ವಲಸಿಗರನ್ನು ಸಾಗಿಸುತ್ತಿದ್ದ ಹಡಗು ಮುಗುಚಿ ಈವರೆಗೂ 70 ಸಾವು! | accident

accident: ಪಶ್ಚಿಮ ಆಫ್ರಿಕಾದ ಕರಾವಳಿಯಲ್ಲಿ ಅಂದಾಜು 150 ವಲಸಿಗರನ್ನು ಕೊಂಡ್ಯುಯ್ಯುತ್ತಿದ್ದ ದೋಣಿಯೊಂದು ಮಗುಚಿ ಬಿದ್ದ ಪರಿಣಾಮ ಈವರೆಗೂ 70 ಜನರು ಸಾವನ್ನಪ್ಪಿದ್ದಾರೆ ಎಂದು ಗ್ಯಾಂಬಿಯಾದ ವಿದೇಶಾಂಗ ಸಚಿವಾಲಯ ಶುಕ್ರವಾರ (ಆಗಸ್ಟ್​ 29) ಅಧಿಕೃತವಾಗಿ ಘೋಷಿಸಿದೆ.

ಗ್ಯಾಂಬಿಯಾದಿಂದ ಹೊರಟಿದ್ದ ಈ ದೋಣಿಯು ಸೆನೆಗಲ್​ ಹಾಗೂ ಗ್ಯಾಂಬಿಯನ್ ಪ್ರಜೆಗಳನ್ನು ಹೊತ್ತೊಯ್ಯತ್ತಿತ್ತು ಎನ್ನಲಾಗಿದೆ. ಹಡಗು ಮಾರಿಟಾನಿಯ ಕರಾವಳಿಯಲ್ಲಿ ಬುಧವಾರ ಮುಳಗಿದ ನಂತರ ಅಂದಾಜು 30 ಜನಸಾವನ್ನಪ್ಪಿದ್ದಾರೆ ಎಂದು ಮೂಲಗಳು ತಿಳಿಸಿದ್ದವು.

ಇದನ್ನೂ ಓದಿ: ಪೋರ್ನ್​ ವೆಬ್​ಸೈಟ್​ನಲ್ಲಿ ಇಟಲಿ ಪ್ರಧಾನಿ, ವಿಪಕ್ಷ ನಾಯಕಿಯ ನಕಲಿ ಫೋಟೋ; ಪಿಎಂ ಮೆಲೋನಿ ಆಕ್ರೋಶ| Giorgia Meloni 

ಈ ಹಡಗು ಅಂದಾಜು 150 ಜನರನ್ನು ಹೊತ್ತೊಯ್ಯುತ್ತಿದ್ದು, ಅವರಲ್ಲಿ 16 ಜನರನ್ನು ರಕ್ಷಿಸಲಾಗಿದೆ. ಹಾಗೇ ಮಾರಿಷನ್​ ಅಧಿಕಾರಿಗಳು ಈವರೆಗೂ 70 ಶವಗಳನ್ನು ವಶಪಡಿಸಿಕೊಂಡಿದ್ದಾರೆ. ಈ ಘಟನೆ ಬಗ್ಗೆ ಪ್ರತ್ಯಕ್ಷದರ್ಶಿಗಳು 100 ಕ್ಕೂ ಹೆಚ್ಚು ಜನ ಸಾವನ್ನಪ್ಪಿರಬಹುದು ಎಂದು ಶಂಕೆ ವ್ಯಕ್ತಪಡಿಸಿದ್ದಾರೆ. ಈ ಅಪಘಾತವು ಇತ್ತೀಚಿನ ವರ್ಷಗಳಲ್ಲಿ ಯುರೋಪ್‌ಗೆ ವಲಸೆ ಹೋಗುವ ಈ ಮಾರ್ಗದಲ್ಲಿ ಸಂಭವಿಸಿದ ಅತ್ಯಂತ ಭೀಕರ ಅಪಘಾತಗಳಲ್ಲಿ ಒಂದಾಗಿದೆ ಎಂದು ಸುದ್ದಿಯಾಗಿದೆ.

ಅದಾಗ್ಯೂ, ಪಶ್ಚಿಮ ಆಫ್ರಿಕಾದ ಕರಾವಳಿಯಿಂದ ಕ್ಯಾನರಿ ದ್ವೀಪಗಳಿಗೆ ಹೋಗುವ ಅಟ್ಲಾಂಟಿಕ್ ವಲಸೆ ಮಾರ್ಗವನ್ನು ಸಾಮಾನ್ಯವಾಗಿ ಸ್ಪೇನ್​ಗೆ ಪ್ರಯಾಣಿಸಲು ಬಯಸುವ ಆಫ್ರಿಕನ್​ ವಲಸಿಗರು ಬಳಸುತ್ತಾರೆ. ಇದು ವಿಶ್ವದ ಅತ್ಯಂತ ಅಪಾಯ ದಾರಿಯಲ್ಲಿ ಒಂದು ಎಂದು ಹೊರಹೊಮ್ಮಿದೆ.

ಮಾಹಿತಿಯ ಪ್ರಕಾರ, ಈ ಕಠಿಣ ದಾರಿಯಲ್ಲಿ ಕಳೆದ ವರ್ಷ 46,000ಕ್ಕೂ ಹೆಚ್ಚು ಪ್ರವಾಸಿಗರು ಪ್ರಯಾಣಿಸಿದ್ದು, ಈವರೆಗೂ 10,000 ಕ್ಕೂ ಹೆಚ್ಚು ಜನ ಸಾವನ್ನಪ್ಪಿದ್ದಾರೆ ಎಂದು ಯುರೋಪಿಯನ್​ ಒಕ್ಕೂಟ ದೃಢಪಡಿಸಿದೆ.

ಇದನ್ನೂ ಓದಿ: ಭಾರತದಲ್ಲೇ ಸ್ವದೇಶಿ ಯುದ್ದ ನೌಕೆಗಳನ್ನು ತಯಾರಿಸುವ ಗುರಿ ಇದೆ; ರಕ್ಷಣಾ ಸಚಿವ ರಾಜನಾಥ್ ಸಿಂಗ್| Rajnath Singh

ಈ ಘಟನೆ ನಡೆದ ನಂತರ, ಗ್ಯಾಂಬಿಯಾದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಈ ದಾರಿಯು ಹಲವಾರು ಜನರ ಜೀವಗಳನ್ನು ಬಲಿ ತೆಗೆದುಕೊಳ್ಳುತ್ತಿರುವುದರಿಂದ ಈ ಅಪಾಯಕಾರಿ ಪ್ರಯಾಣಗಳನ್ನು ತೆಗೆದುಕೊಳ್ಳಬೇಡಿ ಎಂದು ತನ್ನ ಪ್ರಜೆಗಳಿಗೆ ಮನವಿ ಮಾಡಿದೆ. (ಏಜೆನ್ಸೀಸ್)

https://www.vijayavani.net/a-tourist-who-drank-beer-to-an-elephant-and-became-crazy-video-viral