ಟೋಕಿಯೊ ಒಲಿಂಪಿಕ್ಸ್ ಮುಂದೂಡುವ ಐಒಸಿ ನಿರ್ಧಾರವನ್ನು ಭಾರತೀಯ ಒಲಿಂಪಿಕ್ಸ್ ಸಂಸ್ಥೆ (ಐಒಎ) ಸ್ವಾಗತಿಸಿದೆ. ಸರಿಯಾದ ರೀತಿಯಲ್ಲಿ ಅಭ್ಯಾಸ ಸಾಧ್ಯವಾಗದೆ ಚಿಂತೆಯಲ್ಲಿದ್ದ ದೇಶದ ಕ್ರೀಡಾಪಟುಗಳಿಗೂ ಇದೊಂದು ಸಮಾಧಾನಕರ ಸುದ್ದಿ. ಲಾಕ್ಡೌನ್ ಮುಕ್ತಾಯಗೊಂಡ ಬೆನ್ನಲ್ಲೇ ಕ್ರೀಡಾಪಟುಗಳು, ಕ್ರೀಡಾ ಸಂಸ್ಥೆಗಳು ಮತ್ತು ಪ್ರಾಯೋಜಕರ ಜತೆಗೆ ರ್ಚಚಿಸಲಿದ್ದೇವೆ ಎಂದು ಐಒಎ ಕಾರ್ಯದರ್ಶಿ ರಾಜೀವ್ ಮೆಹ್ತಾ ತಿಳಿಸಿದ್ದಾರೆ. ಭಾರತದ ಇತರ ಕ್ರೀಡಾ ಸಂಸ್ಥೆಗಳೂ ಐಒಎ ನಿರ್ಧಾರವನ್ನು ಸ್ವಾಗತಿಸಿವೆ. ಸದ್ಯ ಸುಮಾರು 80 ಭಾರತೀಯರು ಒಲಿಂಪಿಕ್ಸ್ಗೆ ಅರ್ಹತೆ ಸಂಪಾದಿಸಿದ್ದಾರೆ. ಅಥ್ಲೆಟಿಕ್ಸ್, ಆರ್ಚರಿ, ಬಾಕ್ಸಿಂಗ್, ಈಕ್ವೆಸ್ಟ್ರಿಯನ್, ಹಾಕಿ, ಶೂಟಿಂಗ್ ಮತ್ತು ಕುಸ್ತಿಯಲ್ಲಿ ಭಾರತ ಸ್ಪರ್ಧಿಸಬೇಕಾಗಿದೆ. ಬ್ಯಾಡ್ಮಿಂಟನ್, ವೇಟ್ಲಿಫ್ಟಿಂಗ್ನಲ್ಲಿ ಇನ್ನೂ ಅರ್ಹತೆ ಅಂತಿಮವಾಗಿಲ್ಲ. ಟೋಕಿಯೊ ಗೇಮ್ಸ್ನಲ್ಲಿ ಒಟ್ಟಾರೆ 120 ಭಾರತೀಯರು ಕಣಕ್ಕಿಳಿಯುವ ನಿರೀಕ್ಷೆ ಇದೆ.
