'ಕಾಂತಾರ ಪ್ರೀಕ್ವೆಲ್​' ಚಿತ್ರಕ್ಕೆ ಎಂಟ್ರಿ ಕೊಡ್ತಾರಾ ಈ ಚಿತ್ರರಂಗದ ಸ್ಟಾರ್ ನಟಿ?

ಆಂಧ್ರಪ್ರದೇಶ: ಸ್ಯಾಂಡಲ್​ವುಡ್​ನ ಸ್ಟಾರ್ ನಿರ್ದೇಶಕ, ನಟ ರಿಷಭ್ ಶೆಟ್ಟಿ ಅಭಿನಯದ 'ಕಾಂತಾರ' ಚಿತ್ರವು ಬಹುಭಾಷೆಗಳಲ್ಲಿ ಬಿಡುಗಡೆಗೊಂಡು ಬ್ಲಾಕ್​ಬಸ್ಟರ್ ​ಸಿನಿಮಾವಾಗಿ ಹೊರಹೊಮ್ಮಿತು. ಇದೀಗ ಕಾಂತಾರ: ಎ ಲೆಜೆಂಡ್ ಭಾಗ 1ರ ಸಿನಿಮಾ ಸೆಟ್ಟೇರಿದ್ದು, ಸಿನಿಪ್ರೇಕ್ಷಕರಲ್ಲಿ ಭಾರೀ ನಿರೀಕ್ಷೆಯನ್ನು ಮೂಡಿಸಿದೆ.

ಇದನ್ನೂ ಓದಿ: ಬೆಳಗಾವಿ ಮಹಾನಗರದಲ್ಲಿ ಮೇಲ್ಸೆತುವೆ ನಿರ್ಮಾಣಕ್ಕೆ ಸಮ್ಮತಿ!

ಇತ್ತೀಚಿನ ವರದಿ ಪ್ರಕಾರ, ಟಾಲಿವುಡ್​ ಅಂಗಳದಲ್ಲಿ ಬಿಡುಗಡೆಗೊಂಡಿದ್ದ 'ಮಗಳವಾರಂ' ಚಿತ್ರದಲ್ಲಿ ಅಭಿನಯಿಸುವ ಮೂಲಕ ಸಿನಿರಸಿಕರ ಗಮನ ಸೆಳೆದಿದ್ದ  ನಟಿ ಪಾಯಲ್ ರಜಪೂತ್, ಇದೀಗ 'ಕಾಂತಾರ 2' ಚಿತ್ರದಲ್ಲಿ ನಟಿಸುವ ಆಸಕ್ತಿಯನ್ನು ವ್ಯಕ್ತಪಡಿಸಿದ್ದಾರೆ. ಈ ಕುರಿತಂತೆ ಸ್ವತಃ ನಟಿಯೇ ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಬರೆದು ಪೋಸ್ಟ್ ಮಾಡಿದ್ದಾರೆ.

“ಕಾಂತಾರ ಮುಂದಿನ ಭಾಗದ ಚಿತ್ರಕ್ಕಾಗಿ ಆಡಿಷನ್‌ಗಳು ನಡೆಯುತ್ತಿವೆ ಎಂಬುದರ ಬಗ್ಗೆ ನಾನು ಮಾಹಿತಿ ಪಡೆದೆ. ಈ ಸಿನಿಮಾಗೆ ನನ್ನದೊಂದು ಕೊಡುಗೆ ಕೊಡುವ ಬಯಕೆಯಿದೆ. ನಾನು ಅಭಿನಯಿಸಿದ ಇತ್ತೀಚಿನ 'ಮಗಳವಾರಂ' ಚಿತ್ರದಲ್ಲಿ ನನ್ನ ಅಭಿನಯಕ್ಕೆ ಹೆಚ್ಚಿನ ಪ್ರಶಂಸೆ ವ್ಯಕ್ತವಾಗಿದೆ. ಸಮಯ ಮಾಡಿಕೊಂಡು ನನ್ನ ಸಿನಿಮಾ ವೀಕ್ಷಿಸಿ. ಈ ಪ್ರಾಜೆಕ್ಟ್‌ಗಾಗಿ ಆಡಿಷನ್ ಪ್ರಕ್ರಿಯೆ ಯಾವಾಗ ಎಂದು ದಯವಿಟ್ಟು ಮಾಹಿತಿ ನೀಡಿ. ಕಾಂತಾರ ಚಿತ್ರದಲ್ಲಿ ನಟಿಸಲು ನನ್ನ ಹೆಸರನ್ನು ಸೂಚಿಸಿದ್ದಕ್ಕೆ ನನ್ನೆಲ್ಲಾ ಅಭಿಮಾನಿಗಳಿಗೂ ಧನ್ಯವಾದ" ಎಂದು ನಟಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:  ಇಂಗ್ಲೆಂಡ್​-ವಿಂಡೀಸ್​ ಟಿ20 ಸರಣಿಯಲ್ಲಿ ​ಸ್ಟಾಪ್​ ಕ್ಲಾಕ್ ಪ್ರಯೋಗ ಶುರು​; ಏನಿದು ಹೊಸ ನಿಯಮ?

'ಕಾಂತಾರ 2' ಚಿತ್ರೀಕರಣಕ್ಕೆ ಆರಂಭಗೊಂಡಿದ್ದು, ಶೀಘ್ರದಲ್ಲೇ ಚಿತ್ರತಂಡ ಪ್ರಮುಖ ಛಾಯಾಗ್ರಹಣ ಕೆಲಸಗಳನ್ನು ಪ್ರಾರಂಭಿಸಲಿದೆ. ಹೊಂಬಾಳೆ ಫಿಲಂಸ್ ನಿರ್ಮಾಣದ ಈ ಚಿತ್ರಕ್ಕೆ ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಲಿದ್ದಾರೆ,(ಏಜೆನ್ಸೀಸ್).

https://www.vijayavani.net/ind-vs-sa-t20-suryakumar-yadav-crosses-2000-t20i-runs