ಶಿಮ್ಲಾದಲ್ಲಿ ಐವರ ಬಲಿ ಪಡೆದ 'ಸ್ಕ್ರಬ್ ಟೈಫಸ್' ಲಕ್ಷಣಗಳು, ಪರಿಹಾರಗಳೇನು?

ಶಿಮ್ಲಾ: ಡೆಂಗ್ಯೂ, ವೈರಲ್ ಜ್ವರ, ಕೋವಿಡ್ ಮತ್ತು ಮಲೇರಿಯಾ ನಡುವೆ ಶಿಮ್ಲಾದಲ್ಲಿ ಮತ್ತೊಂದು ಮಾರಣಾಂತಿಕ ಕಾಯಿಲೆ ಐದು ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ಹೌದು, ವರದಿಗಳ ಪ್ರಕಾರ ನಗರದಲ್ಲಿ ಸ್ಕ್ರಬ್ ಟೈಫಸ್ ಎಂಬ ಬ್ಯಾಕ್ಟೀರಿಯಾದ ಸೋಂಕು ವೇಗವಾಗಿ ಹರಡುತ್ತಿದ್ದು, ಇಲ್ಲಿಯವರೆಗೆ, 700 ಕ್ಕೂ ಹೆಚ್ಚು ಜನರು ಈ ರೋಗಕ್ಕೆ ಬಲಿಯಾಗಿದ್ದಾರೆ.

2022 ರಲ್ಲಿ ನಡೆಸಿದ ಸಂಶೋಧನೆಯ ಪ್ರಕಾರ, ಈ ರೋಗದ ಲಕ್ಷಣಗಳೆಂದರೆ ಮೂತ್ರಪಿಂಡ ವೈಫಲ್ಯ, ಅಂಗವೈಕಲ್ಯವನ್ನು ಒಳಗೊಂಡಿರುತ್ತದೆ. ಈ ರೋಗದ ಲಕ್ಷಣಗಳನ್ನು ನಿರ್ಲಕ್ಷಿಸುವುದರಿಂದ ಅಥವಾ ಚಿಕಿತ್ಸೆ ತೆಗದುಕೊಳ್ಳುವುದು ತಡವಾಗುವುದರಿಂದ ಸಾವಿಗೆ ಕಾರಣವಾಗಬಹುದು. ಆದ್ದರಿಂದ ಸ್ಕ್ರಬ್ ಟೈಫಸ್ ಬಗ್ಗೆ ನಾವು ತಿಳಿದುಕೊಳ್ಳುವುದು ಬಹಳ ಮುಖ್ಯ, ಇದರಿಂದ ಅದನ್ನು ತಡೆಯಬಹುದು.

ಸ್ಕ್ರಬ್ ಟೈಫಸ್ ಹೇಗೆ ಸಂಭವಿಸುತ್ತದೆ?
ಓರಿಯೆಂಟಿಯಾ ಸುತ್ಸುಗಮುಶಿ ಎಂಬ ಬ್ಯಾಕ್ಟೀರಿಯಾದಿಂದ ಈ ರೋಗ ಹರಡುತ್ತದೆ. ಕೆಲವು ರೀತಿಯ ಕೀಟಗಳ ಕಡಿತದಿಂದ ಮನುಷ್ಯರು ಈ ಬ್ಯಾಕ್ಟೀರಿಯಾದಿಂದ ಸೋಂಕಿಗೆ ಒಳಗಾಗುತ್ತಾರೆ. ಇವುಗಳಲ್ಲಿ ಚಿಗ್ಗರ್‌ಗಳು ಮತ್ತು ಲಾರ್ವಾ ಹುಳಗಳು ಸೇರಿವೆ, ಇವು ಅತ್ಯಂತ ಚಿಕ್ಕ ಕೀಟಗಳಾಗಿವೆ, ಇವುಗಳನ್ನು ಬಹಳ ಎಚ್ಚರಿಕೆಯಿಂದ ವೀಕ್ಷಿಸಬೇಕಾಗಿದೆ. ಆದ್ದರಿಂದ ನೀವು ಅವುಗಳಿಂದ ದೂರವಿರಬೇಕು. ಕಾಡುಗಳು ಅಥವಾ ಹುಲ್ಲುಗಳಂತಹ ಸಾಕಷ್ಟು ಹಸಿರು ಇರುವ ಸ್ಥಳಗಳಲ್ಲಿ ಇವು ಹೆಚ್ಚು ಸಾಮಾನ್ಯವಾಗಿದೆ. ಈ ಕೀಟಗಳು ಮಾನವನ ಚರ್ಮವನ್ನು ತಿನ್ನುವ ಮೂಲಕ ಬದುಕುತ್ತವೆ. ಚಿಗ್ಗರ್‌ಗಳು ಸಾಮಾನ್ಯವಾಗಿ ಕಣಕಾಲು, ಕೆಳಗಿನ ಕಾಲು, ಮೊಣಕಾಲು ಮತ್ತು ತೊಡೆಸಂದು ಪ್ರದೇಶಗಳನ್ನು ಕಚ್ಚುತ್ತವೆ.

ಲಕ್ಷಣಗಳೇನು?
ಸ್ಕ್ರಬ್ ಟೈಫಸ್ ಸೋಂಕಿಗೆ ಒಳಗಾದ ಜನರ ಸಾಮಾನ್ಯ ಲಕ್ಷಣಗಳು
ಜ್ವರ
ನಡುಗುವುದು
ತಲೆನೋವು
ಸ್ನಾಯು ನೋವು
ಕೀಟ ಕಚ್ಚಿದ ಚರ್ಮದ ಬಣ್ಣದಲ್ಲಿ ಬದಲಾವಣೆ
ಗೊಂದಲ
ದದ್ದುಗಳು
ಕೆಲವು ಪ್ರಕರಣಗಳಲ್ಲಿ, ವ್ಯಕ್ತಿಯು ಅಂಗಗಳು ವೈಫಲ್ಯಗೊಳ್ಳುತ್ತವೆ.

ತಡೆಯಲು ಸಾಧ್ಯವೇ?
ಸ್ಕ್ರಬ್ ಟೈಫಸ್‌ಗೆ ಇನ್ನೂ ಯಾವುದೇ ಲಸಿಕೆ ಇಲ್ಲ. ಆದ್ದರಿಂದ ಇದನ್ನು ತಡೆಗಟ್ಟಲು ಮುನ್ನೆಚ್ಚರಿಕೆಗಳನ್ನು ಅನುಸರಿಸಲು ಸಲಹೆ ನೀಡಲಾಗುತ್ತದೆ. ಹುಳಗಳ ಕಡಿತವನ್ನು ತಪ್ಪಿಸಲು, ನೀವು ಪೂರ್ಣ ತೋಳಿನ ಬಟ್ಟೆಗಳನ್ನು ಮತ್ತು ಪ್ಯಾಂಟ್​​​​ ಧರಿಸಬೇಕು ಮತ್ತು ಹುಲ್ಲು ಅಥವಾ ಹಸಿರು ತುಂಬಿರುವ ಸ್ಥಳಗಳಿಗೆ ಹೋಗಬೇಡಿ. ಅಲ್ಲದೆ, ಈ ರೋಗದ ಚಿಹ್ನೆಗಳ ಬಗ್ಗೆ ತಿಳಿದುಕೊಳ್ಳುವುದರಿಂದ ನೀವು ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಪಡೆಯಬಹುದು.

ಗಂಭೀರ ಪರಿಸ್ಥಿತಿ ಎದುರಾಗಬಹುದೇ?
ಈ ರೋಗವು ಶಿಮ್ಲಾದಲ್ಲಿ ಇದುವರೆಗೆ ಐದು ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ಇದನ್ನು ಲಘುವಾಗಿ ತೆಗೆದುಕೊಳ್ಳುವುದರಿಂದ ಮಾರಣಾಂತಿಕವಾಗಿ ಪರಿಣಮಿಸುತ್ತದೆ. ಇದು ಗಂಭೀರ ಹಂತವನ್ನು ತಲುಪಿದರೆ, ಅಂಗಾಂಗ ವೈಫಲ್ಯಕ್ಕೆ ಕಾರಣವಾಗಬಹುದು ಎಂದು ಸಂಶೋಧನೆ ಸೂಚಿಸುತ್ತದೆ. ಸಾಮಾನ್ಯವಾಗಿ ಸ್ಕ್ರಬ್ ಟೈಫಸ್‌ ಕಂಡುಬರುವವರಲ್ಲಿ ಹೆಪಟೈಟಿಸ್, ತೀವ್ರ ಮೂತ್ರಪಿಂಡದ ಹಾನಿ, ಮೆನಿಂಜೈಟಿಸ್, ಥ್ರಂಬೋಸೈಟೋಪೆನಿಯಾ, ತೀವ್ರವಾದ ಉಸಿರಾಟದ ತೊಂದರೆ ಸಿಂಡ್ರೋಮ್, ಮಯೋಕಾರ್ಡಿಟಿಸ್ ಕಾಣಿಸಿಕೊಳ್ಳುತ್ತದೆ.
ಗಮನಿಸಿ: ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ

https://www.vijayavani.net/vandebharat-train-engine-failed-at-agra-cantt-station-automatic-doors-did-not-open