ಆಂಧ್ರಪ್ರದೇಶ: ಟಾಲಿವುಡ್ನ ರೆಬೆಲ್ ಸ್ಟಾರ್, ಪ್ಯಾನ್ ಇಂಡಿಯಾ ನಟ ಡಾರ್ಲಿಂಗ್ ಪ್ರಭಾಸ್ ಅವರ 44ನೇ ಜನ್ಮದಿನಕ್ಕೆ ಸದ್ಯ ದಿನಗಣನೆ ಆರಂಭಗೊಂಡಿದ್ದು, ಈ ಮಧ್ಯೆ ಅವರ ಅಭಿಮಾನಿಗಳನ್ನು ಖುಷಿ ಪಡಿಸುವ ಸಲುವಾಗಿ ಈ ಹಿಂದೆ ಪ್ರಭಾಸ್ ನಟಿಸಿದ್ದ ಸಿನಿಮಾವನ್ನು ರಿ-ರಿಲೀಸ್ ಮಾಡಲು ಚಿತ್ರತಂಡ ಸಜ್ಜಾಗಿದೆ.
ಇದನ್ನೂ ಓದಿ: ಸ್ವಯಂ ಚಾಲನಾ ಗಸ್ತು ಕಾರು ಅನಾವರಣ; ಭದ್ರತೆಯನ್ನು ಹೆಚ್ಚಿಸಲು ಹೊಸ ಹೆಜ್ಜೆ ಇಟ್ಟ ಪೊಲೀಸರು
ಪ್ರಭಾಸ್ ಮತ್ತು ಭಾರತದ ಸ್ಟಾರ್ ನಿರ್ದೇಶಕ ಎಸ್.ಎಸ್. ರಾಜಮೌಳಿ ಅವರ ಕಾಂಬಿನೇಷ್ನಲ್ಲಿ 2005ರಲ್ಲಿ ಬಿಡುಗಡೆಗೊಂಡು ಸೂಪರ್ ಹಿಟ್ ಆಗಿದ್ದ ‘ಛತ್ರಪತಿ’ ಚಿತ್ರವನ್ನು ಇದೀಗ ಮತ್ತೊಮ್ಮೆ ತೆರೆ ಮೇಲೆ ತರಲು ಚಿತ್ರತಂಡ ನಿರ್ಧರಿಸಿದೆ. ಗಲ್ಲಾಪೆಟ್ಟಿಗೆಯಲ್ಲಿ ಬ್ಲಾಕ್ಬಸ್ಟರ್ ಆಗಿದ್ದ ಈ ಚಿತ್ರದಲ್ಲಿ ಪ್ರಭಾಸ್ ಮತ್ತು ನಟಿ ಶ್ರಿಯಾ ಸರನ್ ಮುಖ್ಯಭೂಮಿಕೆಯಲ್ಲಿ ಮಿಂಚಿದ್ದರು.
ಅಕ್ಟೋಬರ್ 23, 2023 ರಂದು ನಟ ಪ್ರಭಾಸ್ ತಮ್ಮ 44ನೇ ವಸಂತಕ್ಕೆ ಕಾಲಿಡಲಿದ್ದು, ಈ ಸಂಗತಿ ಅವರ ಅಪಾರ ಸಂಖ್ಯೆಯ ಅಭಿಮಾನಿಗಳಿಗೆ ಭಾರೀ ಸಂತಸ ಮತ್ತು ಕಾತರ ಹೆಚ್ಚಿಸಿದೆ. ಪ್ರಭಾಸ್ ಜನ್ಮದಿನದಂದೇ ‘ಛತ್ರಪತಿ’ ಸಿನಿಮಾ 4K ಆವೃತ್ತಿಯಲ್ಲಿ ಬಿಡುಗಡೆಯಾಗಲಿದ್ದು, ಶೀಘ್ರದಲ್ಲೇ ಬುಕಿಂಗ್ ತೆರೆಯಲಿದೆ.
ಇದನ್ನೂ ಓದಿ: 46ನೇ ಕಾಲಿಟ್ಟ ಕಾವೇರಿ ಹೋರಾಟ: ರೈತ ಹಿತರಕ್ಷಣಾ ಸಮಿತಿ ಪ್ರತಿಭಟನೆಗೆ ಬೆಂಬಲ
ಬಿವಿಎಸ್ಎನ್ ಪ್ರಸಾದ್ ನಿರ್ಮಾಣದ ಈ ಚಿತ್ರದಲ್ಲಿ ಭಾನು ಪ್ರಿಯಾ, ಪ್ರದೀಪ್ ರಾವತ್, ಕೋಟಾ ಶ್ರೀನಿವಾಸ ರಾವ್, ಜಯಪ್ರಕಾಶ್ ರೆಡ್ಡಿ ಮುಂತಾದವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಪ್ರಭಾಸ್-ರಾಜಮೌಳಿ ಕಾಂಬಿನೇಷನ್ನ ಈ ಸಿನಿಮಾಗೆ ಆಸ್ಕರ್ ವಿಜೇತ ಎಂ.ಎಂ.ಕೀರವಾಣಿ ಸಂಗೀತ ಸಂಯೋಜನೆ ಮಾಡಿದ್ದಾರೆ,(ಏಜೆನ್ಸೀಸ್).
VIDEO | ಕೂಲಿ ಕಾರ್ಮಿಕನ ಬಳಿ 3200 ರೂ. ಲಪಟಾಯಿಸಿದ ಖದೀಮರು; ಕತ್ತುಹಿಸುಕಿ ಪರಾರಿ!