ಮನೆ ದೋಚಲು ಹೋದ ಕಳ್ಳ: ಪೊಲೀಸ್ ಅಧಿಕಾರಿ ಮಗಳ ರೂಮ್​​ನಲ್ಲಿ ಲಾಕ್​​ ಆದ!

ಬ್ಯಾಂಕಾಕ್: ಕೆಲವು ಕಳ್ಳರು ತಮ್ಮ ಮುಠ್ಠಾಳತನದಿಂದ ಹೇಗೆಲ್ಲ ಸಿಕ್ಕಿ ಬಿಳ್ಳುತ್ತಾರೆ ಎಂಬುದನ್ನು ನಾವು ಆಗಾಗ ನೋಡುತ್ತೇವೆ. ಇಂತಹದೇ ಒಂದು ಘಟನೆ ಥೈಲ್ಯಾಂಡ್​ನಲ್ಲಿ ನಡೆದಿದೆ.

ತೈಲ್ಯಾಂಡ್​ನ ಪೆಚ್ಚಾಬುನ್​ ಎಂಬಲ್ಲಿ Athit Kin Khunthud ಎಂಬ 28 ವರ್ಷದ ಕಳ್ಳನೊಬ್ಬ ಮಧ್ಯರಾತ್ರಿ ಮನೆಯೊಂದಕ್ಕೆ ನುಗ್ಗಿ, ಕಳ್ಳತನ ಮಾಡಿ, ಆ ಮನೆಯಲ್ಲೇ ಹಾಯಾಗಿ ನಿದ್ದೆ ಮಾಡುವಾಗ ಪೊಲೀಸರ ಅತಿಥಿಯಾಗಿದ್ದಾನೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿದೆ.

ಈ ಕಳ್ಳ ನುಗ್ಗಿದ್ದು ಹೋಗಿ ಹೋಗಿ ಪೊಲೀಸ್ ಅಧಿಕಾರಿ ಮನೆಗೆ! ಮಧ್ಯರಾತ್ರಿ 2 ಗಂಟೆಗೆ ಬಾಗಿಲು ಮುರಿದು ಒಳ ನುಗ್ಗಿದ್ದಾನೆ. ಹಣ ದೋಚಿ, ಇನ್ನೊಂದು ರೂಮ್​ಗೆ ಹೋಗಿದ್ದಾನೆ. ಅದು ಆ ಪೊಲೀಸ್ ಅಧಿಕಾರಿ ಮಗಳು ತಂಗುವ ಕೊಠಡಿ. ಆ ವೇಳೆ ಆ ಕೊಠಡಿಯಲ್ಲಿ ಪೊಲೀಸ್​​ ಅಧಿಕಾರಿಯ ಮಗಳು ಇರಲಿಲ್ಲವಂತೆ. ಎಸಿ ಅಳವಡಿಸಿದ ರೂಮ್​​ನಲ್ಲಿ ಕದಿಯಲು ತಡಕಾಡಿದ್ದಾನೆ. ಆದರೆ ಅಲ್ಲಿ ಏನೂ ಸಿಕ್ಕಿಲ್ಲ. ಅಲ್ಲೇ ಬೆಡ್ ಮೇಲೆ ಹಾಯಾಗಿ ಮಲಗಿ ನಿದ್ರಿಸಿದ್ದಾನೆ.

ಬೆಳಿಗ್ಗೆ ಪೊಲೀಸ್ ಅಧಿಕಾರಿ ಬಾಗಿಲು ತೆಗೆಯಲು ಹೋದಾಗ ಕಳ್ಳ ಹಾಯಾಗಿ ಮಲಗಿರುವುದು ಗೊತ್ತಾಗಿದೆ. ಆ ಘಟನೆಯನ್ನು ಚಿತ್ರಿಕರಿಸಿಕೊಂಡ ಪೊಲೀಸ್ ಕಳ್ಳನನ್ನು ಎಬ್ಬಿಸಿದ್ದಾರೆ. ಆತ ಏನಾಗುತ್ತಿದೆ ಎಂದು ಕಣ್ಣು ಕಣ್ಣು ಬಿಟ್ಟು ನೋಡುವಾಗಲೇ ಇನ್ನಿತರ ಪೊಲೀಸ್ ಸಿಬ್ಬಂದಿ ಬಂದು ಆತನನ್ನು ಬಂಧಿಸಿ ಜೈಲಿಗೆ ಅಟ್ಟಿದ್ದಾರೆ.

https://www.vijayavani.net/maharashtras-lady-singham-found-dead-guilty-wont-be-spared-vows-anil-deshmukh/

https://www.vijayavani.net/here-girls-are-not-getting-boys-for-marriage-girls-are-living-life-alone/