ದೆಹಲಿ ಸಿಎಂ ರೇಖಾ ಗುಪ್ತಾಗೆ ನೀಡಿದ್ದ CRPF ಭದ್ರತೆ ಹಿಂಪಡೆದ ಕೇಂದ್ರ ಸರ್ಕಾರ! | Rekha Gupta

Rekha Gupta: ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ ಮೇಲೆ ಕಿಡಿಗೇಡಿಗಳು ದಾಳಿ ನಡೆಸಿದ ನಂತರ ಅವರ ಭದ್ರತೆಗಾಗಿ ನೀಡಲಾಗಿದ್ದ ಝಡ್​-ಕೆಟಗರಿ ಸಿಆರ್​ಎಫ್​ ಭದ್ರತೆಯನ್ನು ಕೇಂದ್ರ ಸರ್ಕಾರ ವಾಪಸ್ಸು ಪಡೆದಿದೆ. ಹಾಗೂ ಅವರ ಭದ್ರತೆಗಾಗಿ ದೆಹಲಿ ಪೊಲೀಸರಿಗೆ ವಹಿಸಲಾಗಿದೆ ಎಂದು ಅಧಿಕೃತ ಮೂಲಗಳು ಸೋಮವಾರ (ಆಗಸ್ಟ್​ 25) ತಿಳಿಸಿವೆ.

ಇದನ್ನೂ ಓದಿ: ರಸ್ತೆ ಸೌಲಭ್ಯ ಒದಗಿಸಲು ಆಗ್ರಹ, ಸೇವಾಲಾಲ ನಗರ ನಿವಾಸಿಗಳ ಪ್ರತಿಭಟನೆ, ಜಿಲ್ಲಾಡಳಿತಕ್ಕೆ ಮನವಿ

ಆಗಸ್ಟ್ 20 ರಂದು ಸಿವಿಲ್ ಲೈನ್ಸ್‌ನಲ್ಲಿರುವ ಮುಖ್ಯಮಂತ್ರಿಯ ಅಧಿಕೃತ ನಿವಾಸದಲ್ಲಿ ನಡೆದ 'ಜನ್ ಸುನ್‌ವೈ' ಕಾರ್ಯಕ್ರಮದಲ್ಲಿ ಗುಪ್ತಾ ಮೇಲೆ ಸಕರಿಯಾ ಎಂಬ ವ್ಯಕ್ತಿ ದಾಳಿ ನಡೆಸಿದ್ದು, ಕಚೇರಿಯವರು ಈ ಹಲ್ಲೆಯನ್ನು ಅವರನ್ನು ಕೊಲ್ಲಲು ಮಾಡಿದ ಸಂಚು ಎಂದು ಬಣ್ಣಿಸಿದ್ದರು.

ಘಟನೆ ನಡೆದ ಒಂದು ದಿನದ ನಂತರ , ಕೇಂದ್ರ ಗೃಹ ಸಚಿವಾಲಯವು ಕೇಂದ್ರ ಮೀಸಲು ಪೊಲೀಸ್​ ಪಡೆ (CRPF) ನ್ನು ಅವರ ಭದ್ರತೆಗಾಗಿ ನೇಮಿಸಿತ್ತು. ಇನ್ನು ಈ ಭದ್ರತೆಯನ್ನು ಕೇಂದ್ರ ಸರ್ಕಾರ ಹಿಂತೆಗೆದುಕೊಂಡಿದ್ದು, ಸದ್ಯ ದೆಹಲಿ ಪೊಲೀಸರು ಭದ್ರತೆ ನೀಡುತ್ತಿದ್ದಾರೆ.

ಇದನ್ನೂ ಓದಿ: ಜಮ್ಮು ಮತ್ತು ಕಾಶ್ಮೀರದ ಸರ್ಕಾರಿ ಇಲಾಖೆಗಳಲ್ಲಿ ಪೆನ್​​​ಡ್ರೈವ್, ವಾಟ್ಸಾಪ್ ಬಳಕೆಗೆ ನಿಷೇಧ| J&K Government

ಮುಖ್ಯಮಂತ್ರಿಯವರ ಮೇಲೆ ದಾಳಿ ನಡೆದ ನಂತರ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಇದರಲ್ಲಿ ಮುಖ್ಯ ಆರೋಪಿ ಗುಜುರಾತ್​ನ ರಾಜ್​ಕೋಟ್​ ನಿವಾಸಿ ಹಾಗೂ ಆಟೋರಿಕ್ಷಾ ಚಾಲಕ ಸಕ್ರಿಯಾ ರಾಜೇಶ್​ಭಾಯ್​ ಖಿಮ್ಜಿ ಎಂದು ಗುರುತಿಸಲಾಗಿದೆ.

(ಏಜೆನ್ಸೀಸ್​)

https://www.vijayavani.net/consuming-these-ingredients-with-pepper-can-cure-many-problems