ಕೋಲ್ಕತ್ತ: ಸಾಮಾಜಿಕ ಜಾಲತಾಣ ದೈತ್ ಫೇಸ್ಬುಕ್ ಮತ್ತು ಬಿಜೆಪಿ ನಡುವೆ ಲಿಂಕ್ ಇದೆ ಎಂದು ತೃಣಮೂಲ ಕಾಂಗ್ರೆಸ್ ಎಂಪಿ ಡೆರೆಕ್ ಒ ಬ್ರಿಯನ್ ಆರೋಪ ಮಾಡಿದ್ದಾರೆ. ಅಲ್ಲದೆ, ಫೇಸ್ಬುಕ್ ಸಿಇಒ ಝುಕರ್ ಬರ್ಗ್ ಅವರಿಗೂ ಪತ್ರ ಬರೆದಿದ್ದಾರೆ.
ಪಶ್ಚಿಮ ಬಂಗಾಳ ಚುನಾವಣೆ ಹತ್ತಿರ ಬರುತ್ತಿದೆ. ಆದರೆ ಇತ್ತೀಚೆಗೆ ಇಲ್ಲಿನ ಅನೇಕ ಫೇಸ್ಬುಕ್ ಖಾತೆಗಳು, ಪೇಜ್ಗಳು ಬ್ಲಾಕ್ ಆಗಿವೆ. ಇದರಲ್ಲೂ ಬಿಜೆಪಿ ಕೈವಾಡ ಇದೆ ಎನ್ನಿಸುತ್ತಿದೆ ಎಂದಿದ್ದಾರೆ. ಇದನ್ನೂ ಓದಿ: ಕೇಂದ್ರ ಸರ್ಕಾರದಿಂದ ಚೀನಾಗೆ ಮತ್ತೊಂದು ಶಾಕ್: ಪಬ್ಜಿ ಸೇರಿ 118 ಆ್ಯಪ್ ಬ್ಯಾನ್…!
ಕೆಲವು ವರ್ಷಗಳ ಹಿಂದೆಯೇ ನಾನು ಈ ಬಗ್ಗೆ ನಿಮ್ಮ ಗಮನಕ್ಕೆ ತಂದಿದ್ದೆ. ಭಾರತದಲ್ಲಿ ಫೇಸ್ಬುಕ್ ನಿರ್ವಹಣೆಯಲ್ಲಿ ಪಾರದರ್ಶಕತೆ ಸಾಕಾಗುತ್ತಿಲ್ಲ ಎಂದೂ ಹೇಳಿದ್ದೆ. ತೃಣಮೂಲ ಕಾಂಗ್ರೆಸ್ ಎಂಬುದು ಭಾರತದ ಎರಡನೇ ಅತಿದೊಡ್ಡ ಪ್ರತಿಪಕ್ಷ. ಕಳೆದ 2014 ಮತ್ತು 2019ರ ಲೋಕಸಭಾ ಚುನಾವಣೆ ವೇಳೆ ಫೇಸ್ಬುಕ್ ಬಿಜೆಪಿ ಪರ ಪ್ರಮುಖ ಪಾತ್ರ ವಹಿಸಿದೆ ಎಂಬುದು ನಮ್ಮ ಬಲವಾದ ಅಭಿಪ್ರಾಯ. ನಾವು ಈ ವಿಚಾರವನ್ನೂ ಜೂನ್ನಲ್ಲಿ ಸಂಸತ್ತಿನಲ್ಲಿಯೂ ಪ್ರಸ್ತಾಪ ಮಾಡಿದ್ದೆವು ಎಂದು ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ. (ಏಜೆನ್ಸೀಸ್)
ಹಿಮಾಲಯದ ತಪ್ಪಲಿನಲ್ಲಿ ವಿಶ್ವದ ಅತಿದೊಡ್ಡ ವಿಷಪೂರಿತ ಕಾಳಿಂಗ ಸರ್ಪ ಪತ್ತೆ