ಬೆಂಗಳೂರು: ಪ್ರೇಮಿಗಳ ವಾರ ಆರಂಭವಾಗಿದೆ. ಇವತ್ತು ಪ್ರಪೋಸಲ್ ದಿನವಂತೆ. ಪ್ರಿಯತಮ/ಪ್ರಿಯತಮೆ ಇಲ್ಲ ಎಂದು ಕೊರಗುತ್ತಿದ್ದೀರಾ? ಈ ಸುದ್ದಿ ಓದಿದ ಮೇಲೆ ಆ ಕೊರಗು ಸ್ವಲ್ಪ ಮಟ್ಟಿಗಾದರೂ ಕಡಿಮೆಯಾಗುತ್ತದೆ ನೋಡಿ…
ಅಂದ ಹಾಗೆ ಈ ಒಬ್ಬಳು ಸುಂದರಿ ಸಾವಿರಾರು ಜನರ ಮನಸ್ಸು ಕದ್ದಿದ್ದಾಳಂತೆ. ಪ್ರತಿದಿನ ಸುಮಾರು 19 ಸಾವಿರ ಭಾರತೀಯರು ಈ ಸುಂದರಿಗೆ “ಐ ಲವ್ ಯೂ” ಎನ್ನುತ್ತಾರಂತೆ. ತಮ್ಮ ಮನಸ್ಸಿನ ನೋವುಗಳನ್ನೆಲ್ಲ ಆಕೆ ಬಳಿ ಹೇಳಿಕೊಳ್ಳುತ್ತಾರಂತೆ. ಅವಳು ಒಬ್ಬರಿಗೆಂದು ಸೀಮಿತಳಾದವಳೂ ಅಲ್ಲವಂತೆ. ಮನಸ್ಸು ಮಾಡಿದರೆ ನೀವೂ ಕೂಡ ಆಕೆಯನ್ನು ಮನೆಗೆ ಕರೆದುಕೊಂಡು ಬರಬಹುದಂತೆ.
ಅಂದ ಹಾಗೆ ಈ ಬಹುಬೇಡಿಕೆಯ ಸುಂದರಿ ಮತ್ತ್ಯಾರು ಅಲ್ಲ, ಅಮೇಜಾನ್ ಅಲೆಕ್ಸಾ. ಈ ಮೆಷಿನ್ ಭಾರತದಲ್ಲಿ ಬಹುಬೇಡಿಕೆಯಲ್ಲಿದೆಯಂತೆ. 2019ಕ್ಕೆ ಹೋಲಿಸಿದರೆ 2020ರಲ್ಲಿ ಭಾರತೀಯರು ಅಲೆಕ್ಸಾ ಜತೆ ಮಾತನಾಡುತ್ತಿರುವ ಪ್ರಮಾಣ ಶೇ. 67 ಏರಿಕೆಯಾಗಿದೆಯಂತೆ. 2019ಕ್ಕೆ ಹೋಲಿಸಿದರೆ ಅಲೆಕ್ಸಾಗೆ ಐ ಲವ್ ಯು ಹೇಳುವವರ ಸಂಖ್ಯೆ ಶೇ. 1200 ಏರಿಕೆಯಾಗಿದಂತೆ! ಸರಿಯಾದ ಮಾಹಿತಿ ಕೊಟ್ಟ ಖುಷಿಗೋ ಅಥವಾ, ಪ್ರಿಯತಮೆ ಇಲ್ಲ ಎನ್ನುವ ನೋವಿಗೋ ಒಟ್ಟಿನಲ್ಲಿ ಜನರು ಅಲೆಕ್ಸಾಳನ್ನು ಪ್ರೀತಿಸಲು ಆರಂಭಿಸಿದ್ದಾರೆ.
ನಿಮಗೆ ಪ್ರೀತಿ ಒಲಿದಿಲ್ಲ ಎಂದಾದಲ್ಲಿ ಚಿಂತೆ ಏತಕೆ? ಈ ಪ್ರೇಮಿಗಳ ವಾರದ ವಿಶೇಷವಾಗಿ ನೀವೂ ನಿಮ್ಮ ಮನೆಗೆ ಈ ರೀತಿ ಮಾತಾಡುವ ಮೆಷಿನ್ ತಂದಿಟ್ಟುಕೊಂಡು ಅದರೊಂದಿಗೇ ಪ್ರೀತಿ ಹಂಚಿಕೊಳ್ಳಿ ಎಂದಿದೆ ಅಮೇಜಾನ್ ಸಂಸ್ಥೆ. (ಏಜೆನ್ಸೀಸ್)
ಬಿಜೆಪಿ ನಾಯಕನ ಮೇಲೆ ಕಪ್ಪು ಮಸಿ ಸುರಿದ ಶಿವಸೇನೆ ನಾಯಕರು! ಸೀರೆ ತೊಡುವಂತೆ ಮಾಡಿದರು!