ಒಂದು ಕಾಲದಲ್ಲಿ ಸ್ಟಾರ್ ನಟ ಆಗಿದ್ದವ ಇದೀಗ ವಾಚ್‌ಮ್ಯಾನ್; ಹೀಗಾಗಲು ಕಾರಣ ಏನು ಗೊತ್ತಾ| Savisidhu

Savisidhu | ಹಿಂದಿಯಲ್ಲಿ ಒಂದರ ನಂತರ ಒಂದರಂತೆ ಚಿತ್ರಗಳಲ್ಲಿ ನಟಿಸಿ, ಟಾಪ್ ಹೀರೋ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದ ವ್ಯಕ್ತಿ ಸಿನಿಮಾ ರಂಗವನ್ನೇ ತೊರೆದು ವಾಚ್‌ಮ್ಯಾನ್ ಕೆಲಸ ಮಾಡುತ್ತಿದ್ದಾರೆ. ವಿಶಿಷ್ಟ ನಟನೆಯಿಂದ ಮನರಂಜನೆ ನೀಡಿದ ಈ ವ್ಯಕ್ತಿ ಚಲನಚಿತ್ರಗಳಿಂದ ದೂರ ಉಳಿದಿದ್ದಾರೆ. ಸಿನಿಮಾ ರಂಗವನ್ನು ತೊರೆದು ಸುಮಾರು ಐದು ವರ್ಷಗಳಿಂದ ಇವರು ಮುಂಬೈನ ಅಪಾರ್ಟ್​ಮೆಂಟ್​ನಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದಾರೆ.

ಚಿತ್ರರಂಗದಲ್ಲಿ ನಟರಾಗಿ ಹೆಸರು ಮಾಡಲು ಅನೇಕ ಜನರು ಮುಂಬೈಗೆ ಆಗಮಿಸುತ್ತಾರೆ. ಚಲನಚಿತ್ರಗಳಲ್ಲಿ ಸಣ್ಣ ಅವಕಾಶಗಳನ್ನು ಪಡೆಯಲು ಅವರು ಅನೇಕ ಅವಮಾನಗಳು ಮತ್ತು ಕಷ್ಟಗಳನ್ನು ಎದುರಿಸುತ್ತಾರೆ. ಇನ್ನೂ ಕೆಲವರು ತಮ್ಮ ಇಡೀ ಜೀವನವನ್ನು ಸಿನಿಮಾಗಾಗಿ ಮುಡಿಪಾಗಿಡುತ್ತಾರೆ. ಆದರೆ ಚಲನಚಿತ್ರಗಳಲ್ಲಿ ಅವಕಾಶಗಳನ್ನು ಪಡೆದು ಮನ್ನಣೆ ಗಳಿಸುವ ತಾರೆಯರು ಧೀರ್ಘಕಾಲದವರೆಗೆ ತಮ್ಮ ಹೆಸರನ್ನು ಉಳಿಸಿಕೊಳ್ಳುವಲ್ಲಿ ವಿಫಲರಾಗುತ್ತಾರೆ.

ಇದನ್ನೂ ಓದಿ:ವಿರಾಟ್​ ಕೊಹ್ಲಿಯ ನೆಚ್ಚಿನ ದೇವರು ಯಾರು ಗೊತ್ತಾ?

ಅಂದಹಾಗೆ ಸವಿ ಸಿಧು ಎಂಬ ಈ ನಟ ಒಂದು ಕಾಲದಲ್ಲಿ ಹಲವು ಚಿತ್ರಗಳಲ್ಲಿ ನಟಿಸಿ ಒಳ್ಳೆಯ ಹೆಸರು ಗಳಿಸಿದ್ದರು. ಮೊದಲಿಗೆ ಸಣ್ಣ ಪಾತ್ರಗಳಲ್ಲಿ ನಟಿಸಿ, ನಂತರ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡರು. ಆದರೆ ಈಗ ಅವಕಾಶಗಳ ಕೊರತೆಯಿಂದಾಗಿ ಅವರು ಮುಂಬೈನ ಅಪಾರ್ಟ್‌ಮೆಂಟ್‌ನಲ್ಲಿ ಸೆಕ್ಯುರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದಾರೆ.

ಲಕ್ನೋ ಮೂಲದ ಸವಿ ಸಿಧು ಅವರು ಕಾನೂನು ಅಧ್ಯಯನ ಮಾಡುತ್ತಲೇ, ಅವರು ನಟನಾ ಕೌಶಲ್ಯದಲ್ಲಿ ತರಬೇತಿ ಪಡೆದರು. ಅವರು 1995 ರಲ್ಲಿ ತಕತ್ ಚಿತ್ರದೊಂದಿಗೆ ಬಾಲಿವುಡ್​ನಿಂದ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಚಲನಚಿತ್ರ ನಿರ್ಮಾಪಕ ಅನುರಾಗ್ ಕಶ್ಯಪ್ ಅವರ ಅಭಿನಯವನ್ನು ಗಮನಿಸಿ ಅವರಿಗೆ ಅವಕಾಶ ಕಲ್ಪಿಸಿದರು. ಆ ಚಿತ್ರ ಬಿಡುಗಡೆಯಾಗದಿದ್ದರೂ ಕಶ್ಯಪ್ ಅವರ ನಟನೆ ಮಾತ್ರ ಇಷ್ಟವಾಯಿತು. ನಂತರ ಅವರು ಬ್ಲ್ಯಾಕ್ ಫ್ರೈಡೇ, ಗುಲಾಲ್, ಪಟಿಯಾಲ ಹೌಸ್, ದಾದಿ, ಮತ್ತು ಬೇವಕೂಫಿಯಾನ್ ಚಿತ್ರಗಳಲ್ಲಿ ನಟಿಸುವ ಮೂಲಕ ಖ್ಯಾತಿ ಗಳಿಸಿದರು. ಅವರು ಕೊನೆಯ ಬಾರಿಗೆ ಬೆವಕೂಫಿಯಾನ್ ಚಿತ್ರದಲ್ಲಿ ಕಾಣಿಸಿಕೊಂಡರು.

(ಏಜೆನ್ಸೀಸ್)

ಇದೀಗ ಅವರು ಚಲನಚಿತ್ರಗಳಿಂದ ದೂರ ಉಳಿದಿದ್ದು, ಸುಮಾರು ಐದು ವರ್ಷಗಳಿಂದ ಅಂಧೇರಿ ಪಶ್ಚಿಮದ ಲೋಖಂಡ್ವಾಲಾದಲ್ಲಿರುವ ದೊಡ್ಡ ಅಪಾರ್ಟ್‌ಮೆಂಟ್‌ನಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದರು. ಇದನ್ನು ನೋಡಿದ ಕೆಲವು ಚಲನಚಿತ್ರೋದ್ಯಮದ ಗಣ್ಯರು, ಅವರು ಚಲನಚಿತ್ರಗಳಿಂದ ದೂರ ಇರುವುದಕ್ಕೆ ಕಾರಣಗಳೇನು ಎಂದು ಕೇಳಿದರು. ಇದಕ್ಕೆ ಉತ್ತರಿಸಿದ ಸವಿ ಸಿಧು ಅವರು, ಪತ್ನಿಯನ್ನು ಕಳೆದುಕೊಂಡ ಬಳಿಕ ನನ್ನ ಹೆತ್ತವರು ಸಹ ನಿಧನರಾದರು, ನಂತರ ನನ್ನ ಅತ್ತೆ-ಮಾವಂದಿರು ಸಹ ಮರಣ ಹೊಂದಿದರು, ನಾನು ಒಬ್ಬಂಟಿಯಾಗಿ ವಾಸಿಸುತ್ತಿದ್ದೇನೆ, ಆರ್ಥಿಕ ತೊಂದರೆಗಳು ನನ್ನನ್ನು ಇನ್ನಷ್ಟು ಖಿನ್ನತೆಗೆ ಒಳಪಡಿಸಿವೆ. ಅದಕ್ಕಾಗಿಯೇ ನಾನು ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದೇನೆ ಎಂದು ಸವಿ ಸಿಧು ಅವರು ಉತ್ತರಿಸಿದ್ದಾರೆ.

https://www.vijayavani.net/virat-kohli-snapped-with-hanuman-jis-key-chain-attached-with-his-handbag