Health Tips: ಸಾಧಾರಣವಾಗಿ ನಾವು ಕಹಿ ಆಹಾರ ಪದಾರ್ಥಗಳು ಎಂದರೆ ದೂರ ಓಡುತ್ತೇವೆ. ನಮ್ಮಲ್ಲಿ ಹಲವರು ಸ್ವಲ್ಪ ಖಾರ ಇರುವ ಆಹಾರ ಪದಾರ್ಥಗಳನ್ನು ಹೆಚ್ಚು ಇಷ್ಟಪಡುತ್ತಾರೆ. ಇನ್ನು ಕೆಲವರು ಮಾತ್ರ ಸಿಹಿ ಆಹಾರ ಪದಾರ್ಥಗಳನ್ನು ತಿನ್ನುತ್ತಾರೆ. ಯಾವುದು ಹೆಚ್ಚು ಆರೋಗ್ಯಕರ ಗೊತ್ತಾ? ಅದುವೆ ಮೊದಲು ಹೇಳಿದ ಕಹಿಯ ಆಹಾರ ಪದಾರ್ಥಗಳು.
1. ಹಾಗಲಕಾಯಿ
ಹಾಗಲಕಾಯಿ ತಿನ್ನಲು ಕಹಿ ಆಗಿದ್ದರೂ ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ. ಹೌದು, ಹಾಗಲಕಾಯಿ ದೇಹದಲ್ಲಿನ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದರ ಜೊತೆಗೆ, ಇದು ತೂಕವನ್ನು ಕಡಿಮೆ ಮಾಡಲು ಮತ್ತು ದೃಷ್ಟಿ ಸುಧಾರಿಸಲು ಸಹ ಸಹಾಯ ಮಾಡುತ್ತದೆ. ಹಾಗಲಕಾಯಿಯನ್ನು ತರಕಾರಿ, ಸೂಪ್ ಅಥವಾ ರಸದ ರೂಪದಲ್ಲಿ ಬಳಸಬಹುದು. ಇದರ ಉಪ್ಪಿನಕಾಯಿಯನ್ನು ಸಹ ತಯಾರಿಸಬಹುದು.
2. ಮೆಂತ್ಯ ಬೀಜ
ಮೆಂತ್ಯ ಬೀಜಗಳು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು, ದೇಹದಲ್ಲಿನ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಮೆಂತ್ಯ ಬೀಜಗಳನ್ನು ತರಕಾರಿಗಳು, ಬೇಳೆ ಅಥವಾ ಸೂಪ್‌ನಲ್ಲಿ ಬಳಸಬಹುದು. ಮೆಂತ್ಯ ಬೀಜಗಳ ಪುಡಿಯನ್ನು ಸಹ ತಯಾರಿಸಬಹುದು, ಇದನ್ನು ನೀರಿನಲ್ಲಿ ಬೆರೆಸಿ ಸೇವಿಸಬಹುದು.
3.ಬೇವಿನ ಎಲೆ
ಬೇವಿನ ಮರು ಬರಿ ನೆರಳಿಗಷ್ಟೇ ಸೀಮಿತವಲ್ಲ. ಅದು ನೆರಳು ಕೊಡುವುದರ ಜತೆ ಔಷಧಿ ಗುಣಗಳಿಂದ ತುಂಬಿದೆ. ಬೇವಿನ ಎಲೆಗಳು, ತೊಗಟೆ, ಬೀಜಗಳು ಎಲ್ಲವೂ ಆರೋಗ್ಯಕ್ಕೆ ಪ್ರಯೋಜನಕಾರಿ. ಚರ್ಮ ರೋಗಗಳು, ದಂತ ಸಮಸ್ಯೆಗಳು, ಮಧುಮೇಹ ಮತ್ತು ಇತರ ಕಾಯಿಲೆಗಳಿಗೆ ಬೇವನ್ನು ಬಳಸಲಾಗುತ್ತದೆ. ಬೇವು ಬ್ಯಾಕ್ಟೀರಿಯಾ ವಿರೋಧಿ, ಶಿಲೀಂಧ್ರನಾಶಕ ಮತ್ತು ಉರಿಯೂತ ನಿವಾರಕ ಗುಣಗಳನ್ನು ಹೊಂದಿದ್ದು, ಇದು ದೇಹವನ್ನು ಆರೋಗ್ಯವಾಗಿಡಲು ಸಹಾಯ ಮಾಡುತ್ತದೆ.
4.ಕ್ರ್ಯಾನ್‌ಬೆರಿ
ಕ್ರ್ಯಾನ್‌ಬೆರಿಗಳು ಕಹಿ, ಹುಳಿ ಮತ್ತು ರುಚಿಯಲ್ಲಿ ತುಂಬಾ ಹುಳಿಯಾಗಿರುತ್ತವೆ. ಆದರೆ ಅವು ಹೊಟ್ಟೆಯ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದು ಜೀರ್ಣಕ್ರಿಯೆ ವ್ಯವಸ್ಥೆಯನ್ನು ಸುಧಾರಿಸುತ್ತದೆ.
5.ವಿನೆಗರ್
ಸೇಬಿನ ಸಿಹಿಯಿಂದಾಗಿ ರುಚಿ ಚೆನ್ನಾಗಿದ್ದರೂ, ಅದರ ವಿನೆಗರ್ ರುಚಿಯಲ್ಲಿ ಕಹಿ ಮತ್ತು ಖಾರವಾಗಿರುತ್ತದೆ. ಸೇಬಿನ ವಿನೆಗರ್‌ನಲ್ಲಿರುವ ಅಂಶಗಳು ಜೀರ್ಣಕ್ರಿಯೆಯನ್ನು ಸುಧಾರಿಸಲು ಮತ್ತು ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.(ಏಜೆನ್ಸೀಸ್)
ಮಾವು ಮತ್ತು ಹಾಲು ಒಟ್ಟಿಗೆ ಏಕೆ ಸೇವಿಸಬಾರದು..? ಕಾರಣ ಇಲ್ಲಿದೆ ತಿಳಿಯಿರಿ | Mango
ಪ್ರತಿದಿನ 2 ಖರ್ಜೂರ ತಿನ್ನುವುದರಿಂದ ಆರೋಗ್ಯಕ್ಕೆ ಏನೆಲ್ಲಾ ಲಾಭ ತಿಳಿಯಿರಿ | Dates