ಬೆಂಗಳೂರು: ಅನಂತ್ ನಾಗ್ ಮತ್ತು ದಿಗಂತ್ ಅಭಿನಯದ ‘ತಿಮ್ಮಯ್ಯ & ತಿಮ್ಮಯ್ಯ’ ಚಿತ್ರದ ಎರಡನೇ ಟೀಸರ್ ಇತ್ತೀಚೆಗಷ್ಟೇ ಬಿಡುಗಡೆಯಾಗಿ, ಎಲ್ಲರಿಂದ ಮೆಚ್ಚುಗೆ ಪಡೆದಿದೆ. ಈಗ ಚಿತ್ರದ ಬಿಡುಗಡೆ ದಿನಾಂಕ ಹೊರಬಿದ್ದಿದ್ದು, ಡಿ. 2ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.
ಇದನ್ನೂ ಓದಿ: ನಿಶ್ಚಿತಾರ್ಥದ ವೇಳೆ ಧರಿಸಿದ್ದ ಡ್ರೆಸ್ನಿಂದ ಮತ್ತೆ ಟ್ರೋಲ್ ಆದ ಆಮೀರ್ ಪುತ್ರಿ! ಬಿಕಿನಿ ಬರ್ತಡೇ ನೆನಪಿಸಿದ ನೆಟ್ಟಿಗರು
‘ತಿಮ್ಮಯ್ಯ & ತಿಮ್ಮಯ್ಯ’ ಚಿತ್ರದ ವಿಶೇಷತೆಯೆಂದರೆ ತಾತ-ಮೊಮ್ಮಗನ ಸೆಂಟಿಮೆಂಟ್. ಅನಂತನಾಗ್ ಹಾಗೂ ದಿಗಂತ್, ತಾತ – ಮೊಮ್ಮಗನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 30 ವರ್ಷಗಳ ನಂತರ ತಾತ ಹಾಗೂ ಮೊಮ್ಮಗ ಭೇಟಿಯಾದಾಗ ಯಾವ ರೀತಿ ಇರಬಹುದು? ಎಂಬುದು ಈ ಚಿತ್ರದ ಕಥೆಯಂತೆ.
ಈ ಕುರಿತು ಮಾತನಾಡುವ ನಿರ್ದೇಶಕ ಸಂಜಯ್ ಶರ್ಮ, ’30 ವರ್ಷಗಳ ನಂತರ ತಾತ-ಮೊಮ್ಮಗ ಭೇಟಿಯಾಗುತ್ತಾರೆ. ಅಲ್ಲಿಂದ ಅವರಿಬ್ಬರ ಪ್ರಯಾಣ ಶುರುವಾಗುತ್ತದೆ. ಈ ಚಿತ್ರದಲ್ಲಿ ಅನಂತ್ ನಾಗ್ ಅವರು ವಿಭಿನ್ನವಾದ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರು ಈ ಪಾತ್ರ ಒಪ್ಪುತ್ತಾರಾ? ಎಂಬ ಭಯವಿತ್ತು. ಒಪ್ಪಿದ್ದಷ್ಟೇ ಅಲ್ಲ, ಅವರು ನಮಗೆ ತುಂಬಾ ಇನ್ಪುಟ್ಗಳನ್ನು ಕೊಟ್ಟಿದ್ದಾರೆ’ ಎನ್ನುತ್ತಾರೆ ಸಂಜಯ್ ಶರ್ಮ.
ಇದೊಂದು ವಿಭಿನ್ನ ಪಾತ್ರ ಎನ್ನುವ ಅನಂತ್ ನಾಗ್, ‘ಪಾತ್ರದ ಬಗ್ಗೆ ಓದಿದಾಗ ಖುಷಿಯಾಗುವುದರ ಜತೆಗೆ ಅತಂಕವೂ ಆಯ್ತು. ಏಕೆಂದರೆ, ಇಲ್ಲಿ ಒಂದಿಷ್ಟು ನೆಗೆಟಿವ್ ಅಂಶಗಳಿವೆ. ಇದೊಂದು ಕಾಂಪ್ಲೆಕ್ಸ್ ಆದಂತಹ ಪಾತ್ರ. ಇಲ್ಲಿ ನಾನು ಬಹಳ ಅಹಂಕಾರಿ ಮತ್ತು ಸ್ವಾರ್ಥಿಯ ಪಾತ್ರ ಮಾಡುತ್ತಿದ್ದೇನೆ. ಎಲ್ಲ ತರಹದ ಶೇಡ್ಗಳಿವೆ’ ಎನ್ನುತ್ತಾರೆ.
ಇದನ್ನೂ ಓದಿ: ಬುಲೆಟ್ ಪ್ರಕಾಶ್ಗೆ ಭಾವುಕ ಪತ್ರ ಬರೆದ ನಿರ್ದೇಶಕ ವಿಜಯಪ್ರಸಾದ್; ಯಾಕೆ ಗೊತ್ತಾ?
ಗರುಡ ಮೋಷನ್ ಪಿಕ್ಚರ್ಸ್ ಪ್ರೈ ಲಿ ಲಾಂಛನದಲ್ಲಿ ರಾಜೇಶ್ ಶರ್ಮ ಅವರು ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಮೂಲತಃ ಕನ್ನಡದವರೇ ಆಗಿರುವ ನಿರ್ದೇಶಕ ಸಂಜಯ್ ಶರ್ಮ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆ ಬರೆದಿದ್ದಾರೆ. ಅನಂತ್ ನಾಗ್ ಮತ್ತು ದಿಗಂತ್ ಜತೆಗೆ ಶುಭ್ರ ಅಯ್ಯಪ್ಪ, ಐಂದ್ರಿತಾ ರೇ, ಪ್ರಕಾಶ್ ತುಮ್ಮನಿಆಡು ಮುಂತಾದವರು ನಟಿಸಿರುವ ಈ ಚಿತ್ರಕ್ಕೆ ಅನೂಪ್ ಸೀಳಿನ್ ಸಂಗೀತ ನೀಡಿದ್ದಾರೆ. ಬಾಲಕೃಷ್ಣ ತೋಟ ಛಾಯಾಗ್ರಹಣ ಹಾಗೂ ಸುರೇಶ್ ಅರಸ್ ಸಂಕಲನ ಈ ಚಿತ್ರಕ್ಕಿದೆ.
ಬಾಲಿವುಡ್ನತ್ತ ಹೊಂಬಾಳೆ ಫಿಲಂಸ್; ಸದ್ಯದಲ್ಲೇ ಹಿಂದಿ ಚಿತ್ರ ನಿರ್ಮಾಣ