ದಿ ಫ್ಯಾಮಿಲಿ ಮ್ಯಾನ್ ರಿಲೀಸ್ ಡೇಟ್ ಕೊನೆಗೂ ಫಿಕ್ಸ್ ಆಯ್ತು

ಮುಂಬೈ: ಭಾರತೀಯ ವೆಬ್​ಸೀರೀಸ್​ಗಳ ಪೈಕಿ ಅತ್ಯಂತ ಜನಪ್ರಿಯವಾದ ವೆಬ್​ಸೀರೀಸ್​ ಎಂದರೆ ಅದು ದಿ ಫ್ಯಾಮಿಲಿ ಮ್ಯಾನ್​. ಮನೋಜ್​ ಬಾಜ್​ಪೇಯಿ, ನ್ಯಾಷನಲ್​ ಇಂಟಲಿಜೆನ್ಸ್​ ಏಜನ್ಸಿಯ ಏಜೆಂಟ್​ ಆಗಿ ನಟಿಸಿದ್ದ ಈ ವೆಬ್​ಸರಣಿ, ಅಮೇಜಾನ್​ ಪ್ರೈಮ್​ನಲ್ಲಿ ಒಂದೂವರೆ ವರ್ಷಗಳ ಹಿಂದೆ ಬಿಡುಗಡೆಯಾಗಿ ಸೂಪರ್​ ಹಿಟ್​ ಆಗಿತ್ತು.

ಇದನ್ನೂ ಓದಿ: ಚಿತ್ರರಂಗದವರಿಗೆ ಲಸಿಕೆ ವಿತರಿಸಲು ಫಿಲ್ಮ್ ಚೇಂಬರ್ ಮನವಿ

ಆ ನಂತರ ಈ ವೆಬ್​ಸರಣಿಯ ಎರಡನೇ ಭಾಗ ಕಳೆದ ವರ್ಷ ಲಾಕ್​ಡೌನ್​ ಘೋಷಣೆಯಾಗುವುದಕ್ಕಿಂತ ಮುನ್ನವೇ ಚಿತ್ರೀಕರಣವಾಗಿತ್ತು. ಪೋಸ್ಟ್​-ಪ್ರೊಡಕ್ಷನ್​ ಕೆಲಸಗಳೆಲ್ಲ ಮುಗಿದ್ದು, ಈ ವರ್ಷ ಫೆಬ್ರವರಿ 12ಕ್ಕೆ ಬಿಡುಗಡೆಯಾಗುವುದಾಗಿ ಸುದ್ದಿಯಾಗಿತ್ತು. ಆದರೆ, ತಾಂಡವ್​ ಎಂಬ ಇನ್ನೊಂದು ವೆಬ್​ಸೀರೀಸ್​ನಿಂದ ಉಂಟಾದ ವಿವಾದದಿಂದಾಗಿ, ಈ ವೆಬ್​ಸರಣಿ ಹೊರಬರಲೇ ಇಲ್ಲ. ಇದರಿಂದ ದಿ ಫ್ಯಾಮಿಲಿ ಸೀಸನ್​ನ ಎರಡನೆಯ ಸೀಸನ್​ಗಾಗಿ ಕಾದಿದ್ದ ಪ್ರೇಕ್ಷಕರಿಗೆ ಆದ ನಿರಾಸೆ ಅಷ್ಟಿಷ್ಟಲ್ಲ.

ಇದೀಗ ಬಂದಿರುವ ಸುದ್ದಿಯ ಪ್ರಕಾರ, ದಿ ಫ್ಯಾಮಿಲಿ ಮ್ಯಾನ್​ 2 ಅಮೇಜಾನ್​ ಪ್ರೈಮ್​ನಲ್ಲಿ ಬಿಡುಗಡೆಯಾಗುವುದಕ್ಕೆ ಕೊನೆಗೂ ದಿನಾಂಕ ನಿಗದಿಯಾಗಿದೆ. ಜೂನ್​ 11ರಂದು ಈ ವೆಬ್​ಸರಣಿ ಸ್ಟ್ರೀಮ್​ ಆಗಲಿದೆ. ಈಗಾಗಲೇ ಈ ಕಾರ್ಯಕ್ರಮದ ಟ್ರೇಲರ್​ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಲ್ಲಿ ಸಾಕಷ್ಟು ಕುತೂಹಲ ಮತ್ತು ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ.

ಇದನ್ನೂ ಓದಿ: ಡಾನ್​ನಿಂದ ತಪ್ಪಿಸಿಕೊಳ್ಳಲು ಮದುವೆಯಾದರಂತೆ ರಾಖಿ!

ದಿ ಫ್ಯಾಮಿಲಿ ಮ್ಯಾನ್​ 2 ಕಾರ್ಯಕ್ರಮದ ವಿಶೇಷ ಆಕರ್ಷಣೆ ಎಂದರೆ ಅದು ಟಾಲಿವುಡ್​ ನಟಿ ಸಮಂತಾ. ಇದೇ ಮೊದಲ ಬಾರಿಗೆ ಅವರು ನೆಗೆಟಿವ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮಿಕ್ಕಂತೆ, ಪ್ರಿಯಾಮಣಿ ಸೇರಿದಂತೆ ಸಾಕಷ್ಟು ಜನಪ್ರಿಯ ನಟ-ನಟಿಯರು ಇದರಲ್ಲಿ ನಟಿಸಿದ್ದಾರೆ. ರಾಜ್​ ಮತ್ತು ಡಿಕೆ ಈ ವೆಬ್​ಸರಣಿಯನ್ನು ನಿರ್ದೇಶಿಸಿದ್ದಾರೆ.

https://www.vijayavani.net/why-shreyas-talpade-was-told-to-cancel-his-wedding/