ಅಭ್ಯಾಸಕ್ರಮ: ಕಾಲುಗಳನ್ನು ಮುಂದಕ್ಕೆ ಚಾಚಿ ಕುಳಿತುಕೊಳ್ಳಬೇಕು. ಬಲಗಾಲನ್ನು ಮಡಿಚಿ ಎಡಪೃಷ್ಠದ ಕೆಳಗಿಡುವುದು. ಎಡಗಾಲನ್ನು ಮಡಿಸಿ ಬಲಗಾಲಿನ ಮೇಲಿನಿಂದ ತಂದು ಬಲಮಂಡಿಯ ಹೊರಕ್ಕೆ ಇಡುವುದು. ಬೆನ್ನು, ಕುತ್ತಿಗೆ ನೇರ ಮಾಡಿ ಎಡಗೈಯನ್ನು ನೇರವಾಗಿಸಿ, ಹಿಂದಕ್ಕೆ ತೆಗೆದುಕೊಂಡು ಸೀಟಿನ ಹಿಂದೆ ನೆಲಕ್ಕೆ ಊರಿಡುವುದು. ಇನ್ನೊಂದು ಕೈಯಿಂದ ಎಡಗಾಲಿನ ಮಂಡಿಯನ್ನು ಬಳಸಿ, ಎಡಗಾಲ ಪಾದ ಅಥವಾ ಹೆಬ್ಬೆರಳನ್ನು ಹಿಡಿದುಕೊಳ್ಳಬೇಕು. ಬೆನ್ನು ಕುತ್ತಿಗೆ ನೇರವಾಗಿಟ್ಟುಕೊಂಡು, ಊರಿದ್ದ ಕೈಯನ್ನು ಬಲತೊಡೆಯ ಪಕ್ಕಕ್ಕೆ ಒತ್ತಿಡಬೇಕು. ಈ ಸ್ಥಿತಿಯಲ್ಲಿ ಸ್ವಲ್ಪ ಹೊತ್ತು ಸಹಜ ಉಸಿರಾಟ ನಡೆಸಬೇಕು. ನಂತರ ಬಲಗೈಯನ್ನು ಸರಿಮಾಡಿಕೊಂಡು, ಎಡಗೈಯನ್ನು ವಾಪಸ್ ತಂದು ನಿಧಾನಕ್ಕೆ ಉಸಿರು ಬಿಡುತ್ತಾ ಸಹಜ ಸ್ಥಿತಿಗೆ ಬರುವುದು. ಇನ್ನೊಂದು ಪಾರ್ಶ್ವದಲ್ಲಿ ಕೂಡ ಹೀಗೆಯೇ ಕ್ರಮಬದ್ಧವಾಗಿ ಮಾಡುವುದು. ನಂತರ ಕಾಲು ಚಾಚಿಕೊಂಡು ಸ್ವಲ್ಪ ಹೊತ್ತು ವಿಶ್ರಮಿಸಬೇಕು.
