'ಅನಿಮಲ್'​ ಚಿತ್ರಕ್ಕೆ 'ದ ಕಲ್ಟ್'​ ಎಂದ ನಟಿ ತ್ರಿಶಾ; ಟೀಕೆಗಳ ಬೆನ್ನಲ್ಲೇ ಮಾಡಿಕೊಂಡ್ರು ಮತ್ತೊಂದು ಎಡವಟ್ಟು!

ತಮಿಳುನಾಡು: ಕಳೆದ ಒಂದೆರೆಡು ವಾರಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಯಲ್ಲಿರುವ ಬಹುಭಾಷಾ ತಾರೆ, 'ಲಿಯೋ' ಬೆಡಗಿ ತ್ರಿಶಾ ಕೃಷ್ಣನ್, ಇದೀಗ ಮತ್ತೊಮ್ಮೆ ಹೊಸ ವಿವಾದವೊಂದರಲ್ಲಿ ಸಿಲುಕಿಕೊಂಡಿದ್ದಾರೆ. ಬಾಲಿವುಡ್​ ನಟ ರಣಬೀರ್​ ಕಪೂರ್​ ಮತ್ತು ರಶ್ಮಿಕಾ ಮಂದಣ್ಣ ಮುಖ್ಯಭೂಮಿಕೆಯಲ್ಲಿರುವ 'ಅನಿಮಲ್' ಸಿನಿಮಾ ವೀಕ್ಷಿಸಿದ ನಟಿ, ನಿನ್ನೆ ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಒಂದೇ ಒಂದು ಪದದಲ್ಲಿ ಮಾಡಿದ ಚಿತ್ರ ವಿಮರ್ಶೆಗೆ ಸದ್ಯ ಭಾರೀ ಟೀಕೆಗೆ ಗುರಿಯಾಗಿದ್ದಾರೆ.

ಇದನ್ನೂ ಓದಿ: ಕಾರ್ಮಿಕರ ಮೇಲೆ ಕುಸಿದ ಮೂಟೆಗಳು; ಎಂ.ಬಿ. ಪಾಟೀಲ್​ ಪ್ರತಿಕ್ರಿಯೆ

ಪ್ಯಾನ್ ಇಂಡಿಯಾ 'ಲಿಯೋ' ಚಿತ್ರದ ಯಶಸ್ಸಿನ ಬಳಿಕ ಕೊಂಚ ಬ್ರೇಕ್ ತೆಗೆದುಕೊಂಡಿದ್ದ ನಟಿ ತ್ರಿಶಾ ಕೃಷ್ಣನ್, ಇತ್ತೀಚೆಗಷ್ಟೇ ನಟ ಮನ್ಸೂರ್​ ಅಲಿ ಖಾನ್​ ತಮ್ಮ ವಿರುದ್ಧ ನೀಡಿದ್ದ ಹೇಳಿಕೆಗೆ ತೀವ್ರ ಖಂಡನೆ ವ್ಯಕ್ತಪಡಿಸಿದ್ದರು. ಮನ್ಸೂರ್​ ಮಾಡಿದ ಕಮೆಂಟ್​ಗಳನ್ನು ವಿರೋಧಿಸಿ, ಧ್ವನಿಎತ್ತಿದ ನಟಿಗೆ ವ್ಯಾಪಕ ಬೆಂಬಲ ದೊರೆತಿತ್ತು. ಆದ್ರೆ, ಇದೀಗ 'ಅನಿಮಲ್' ಚಿತ್ರದ ವಿಮರ್ಶೆಗಾಗಿ ತ್ರಿಶಾ ಅವರನ್ನು ನೆಟ್ಟಿಗರು ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿ, ಟೀಕಿಸಿದ್ದಾರೆ.

'ಅನಿಮಲ್' ವೀಕ್ಷಿಸಿದ ತ್ರಿಶಾ, 'ದಿ ಕಲ್ಟ್'​ ಎಂದು ಬರೆದ ಸ್ಟೋರಿ ಪೋಸ್ಟ್ ಮಾಡಿದ್ದರು. ಈ ಒಂದು ಪೋಸ್ಟ್​ ನೋಡುತ್ತಿದ್ದಂತೆ ಸಾಮಾಜಿಕ ಜಾಲತಾಣದಲ್ಲಿ ನಟಿಯ ವಿರುದ್ಧ ನೆಟ್ಟಿಗರು ಕಿಡಿಕಾರಿದ್ದಾರೆ. ಕೆಲವು ದಿನಗಳ ಹಿಂದೆ ಮಹಿಳೆಯರ ಘನತೆ ಉದ್ದೇಶಿಸಿ ಮಾತನಾಡಿದ್ದರು. ಆದ್ರೆ, ಈಗ ಮಹಿಳೆಯರನ್ನು ನಕಾರಾತ್ಮಕವಾಗಿ ತೋರಿಸಿರುವ ಸಿನಿಮಾವನ್ನು ಶ್ಲಾಘಿಸಿರುವುದು ಎಷ್ಟು ಸರಿ ಎಂದು ವ್ಯಾಪಕವಾಗಿ ಟೀಕಿಸಿದ್ದಾರೆ.

ಇದನ್ನೂ ಓದಿ:  ಕೊಳವೆಬಾವಿ ಕಾಮಗಾರಿ ಗುತ್ತಿಗೆ 431 ಕೋಟಿ ರೂ. ಹಗರಣ

ಈ ವಿಚಾರಕ್ಕೆ ಸಂಬಂಧಿಸಿದಂತೆ ನೆಟ್ಟಿಗರು ತ್ರಿಶಾ ವಿರುದ್ಧ ಸಾಕಷ್ಟು ಟ್ರೋಲ್​ ಮತ್ತು ಮೀಮ್​ಗಳನ್ನು ಹರಿಬಿಟ್ಟಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಟೀಕೆಗಳು ವ್ಯಕ್ತವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡ ನಟಿ, ಕೂಡಲೇ ತಾವು ಹಾಕಿದ್ದ ಸ್ಟೋರಿಯನ್ನು ಡಿಲೀಟ್​ ಮಾಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/cyclone-michaung-effect-will-cause-any-changes-in-bengaluru