ನವದೆಹಲಿ: ಭಾರತದ ಯುವ ಚೆಸ್ ಚಾಂಪಿಯನ್ ಆರ್. ಪ್ರಜ್ಞಾನಂದ ಅವರು ಎಫ್ಐಡಿಇ ಚೆಸ್ ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್ನಲ್ಲಿ ಫ್ಯಾಬಿಯಾನೊ ಕರುವಾನಾ ವಿರುದ್ಧ ಗೆದ್ದು ಫೈನಲ್ ಪ್ರವೇಶಿಸಿದ್ದರು. ಈ ಮೂಲಕ ರಾಷ್ಟ್ರವ್ಯಾಪಿ ಗಮನ ಸೆಳೆದರು.
ಇದನ್ನೂ ಓದಿ: ಸರ್ಕಾರ ಕ.ಕ. ಕಲಾವಿದರ ಸಮಸ್ಯೆಗಳಿಗೆ ಸ್ಪಂದಿಸಲಿ
ಫೈನಲ್ನಲ್ಲಿ ವಿಶ್ವದ ನಂ.1 ಚೆಸ್ ಆಟಗಾರ ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸನ್ ಅವರನ್ನು ಎದುರಿಸಿದ ಪ್ರಜ್ಞಾನಂದ, ಕೆಲವೇ ಅಂತರದಲ್ಲಿ ಸೋಲುವ ಮುಖೇನ ರನ್ನರ್ ಅಪ್ ಸ್ಥಾನವನ್ನು ಪಡೆದುಕೊಂಡರು.
Selfie with the Legend and her son 😄 #praggnanandha #FIDEWorldCup #FIDEWorldCup2023 pic.twitter.com/mFsCMTMBVb
— PhotoChess (@photochess) August 24, 2023
ಸದ್ಯ ಭಾರತದ ಆರ್. ಪ್ರಜ್ಞಾನಂದ ಇದೀಗ ದೇಶಾವ್ಯಾಪಿ ಗುರುತಿಸಿಕೊಂಡಿದ್ದು, ಚಿಕ್ಕ ವಯಸ್ಸಿನಲ್ಲಿ ಅಪಾರ ಸಾಧನೆ ಮಾಡಿದ್ದೀರಿ, ನಿಮಗೆ ನಮ್ಮ ಅಭಿನಂದನೆಗಳು ಎಂಬ ಸಂದೇಶಗಳು ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ವ್ಯಕ್ತವಾಗಿದೆ. ಈ ಬೆನ್ನಲ್ಲೇ ಹೆಸರಾಂತ ಚೆಸ್ ಛಾಯಾಗ್ರಾಹಕಿ ಮಾರಿಯಾ ಎಮೆಲಿಯಾನೋವಾ ಅವರು ಪ್ರಜ್ಞಾನಂದ ಮತ್ತು ಅವರ ತಾಯಿಯೊಂದಿಗೆ ಕ್ಲಿಕ್ಕಿಸಿಕೊಂಡ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ.
ಇದನ್ನೂ ಓದಿ: ಮಕ್ಕಳ ಪ್ರತಿಭೆ ಅನಾವರಣಕ್ಕೆ ಪ್ರತಿಭಾ ಕಾರಂಜಿ ಸಹಕಾರಿ
ಪ್ರಜ್ಞಾನಂದ ಮತ್ತು ಅವರ ತಾಯಿಯ ಜತೆ ನಿಂತು ತೆಗೆದ ಫೋಟೋಗೆ, “ಲೆಜೆಂಡ್ ಮತ್ತು ಅವರ ಮಗನೊಂದಿಗೆ ಸೆಲ್ಫೀ” ಎಂಬ ಶೀರ್ಷಿಕೆಯಡಿ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ. ಈ ಛಾಯಾಚಿತ್ರಕ್ಕೆ ಟ್ವಿಟರ್ನಲ್ಲಿ ಸಾಕಷ್ಟು ಲೈಕ್ಸ್ ಮತ್ತು ಕಮೆಂಟ್ಗಳು ಹರಿದುಬಂದಿದೆ,(ಏಜೆನ್ಸೀಸ್).