ಕೇವಲ 5 ನಿಮಿಷಗಳಲ್ಲಿ 98 ಕೆಜಿ ಚಿನ್ನದ ಟಾಯ್ಲೆಟ್ ಕಳ್ಳತನ! Golden Toilet

ಲಂಡನ್:  (Golden Toilet) ಇಂಗ್ಲೆಂಡ್‌ನ ಬ್ಲೆನ್‌ಹೈಮ್ ಅರಮನೆಯಿಂದ ಕೋಟ್ಯಂತರ ರೂಪಾಯಿ ಮೌಲ್ಯದ ಚಿನ್ನದ ಶೌಚಾಲಯವನ್ನು ಕಳ್ಳರು ಕದ್ದಿದ್ದಾರೆ. ಚಿನ್ನದ ಶೌಚಾಲಯವನ್ನು ದರೋಡೆ ಮಾಡಿದ ಆರೋಪದ ಮೇಲೆ ಸೋಮವಾರ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯಿತು.

ಅರಮನೆಯಲ್ಲಿ ಕಲಾಕೃತಿಯಾಗಿ ಪ್ರದರ್ಶನಕ್ಕಿಡಲಾಗಿದ್ದ 18 ಕ್ಯಾರೆಟ್ ಚಿನ್ನದ ಶೌಚಾಲಯವನ್ನು ಕಳ್ಳರು ಕೇವಲ 5 ನಿಮಿಷಗಳಲ್ಲಿ ಚತುರತೆಯಿಂದ ಕಳ್ಳರು ಭಾರವಾದ ಸುತ್ತಿಗೆಗಳಿಂದ ಶೌಚಾಲಯವನ್ನು ಒಡೆದು ಅಲ್ಲಿಂದ ಪರಾರಿಯಾಗಿದ್ದಾರೆ. ಈ ಕಳ್ಳತನ ಸೆಪ್ಟೆಂಬರ್ 2019 ರಲ್ಲಿ ನಡೆದಿತ್ತು. ಈ ಪ್ರಕರಣ ಸೋಮವಾರ ಆಕ್ಸ್‌ಫರ್ಡ್ ಕ್ರೌನ್ ನ್ಯಾಯಾಲಯದಲ್ಲಿ ವಿಚಾರಣೆಗೆ ಬಂದಿತು. ಪ್ರಾಸಿಕ್ಯೂಟರ್‌ಗಳು ವಿವರಿಸಿದರು. ಈ ಪ್ರಕರಣದಲ್ಲಿ ಮೂವರನ್ನು ವಿಚಾರಣೆಗೆ ಒಳಪಡಿಸಲಾಯಿತು.

ಇಟಾಲಿಯನ್ ಕಲಾವಿದ ಮೌರಿಜಿಯೊ ಕ್ಯಾಟೆಲನ್ ವಿನ್ಯಾಸಗೊಳಿಸಿದ ಮತ್ತು 'ಅಮೆರಿಕಾ' ಎಂದು ಹೆಸರಿಸಲಾದ ಈ ಚಿನ್ನದ ಶೌಚಾಲಯವನ್ನು ದಕ್ಷಿಣ ಇಂಗ್ಲೆಂಡ್‌ನ ಬ್ಲೆನ್‌ಹೈಮ್ ಅರಮನೆಯಲ್ಲಿ  ಪ್ರದರ್ಶನಕ್ಕಿಡಲಾಗಿದೆ. ಇದು ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿರುವುದರಿಂದ ಯುನೆಸ್ಕೋ ಇದನ್ನು ವಿಶ್ವ ಪರಂಪರೆಯ ತಾಣವೆಂದು ಘೋಷಿಸಿದೆ.

ಸೆಪ್ಟೆಂಬರ್ 14, 2019 ರ ಮುಂಜಾನೆ, ಐದು ಕಳ್ಳರ ತಂಡವು ಎರಡು ವಾಹನಗಳಲ್ಲಿ ಬಂದಿತು. ನಂತರ ಅದು ಬೀಗ ಹಾಕಿದ್ದ ದ್ವಾರಗಳನ್ನು ಭೇದಿಸಿ ಅರಮನೆಯ ಆವರಣಕ್ಕೆ ನುಗ್ಗಿತು. ಅವರು ಅರಮನೆಯ ಕಿಟಕಿಯ ಮೂಲಕ ಒಳಗೆ ನುಗ್ಗಿ, ಬಾಗಿಲನ್ನು ಒಡೆದು, ಸುತ್ತಿಗೆಯಿಂದ ಹೊಡೆದು, ಶೌಚಾಲಯವನ್ನು ಗೋಡೆಯಿಂದ ಕಿತ್ತು ಹಾಕಿದರು. ನಂತರ ಅವರು 5 ನಿಮಿಷಗಳಲ್ಲಿ ಅಲ್ಲಿಂದ ಪರಾರಿಯಾಗಿದ್ದಾರೆ.

ಚಿನ್ನದ ಶೌಚಾಲಯವನ್ನು ಒಡೆಯಲು ಬಳಸಿದ ಸುತ್ತಿಗೆಗಳನ್ನು ಅಲ್ಲಿಯೇ ಬಿಟ್ಟು ಹೋಗಿದ್ದರು. ಈ ಚಿನ್ನದ ಶೌಚಾಲಯ ಸುಮಾರು 98 ಕೆಜಿ ತೂಗುತ್ತದೆ. ಸುಮಾರು ಆರು ಮಿಲಿಯನ್ ಡಾಲರ್‌ಗಳಿಗೆ ವಿಮಾ ಕ್ಲೈಮ್ ಮಾಡಲಾಗಿದೆ ಎಂದು ವಕೀಲರು ಆಕ್ಸ್‌ಫರ್ಡ್ ನ್ಯಾಯಾಲಯಕ್ಕೆ ತಿಳಿಸಿದರು. ಪ್ರತಿವಾದಿಗಳು ಅದನ್ನು ಮಾರಾಟ ಮಾಡಲು ಸಣ್ಣ ತುಂಡುಗಳಾಗಿ ಕತ್ತರಿಸಿರಬಹುದು ಎಂದು ಪ್ರಾಸಿಕ್ಯೂಟರ್ ಜೂಲಿಯನ್ ಕ್ರಿಸ್ಟೋಫರ್ ನ್ಯಾಯಾಲಯಕ್ಕೆ ತಿಳಿಸಿದರು.

ಈ ಪ್ರಕರಣದಲ್ಲಿ ಮೈಕೆಲ್ ಜೋನ್ಸ್ (39), ಫ್ರೆಡ್ ಡೋ (36), ಮತ್ತು ಬೋರಾ ಗುಕುಕ್ (40) ಎಂಬ ಮೂವರು ಆರೋಪಿಗಳಾಗಿದ್ದಾರೆ. ನಾಲ್ಕನೇ ವ್ಯಕ್ತಿ ಜೇಮ್ಸ್ ಶೀನ್ (39) ಹಿಂದಿನ ಕಳ್ಳತನವನ್ನು ಒಪ್ಪಿಕೊಂಡಿದ್ದಾನೆ. ಕಳೆದ ನಾಲ್ಕು ವಾರಗಳಿಂದ ತನಿಖೆ ನಡೆಯುತ್ತಿದೆ.

https://www.vijayavani.net/woman-gave-birth-to-three-babies