ಈ ಕಿಡ್ನಾಪರ್ ಉತ್ತರ ಪ್ರದೇಶದ ಲಲಿತ್ಪುರ ರೈಲ್ವೆ ಸ್ಟೇಶನ್ನಿಂದ ಬಾಲಕಿಯನ್ನು ಕಿಡ್ನ್ಯಾಪ್ ಮಾಡಿ, ಭೋಪಾಲ್ಗೆ ಹೋಗುವ ರೈಲು ಹತ್ತಿದ್ದ. ತನ್ನ ಕೆಲಸ ಯಾರಿಗೂ ಗೊತ್ತಾಗಲಿಲ್ಲ ಎಂದೇ ಭಾವಿಸಿದ್ದ. ಆದರೆ ರೈಲ್ವೆ ಪೊಲೀಸರು ಅಪಹರಣಕಾರನಿಗೆ ಭರ್ಜರಿ ಬಲೆ ಬೀಸಿದ್ದರು. ರೈಲು ಲಲಿತ್ಪುರದಿಂದ ಹೊರಟು ಭೋಪಾಲ್ಗೆ ಹೋಗುವ ಮಾರ್ಗ ಮಧ್ಯೆ ಕೆಲವು ಸ್ಟೇಶನ್ಗಳಲ್ಲಿ ನಿಲ್ಲಬೇಕಿತ್ತು. ಆದರೆ ರೈಲಿನಲ್ಲಿ ಅಪಹರಣಕಾರ ಇರುವ ಬಗ್ಗೆ ಅರಿತಿದ್ದ ಪೊಲೀಸರು ಎಲ್ಲಿಯೂ ರೈಲು ನಿಲ್ಲಿಸದಂತೆ ಸೂಚನೆ ನೀಡಿದ್ದರು. ಅದರಂತೆ ಟ್ರೇನ್ ಲಲಿತ್ಪುರದಿಂದ ಭೋಪಾಲ್ವರೆಗೆ ನಾನ್-ಸ್ಟಾಪ್ ಚಲಿಸಿದೆ. ಮಧ್ಯ ರೈಲು ನಿಲ್ಲಿಸಿದರೆ ಎಲ್ಲಿ ಅಪಹರಣಕಾರ ಪಾರಾಗಿಬಿಡುತ್ತಾನೋ ಎಂಬ ಕಾರಣಕ್ಕೆ ಪೊಲೀಸರು, ರೈಲ್ವೆ ಇಲಾಖೆ ಜಂಟಿ ಪ್ಲ್ಯಾನ್ ಮಾಡಿದ್ದರು. ಭೋಪಾಲ್ನಲ್ಲಿ ಕಿಡ್ನ್ಯಾಪರ್ ರೈಲಿನಿಂದ ಇಳಿಯುತ್ತಿದ್ದಂತೆ ಅರೆಸ್ಟ್ ಆಗಿದ್ದಾನೆ.
