ಬೆಂಗಳೂರು ಅಂದಮೇಲೆ ಅದೊಂದು ಹೈಫೈ ನಗರಿ. ದೇಶ-ವಿದೇಶಗಳಿಂದ ವಲಸೆ ಬಂದಿರುವ ಅದೆಷ್ಟೋ ಸಂಖ್ಯೆಯ ಜನರು ಇಲ್ಲಿ ವಾಸವಿದ್ದಾರೆ. ಕೆಲವರು ಉದ್ಯೋಗ ಅರಸಿ ಬಂದರೆ, ಇನ್ನೂ ಕೆಲವರು ಇಲ್ಲಿಯೇ ಬದುಕು ಕಟ್ಟಿಕೊಂಡಿದ್ದಾರೆ. ಈ ಮಧ್ಯೆ, ಪ್ರೀತಿ-ಪ್ರೇಮದ ಹೆಸರಿನಲ್ಲಿ ಯುವಜನತೆ ಮೋಜು-ಮಸ್ತಿ ಮಾಡುತ್ತಾರೆ. ಅದರಲ್ಲೂ ಪ್ರೇಮಿಗಳಂತು ಸಾರ್ವಜನಿಕ ಸ್ಥಳಗಳಲ್ಲಿ ತಬ್ಬಿಕೊಳ್ಳುವುದು, ಮುತ್ತಿಕ್ಕುವುದು ಮಾಡುತ್ತಾರೆ. ಇದು ಹಲವರಿಗೆ ತೀರ ಮುಜುಗರ ಉಂಟು ಮಾಡುತ್ತದೆ. ಇದು ತಪ್ಪು ಎಂದು ಗೊತ್ತಿದ್ದರೂ ಅದನ್ನೇ ಮಾಡುವವರ ಸಂಖ್ಯೆ ಹೆಚ್ಚಿದೆ ಹಾಗೂ ತೀರ ಸಾಮಾನ್ಯವಾಗಿಬಿಟ್ಟಿದೆ. ಇದೇ ಕಾರಣಕ್ಕೋ ಏನೋ ಈ ಆಟೋ ಚಾಲಕ ಬಹಳ ಅನುಭವದಿಂದಲೇ ಈ ವಿಷಯವನ್ನು ತಮ್ಮ ಪ್ಯಾಸೆಂಜರ್ಗೆ ತಿಳಿಸಿದ್ದಾರೆ.
