ನವದೆಹಲಿ: ಆತ ಬಸ್ಗೆ ಹತ್ತುತ್ತಿದ್ದಂತೆ ಬಸ್ನಲ್ಲಿ ನಿಂತಿದ್ದ ಆಕೆ ಅವನಿಗೆ ಥೂ ಎಂದು ಉಗಿಯುತ್ತಾಳೆ. ಕೋಪಗೊಂಡ ಆತ ಆಕೆಯನ್ನು ತಳ್ಳಿಬಿಡುತ್ತಾನೆ. ಮುಂದಾಗಿದ್ದು ಎಲ್ಲರನ್ನೂ ಒಮ್ಮೆ ಎದೆ ಝಲ್ಲೆನಿಸುವಂತೆ ಮಾಡಿಬಿಡುತ್ತದೆ. ಇಂಥದ್ದೊಂದು ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಅವರಿಬ್ಬರೂ ಯಾರು, ಯಾಕೆ ಹೀಗಾಯಿತು ಎಂಬುದು ಇನ್ನೂ ಪ್ರಶ್ನೆಯಾಗಿಯೇ ಉಳಿದಿದೆ.
ಕೆನಡದ ವ್ಯಾಂಕೋವರ್ನ ಬಸ್ನಲ್ಲಿ ಈ ಘಟನೆ ನಡೆದಿದ್ದು, ಆ ಯುವಕ ಸಿಟ್ಟಿನಿಂದ ತಳ್ಳಿದ ರಭಸಕ್ಕೆ ಬಸ್ನಿಂದ ಆಕೆ ಸೀದಾ ಫುಟ್ಪಾತ್ ಮೇಲೆ ಬೀಳುತ್ತಾಳೆ. ಆಗ ಬಸ್ನಲ್ಲಿದ್ದ ಪ್ರಯಾಣಿಕರೆಲ್ಲ ಒಮ್ಮೆ ಓ ಮೈ ಗಾಡ್ ಎಂದು ಉದ್ಗರಿಸಿದ್ದು, ಆತ ಬಳಿಕ ಆಕೆ ಉಗಿದಳು ಎಂದಿದ್ದು ಈ ವಿಡಿಯೋದಲ್ಲಿ ದಾಖಲಾಗಿದ್ದು ಬಿಟ್ಟರೆ ಹೆಚ್ಚಿನ ಮಾಹಿತಿ ಲಭ್ಯವಿಲ್ಲ. ಇದು ಹಳೇ ವಿಡಿಯೋ ಆಗಿದ್ದು, ಈಗ ವೈರಲ್ ಆಗಿದೆ ಎನ್ನಲಾಗುತ್ತಿದೆ.
ಒರಿಜಿನಲ್ ಆಗಿ ಪೋಸ್ಟ್ ಮಾಡಿದ್ದ ವಿಡಿಯೋ ಡಿಲೀಟ್ ಆಗಿದೆ, ಡೌನ್ಲೋಡೆಡ್ ವಿಡಿಯೋ ಹರಿದಾಡುತ್ತಿದೆ. ಈ ಘಟನೆ ಬಗ್ಗೆ ಅಲ್ಲಿನ ಸಾರಿಗೆ ಸಂಸ್ಥೆ ಟ್ರಾನ್ಸ್ಲಿಂಕ್ ವಿಷಾದ ವ್ಯಕ್ತಪಡಿಸಿದ್ದರೆ, ಪೊಲೀಸರು ಆ ಯುವಕ ಹಾಗೂ ಯುವತಿಯ ಪತ್ತೆ ಹಚ್ಚುವ ಯತ್ನದಲ್ಲಿದ್ದಾರೆ. (ಏಜೆನ್ಸೀಸ್)