ಐಆರ್​​ಸಿಟಿಸಿ ಮೂಲಕ ಇನ್ಮುಂದೆ ಎಷ್ಟು ರೈಲ್ವೆ ಟಿಕೆಟ್​​ಗಳನ್ನು ಕಾದಿರಿಸಬಹುದು?; ಇಲ್ಲಿದೆ ಹೆಚ್ಚಳದ ಕುರಿತ ವಿವರ..

ನವದೆಹಲಿ: ರೈಲ್ವೆ ವಿಚಾರಕ್ಕೆ ಬಂದಾಗ ಐಆರ್​ಸಿಟಿಸಿ ಎಂಬುದು ಒಂದು ಮಹತ್ವದ ಸಂಗತಿ. ಇಂಡಿಯನ್ ರೈಲ್ವೆ ಕೇಟರಿಂಗ್ ಆ್ಯಂಡ್ ಟೂರಿಸಂ ಕಾರ್ಪೊರೇಷನ್​ (ಐಆರ್​ಸಿಟಿಸಿ) ರೈಲ್ವೆಗೆ ಸಂಬಂಧಿತ ಟಿಕೆಟ್​​, ಕೇಟರಿಂಗ್ ಮತ್ತು ಪ್ರವಾಸ ಸೇವೆಗಳನ್ನು ಒದಗಿಸುವ ಸರ್ಕಾರಿ ಸ್ವಾಮ್ಯದ ಒಂದು ಸಂಸ್ಥೆಯಾಗಿದೆ.

ರೈಲಿನಲ್ಲಿ ಪ್ರಯಾಣ ಮಾಡುವವರು ಸಾಮಾನ್ಯವಾಗಿ ಐಆರ್​​ಸಿಟಿಸಿ ಅಂತರ್ಜಾಲ ತಾಣ ಅಥವಾ ಮೊಬೈಲ್​ಫೋನ್​ ತಂತ್ರಾಂಶವನ್ನು ಬಳಸಿಕೊಂಡು ಮುಂಗಡವಾಗಿ ಟಿಕೆಟ್ ಕಾಯ್ದಿರಿಸುತ್ತಾರೆ. ಸಾರ್ವಜನಿಕರು ತಮ್ಮ ಹೆಸರು, ಫೋನ್​ ನಂಬರ್​, ಇಮೇಲ್ ಐಡಿ ಹಾಗೂ ಆಧಾರ್​ ಸಂಖ್ಯೆ ವಿವರ ನೀಡಿ ಈ ಸೇವೆಗಳನ್ನು ಪಡೆಯಬಹುದಾಗಿದೆ.

ಆದರೆ ಇದಕ್ಕೂ ಒಂದು ಮಿತಿ ಇದೆ. ಅಂದರೆ ಈ ಮೂಲಕ ಸಾರ್ವಜನಿಕರು ತಿಂಗಳಿಗೆ ನಿಗದಿತ ಸಂಖ್ಯೆಯ ಟಿಕೆಟ್​​ಗಳನ್ನಷ್ಟೇ ಕಾದಿರಿಸಬಹುದು. ಇದುವರೆಗೆ ಐಆರ್​ಸಿಟಿಸಿ ವೆಬ್​ಸೈಟ್ ಅಥವಾ ಆ್ಯಪ್​ ಮೂಲಕ ತಿಂಗಳಿಗೆ 12 ಟಿಕೆಟ್​ಗಳನ್ನಷ್ಟೇ ಕಾದಿರಿಸಬಹುದಿತ್ತು. ಇದು ಆಧಾರ್​ ನಂಬರ್ ಲಿಂಕ್​ ಮಾಡಿದ್ದರೆ ಮಾತ್ರ, ಲಿಂಕ್ ಮಾಡದಿರುವವರು ಮಾಸಿಕ 6 ಟಿಕೆಟ್​ಗಳನ್ನು ಕಾದಿರಿಸಬಹುದಿತ್ತು.

ಈಗ ಈ ಮಿತಿಯನ್ನು ಹೆಚ್ಚಿಸಿ ದುಪ್ಪಟ್ಟು ಮಾಡಲಾಗಿದೆ. ಅಂದರೆ ಯೂಸರ್​ ಐಡಿಗೆ ಆಧಾರ್​ ನಂಬರ್ ಲಿಂಕ್ ಮಾಡಿರುವ ಸಾರ್ವಜನಿಕರು ಐಆರ್​ಸಿಟಿಸಿ ವೆಬ್​ಸೈಟ್​ ಅಥವಾ ಆ್ಯಪ್ ಮೂಲಕ ತಿಂಗಳಿಗೆ 24 ಟಿಕೆಟ್​ಗಳನ್ನು ಮುಂಗಡವಾಗಿ ಕಾದಿರಿಸಬಹುದು. ಒಂದುವೇಳೆ ಆಧಾರ್ ನಂಬರ್ ಲಿಂಕ್​ ಮಾಡಿರದಿದ್ದರೆ ತಿಂಗಳಿಗೆ 12 ಟಿಕೆಟ್​ಗಳನ್ನು ಮುಂಗಡವಾಗಿ ಕಾದಿರಿಸಿಬಹುದು.

https://www.vijayavani.net/three-accused-arrested-in-relation-to-murder-case-2/

https://www.vijayavani.net/two-people-lost-life-due-to-gas-cylinder-blast/