇಳಲಾಗದು. ಒಂದಷ್ಟು ವಿಷಯಗಳಲ್ಲಿ ಮುನ್ನಡೆಯಾಗಿದೆ. ಕೆಲವು ವಿಷಯಗಳಲ್ಲ ನಿರಾಸೆಯಾಗಿದೆ. ಆಸೆ, ನಿರಾಸೆಗಳೆರಡೂ ಸಾಮಾನ್ಯ ಎಂದು ತೇಪೆಹೆಚ್ಚುವ ಪ್ರಯತ್ನ ಮಾಡಿದರು. (ದಿಗ್ವಿಜಯ ನ್ಯೂಸ್)

ಕ್ಷಣ ಕ್ಷಣದ ಸುದ್ದಿಗಳ ಅಪ್ಡೇಟ್ಸ್​ಗಾಗಿ ನಮ್ಮ ಫೇಸ್​ಬುಕ್​ ಪುಟ ಲೈಕ್ ಮಾಡಿ ಮತ್ತು ಫಾಲೋ ಮಾಡಿ.. 

https://www.vijayavani.net/talakadu-panchalinga-darshana/