ಪ್ರಮುಖವಾಗಿ, ಬಿಕ್ಕಟ್ಟು ನಿರ್ವಹಣೆ ಸಮಿತಿಯೊಂದನ್ನು ರಚಿಸುವುದಕ್ಕೆ ಈ ಸಂದರ್ಭದಲ್ಲಿ ತೀರ್ವನಿಸಲಾಗಿದೆ. ಕರೊನಾ ತಂದಿರುವ ಸಂಕಷ್ಟದಿಂದ ಯಾರೆಲ್ಲ ಸಮಸ್ಯೆ ಅನುಭವಿಸುತ್ತಿದ್ದಾರೆ, ಅವರ ಸಮಸ್ಯೆಗೆ ಪರಿಹಾರ ಏನು ಎಂದು ಈ ಸಮಿತಿ ಮೊದಲು ರ್ಚಚಿಸಿ, ರೂಪುರೇಷೆ ಸಿದ್ಧಪಡಿಸಿದ ನಂತರ ಮುಂದಿನ ಕ್ರಮ ತೆಗೆದುಕೊಳ್ಳಲಾಗುತ್ತದೆ. ಸಭೆಯ ನಂತರ ಮಾತನಾಡಿರುವ ಶಿವರಾಜಕುಮಾರ್, ‘ಚಿತ್ರರಂಗದ ಎಲ್ಲ ವಲಯಗಳಿಂದ ಒಗ್ಗಟ್ಟಾಗಿ ಬಂದಿರುವುದು ಖುಷಿ ತಂದಿದೆ. ಎಲ್ಲ್ಲ ವಲಯದವರು ಸಾಕಷ್ಟು ಸಮಸ್ಯೆಗಳನ್ನು ನನ್ನ ಜತೆ ಹಂಚಿಕೊಂಡಿದ್ದಾರೆ. ಈ ಪರಿಸ್ಥಿತಿಯನ್ನು ಹೇಗೆ ನಿಭಾಯಿಸಬೇಕು ಎಂಬ ಚರ್ಚೆ ಆಗಬೇಕಿದೆ. ಎಲ್ಲಕ್ಕಿಂತ ಹೆಚ್ಚಾಗಿ, ಸರ್ಕಾರದ ಬಳಿಗೆ ಹೋಗುವುದಕ್ಕೆ ಮುನ್ನ ನಾವೇನು ಮಾಡಬೇಕು ಎಂಬುದು ಚರ್ಚೆ ಆಗಬೇಕಿದೆ’ ಎಂದು ಹೇಳಿದ್ದಾರೆ. ಇನ್ನು ನಾಯಕತ್ವ ವಹಿಸಿಕೊಳ್ಳುವ ವಿಚಾರದ ಬಗ್ಗೆ ಮಾತನಾಡಿದ ಅವರು, ‘ತಾನು ಮುಂದೆ ಹೋಗಿ, ಸಾವಿರ ಜನರನ್ನು ಹಿಂದೆ ಇಟ್ಟುಕೊಂಡರಷ್ಟೇ ನಾಯಕ ಆಗುವುದಿಲ್ಲ. ಎಲ್ಲರನ್ನೂ ಒಟ್ಟಾಗಿ ಕರೆದುಕೊಂಡು ಹೋಗಬೇಕು. ಆಗಲೇ ನಾಯಕ ಆಗೋದಕ್ಕೆ ಸಾಧ್ಯ. ಇವರೆಲ್ಲ ನನಗೆ ನಾಯಕತ್ವ ವಹಿಸಿ ಅಂತ ಹೇಳುತ್ತಿರುವುದರಿಂದ ಒಪ್ಪಿಕೊಳ್ಳುತ್ತಿದ್ದೀನಿ. ಹಾಗಂತ ಲೀಡರ್ ಅಂದಾಕ್ಷಣ ನಾನು ಮುಂದೆ ಹೋಗಬೇಕು ಎಂಬ ದುರಹಂಕಾರ ಇಲ್ಲ. ಎಲ್ಲರೂ ಜತೆಯಾಗಿ ಹೋಗೋಣ’ ಎಂದು ಹೇಳಿದ್ದಾರೆ.
