video/ ಬಾಯಲ್ಲೇ ಹಸುವನ್ನು ಎಳೆದೊಯ್ಯುತ್ತಿದೆ ಹುಲಿ! ಅಪರೂಪದ ದೃಶ್ಯ ವೈರಲ್​

ಬೆಂಗಳೂರು: ಹುಲಿಯೊಂದು ಹಸುವನ್ನು ಬೇಟೆಯಾಡಿ ಬಾಯಿ ಮೂಲಕವೇ ಎಳೆದೊಯ್ಯುತ್ತಿರುವ ಅಪರೂಪದ ದೃಶ್ಯ ವೈರಲ್​ ಆಗಿದೆ.

ತನಗಿಂತಲೂ ತೂಕ ಹೆಚ್ಚಿರುವ ಹಸುವನ್ನು ಬೇಟೆಯಾಡಿದ ಹುಲಿರಾಯ, ಅದನ್ನು ತನ್ನ ಬಾಯಿಯಲ್ಲೇ ಕಚ್ಚಿಕೊಂಡು ಎಳೆದೊಯ್ಯುತ್ತಿದೆ. ಅಬ್ಬಾ! ಹುಲಿಯ ಆ ಶಕ್ತಿಯನ್ನು ಕಂಡ ನೆಟ್ಟಿಗರು ಅಚ್ಚರಿಪಟ್ಟಿದ್ದಾರೆ. ಬಹುತೇಕರು ಹಸುವಿನ ಬಗ್ಗೆಯೂ ಮರುಕ ವ್ಯಕ್ತಪಡಿಸಿದ್ದಾರೆ. ಆದರಿದು ಆಹಾರ ಸರಪಣಿ ಎಂದೂ ಕೆಲವರು ಹೇಳಿದ್ದಾರೆ.

ಇದನ್ನೂ ಓದಿರಿ ನನಗೆ ಮದುವೆ ಆಗಿಲ್ಲ ಎಂದ ಬೆನ್ನಲ್ಲೇ ನಟಿ ಸಂಜನಾರ ‘ಗಂಡ-ಹೆಂಡ್ತಿ’ ರಹಸ್ಯ ಬಯಲು?!

ಈ ಘಟನೆ ಕೇಂದ್ರ ಭಾರತೀಯ ಹುಲಿ ಮೀಸಲು ಪ್ರದೇಶದಲ್ಲಿ ಸಂಭವಿಸಿದೆ. ಹಸುವನ್ನು ಹುಲಿ ಎಳೆದೊಯ್ಯುತ್ತಿರುವ 14 ಸೆಕೆಂಡ್​ಗಳ​ ವಿಡಿಯೋ ತುಣುಕನ್ನು ಐಎಫ್​ಎಸ್​ ಅಧಿಕಾರಿ ಸುಸಂತ ನಂದ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ. ಸೂರ್ಯ ಕೇಸರಿ ಎಂಬುವವರು ಶೇರ್​ ಮಾಡಿದ್ದ ಈ ವಿಡಿಯೋವನ್ನು ತನ್ನ ಟ್ವಿಟರ್​ ಖಾತೆಯಲ್ಲಿ ಅಪ್ಲೋಡ್​ ಮಾಡಿಕೊಂಡಿರುವ ಸುಸಂತ ನಂದ ಅವರು, ಹುಲಿಯ ಶಕ್ತಿ ವಿಸ್ಮಯಕಾರಿ ಎಂದಿದ್ದಾರೆ.

https://www.vijayavani.net/352kg-cannabis-seized-in-kalaburagi/?_thumbnail_id=928783