ಸಲ್ಮಾನ್​ ಖಾನ್​ ಮಾಜಿ ಗೆಳತಿ ನಟಿ ಸಂಗೀತಾ ಬಿಜಲಾನಿ ತೋಟದ ಮನೆಯಲ್ಲಿ ಕಳ್ಳತನ! ಮನೆಯಲ್ಲಿದ್ದ ವಸ್ತುಗಳನ್ನು ಧ್ವಂಸಗೊಳಿಸಿದ ಖದೀಮರು..Sangeeta Bijlani

Sangeeta Bijlani : ಮಹಾರಾಷ್ಟ್ರದ ಪುಣೆ ಜಿಲ್ಲೆಯ ಮಾವಲ್‌ನಲ್ಲಿರುವ  ನಟಿ ಸಂಗೀತಾ ಬಿಜಲಾನಿ ಅವರ ತೋಟದ ಮನೆಯಲ್ಲಿ ಕಳ್ಳತನ ನಡೆದಿದೆ. ಕಳ್ಳರು ಇಡೀ ತೋಟದ ಮನೆಯನ್ನು ಧ್ವಂಸ ಮಾಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಕೈಗೆತ್ತಿಕೊಂಡಿದ್ದಾರೆ.

ಪುಣೆ ಗ್ರಾಮೀಣ ಪೊಲೀಸರಿಗೆ ನೀಡಿರುವ ದೂರಿನ ಪ್ರಕಾರ, ನಟಿ ಸಂಗೀತಾ ಬಿಜಲಾನಿ, 'ತೋಟದ ಮನೆಯ ಮುಖ್ಯ ದ್ವಾರ ಮತ್ತು ಕಿಟಕಿಯ ಗ್ರಿಲ್ ಮುರಿದುಹೋಗಿದೆ. ಟಿವಿ ಸೆಟ್ ಕಾಣೆಯಾಗಿದೆ, ಸಿಸಿಟಿವಿ ಕ್ಯಾಮೆರಾಗಳು ಹಾಗೂ ಹಾಸಿಗೆ ಮತ್ತು ರೆಫ್ರಿಜರೇಟರ್ ಸೇರಿದಂತೆ ಹಲವಾರು ಗೃಹೋಪಯೋಗಿ ವಸ್ತುಗಳು ನಾಶವಾಗಿವೆ. ತನ್ನ ತಂದೆಯ ಆರೋಗ್ಯ ಸಮಸ್ಯೆಗಳಿಂದಾಗಿ ಸ್ವಲ್ಪ ಸಮಯದಿಂದ ಫಾರ್ಮ್‌ಹೌಸ್‌ಗೆ ಹೋಗಲು ಸಾಧ್ಯವಾಗಲಿಲ್ಲ ಎಂದು ಸಂಗೀತಾ ತಮ್ಮ ದೂರಿನಲ್ಲಿ ತಿಳಿಸಿದ್ದಾರೆ.

ಮೇಲಿನ ಮಹಡಿಗೆ ಕಳ್ಳರು ಸಾಕಷ್ಟು ಹಾನಿ ಮಾಡಿದ್ದಾರೆ ಎಂದು ಸಂಗೀತಾ ಬಿಜಲಾನಿ ತಮ್ಮ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. ಮಲಗುವ ಕೋಣೆಗಳಲ್ಲಿನ ಎಲ್ಲಾ ಹಾಸಿಗೆಗಳು ಮುರಿದುಹೋಗಿವೆ ಮತ್ತು ಅನೇಕ ಗೃಹೋಪಯೋಗಿ ವಸ್ತುಗಳು ಮತ್ತು ಬೆಲೆಬಾಳುವ ವಸ್ತುಗಳನ್ನು ಕದ್ದಿದ್ದಾರೆ. ಕಳ್ಳರು ಲೂಟಿ ಮಾಡುವುದಲ್ಲದೆ, ಸ್ಥಳವನ್ನು ಧ್ವಂಸಗೊಳಿಸಿರುವುದನ್ನು ವೀಡಿಯೊದಲ್ಲಿ ಕಾಣಬಹುದು. ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ. ಶೀಘ್ರದಲ್ಲೇ ಕಳ್ಳರನ್ನು ಹಿಡಿಯುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಇಂದು, ಸಂಗೀತಾ ಬಿಜಲಾನಿ ತನ್ನ ಇಬ್ಬರು ಪುರುಷರೊಂದಿಗೆ ಫಾರ್ಮ್‌ಹೌಸ್‌ಗೆ ಹೋಗಿದ್ದರು. ಆದರೆ, ಅವರು ಅಲ್ಲಿಗೆ ತಲುಪಿದ ತಕ್ಷಣ, ಮುಖ್ಯ ದ್ವಾರ ಮುರಿದಿರುವುದನ್ನು ನೋಡಿ ಆಘಾತಕ್ಕೊಳಗಾದರು. ಒಳಗೆ ಹೋದಾಗ, ಕಿಟಕಿಯ ಗ್ರಿಲ್ ಮುರಿದಿತ್ತು. ಒಂದು ಟಿವಿ ಸೆಟ್ ಕಾಣೆಯಾಗಿದೆ ಮತ್ತು ಇನ್ನೊಂದು ಮುರಿದಿದೆ ಎಂದು ಅವರು ಪೊಲೀಸರಿಗೆ ವಿವರಿಸಿದರು.