ಪಾಕಿಸ್ತಾನ ಭಯೋತ್ಪಾದಕರ ಜತೆ ಸಮಂತಾ ನಂಟಿದೆಯೇ?; ಕೆಲ ಮೂಲಗಳಿಂದ ಮಾಹಿತಿ ಬಹಿರಂಗ

ಹೈದರಾಬಾದ್​: ಟಾಲಿವುಡ್​ ಸ್ಟಾರ್ ನಟಿ ಸಮಂತಾ ಅಕ್ಕಿನೇನಿ ದಕ್ಷಿಣ ಭಾರತದ ಖ್ಯಾತ ನಟಿಯರಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ಸ್ಟಾರ್ ಹೀರೋಗಳ ಜತೆಗೆ ನಟಿಸಿದ್ದಾರೆ. ಅಷ್ಟೇ ಅಲ್ಲ ನಾಯಕಿ ಪ್ರಧಾನ ಸಿನಿಮಾಗಳಿಂದಲೂ ಅವರು ಖ್ಯಾತಿ ಗಿಟ್ಟಿಸಿಕೊಂಡಿದ್ದಾರೆ. ಲಾಕ್​ಡೌನ್​ ನಡುವೆ ಸಿನಿಮಾ ಕೆಲಸಗಳ ಜತೆಗೆ ಉದ್ಯಮದಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ಇದೆಲ್ಲದಕ್ಕಿಂತ ಹೆಚ್ಚಿನದಾಗಿ ಪಾಕಿಸ್ತಾನದ ಭಯೋತ್ಪಾದಕರ ಜತೆಗೂ ಸಮಂತಾ ನಂಟಿದೆ ಎಂಬ ವಿಚಾರವೂ ಇದೀಗ ಚರ್ಚೆಗೆ ಕಾರಣವಾಗಿದೆ.

ಇದನ್ನೂ ಓದಿ: ಸಿಸಿಬಿ ವಿಚಾರಣೆ ಬಳಿಕ ಅನುಶ್ರೀ ಹೇಳಿದ್ದೇನು?

ಪಾಕಿಸ್ತಾನದ ಜತೆಗೆ ನಂಟು ಎಂದ ಮಾತ್ರಕ್ಕೆ ಅವರನ್ನು ಭಯೋತ್ಪಾದಕಿ ಎಂದು ಬಿಂಬಿಸಬೇಡಿ. ಏಕೆಂದರೆ, ಪಾಕಿಸ್ತಾನದ ಭಯೋತ್ಪಾದಕಿಯಾಗಿ ಅವರು ಕಾಣಿಸಿಕೊಂಡಿರುವುದು ಫ್ಯಾಮಿಲಿ ಮ್ಯಾನ್​ 2 ವೆಬ್​ಸರಣಿಯಲ್ಲಿ. ಹೌದು. ಈಗಾಗಲೇ ಫ್ಯಾಮಿಲಿ ಮ್ಯಾನ್​ ಮೊದಲ ಸೀಸನ್​ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಅದರ ಬೆನ್ನಲ್ಲೇ ಅದರ ಮುಂದುವರಿದ ಭಾಗವಾಗಿ ಸೀಸನ್​ ಎರಡರಲ್ಲಿ ಸಮಂತಾ ನಟಿಸಿದ್ದಾರೆ.

ಇಲ್ಲಿಯವರೆಗೂ ಅವರ ಪಾತ್ರ ನೆಗೆಟಿವ್​ ರೀತಿಯಲ್ಲಿ ಇರಲಿದೆ ಎಂದೇ ಹೇಳಲಾಗಿತ್ತು. ಆದರೆ, ಪಾತ್ರದ ಗುಟ್ಟು ರಟ್ಟಾಗಿರಲಿಲ್ಲ. ಇದೀಗ ತಂಡದ ಮೂಲಗಳ ಪ್ರಕಾರ ಪಾಕಿಸ್ತಾನದ ಭಯೋತ್ಪಾದಕಿಯಾಗಿ ಅವರು ಕಾಣಿಸಿಕೊಳ್ಳಲಿದ್ದಾರಂತೆ. ಶುಕ್ರವಾರವಷ್ಟೇ ಪೂರ್ತಿ ಶೂಟಿಂಗ್​ ಸಹ ಮುಗಿದಿದ್ದು, ಇನ್ನೇನು ಅಮೆಜಾನ್​ ಪ್ರೈಂನಲ್ಲಿ ಬಿಡುಗಡೆ ಆಗಲಿದೆ.

ಇದನ್ನೂ ಓದಿ: ಆರು ತಿಂಗಳ ನಂತರ ಚಿತ್ರೀಕರಣಕ್ಕೆ ವಾಪಸ್ಸಾದ ‘ಯುವರತ್ನ’

ರಾಜ್​ ಮತ್ತು ಡಿಕೆ ನಿರ್ದೇಶನದಲ್ಲಿ ದಿ ಫ್ಯಾಮಿಲಿ ಮ್ಯಾನ್​ 2 ಸಿದ್ಧವಾಗಿದ್ದು, ಮನೋಜ್​ ಬಾಜಪೇಯಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಪ್ರಿಯಾಮಣಿ ಸಹ ವೆಬ್​ಸಿರೀಸ್​ನಲ್ಲಿದ್ದಾರೆ. (ಏಜೆನ್ಸೀಸ್​)

https://www.vijayavani.net/nayantara-spends-rs-25-lakhs-for-vignesh-shivan-birthday-celebration/