ತಾಲೂಕಿನ ರೋಣ, ಸವಡಿ, ಅಬ್ಬಿಗೇರಿ, ಕೊತಬಾಳ, ಮುಗಳಿ, ತಳ್ಳಿಹಾಳ, ಸವಡಿ, ಚಿಕ್ಕ ಮಣ್ಣೂರ, ಹಿರೇಮಣ್ಣೂರ ಸೇರಿ ವಿವಿಧ ಗ್ರಾಮಗಳಲ್ಲಿ ಕೆಲಕಾಲ ಸಾಧಾರಣ ಮಳೆ ಸುರಿದಿದೆ. ಮುಂಗಾರಿನಲ್ಲಿ ಬಿತ್ತನೆಯಾಗಿದ್ದ ಬೆಳೆಗಳೆಲ್ಲವೂ ಮಳೆ ಸುರಿಯದೆ ಬಾಡುತ್ತಿದ್ದವು. ರೈತರು ಕೈಚೆಲ್ಲಿ ಕುಳಿತಿದ್ದರು. ನಿರೀಕ್ಷೆಯಂತೆ ಮಳೆ ಸುರಿದ ಹಿನ್ನೆಲೆಯಲ್ಲಿ ಬೆಳೆಗಳು ನಲಿದಾಡುವಂತಾಗಿದೆ. ರೈತರು ನಿಟ್ಟುಸಿರು ಬಿಡುವಂತಾಗಿದೆ. ಮುಂಗಾರು ಹಂಗಾಮಿನಲ್ಲಿ ತಾಲೂಕಿನಲ್ಲಿ ಹೆಸರು 37,750 ಹೆಕ್ಟೇರ್ ಬಿತ್ತನೆ ಗುರಿ ಇದ್ದು, 7,507 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆಯಾಗಿದೆ. ತಾಲೂಕಿನಾದ್ಯಂತ ಬಿತ್ತನೆಯಲ್ಲಿ ತೊಡಗಿರುವ ರೈತರು ಈಗ ಖುಷಿಯಾಗಿದ್ದಾರೆ.
