ನಗರದ ಪ್ರೆಸ್ಕ್ಲಬ್ನಲ್ಲಿ ಶುಕ್ರವಾರ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಸುಮಾರು ೧೨ ವರ್ಷಗಳ ಹಿಂದೆ ಹಳೆಯ ತರಕಾರಿ ಮಾರುಕಟ್ಟೆಯಲ್ಲಿ ಮೂಲ ಬಾಡಿಗೆದಾರರನ್ನು ಅವಧಿಗೆ ಮುಂಚಿತವಾಗಿ ಖಾಲಿ ಮಾಡಿಸಲು ಕ್ರಮ ಕೈಗೊಂಡಾಗ ನ್ಯಾಯಾಲಯದಲ್ಲಿ ದಾವೆ ಹೂಡಲಾಗಿತ್ತು. ಈಗ ನ್ಯಾಯಾಲಯದ ತೀರ್ಪು ನಮ್ಮ ಪರವಾಗಿ ಬಂದಿದೆ. ಬಳಿಕ ನಗರಸಭೆ ಪೌರಾಯುಕ್ತರು ಹೊಸ ಮಳಿಗೆ ನಿರ್ಮಾಣವಾದ ಬಳಿಕ ಹಿಂದೆ ಬಾಡಿಗೆ ಇದ್ದವರಿಗೆ ಮಳಿಗೆಗಳನ್ನು ನೀಡುವುದಾಗಿ ಒಪ್ಪಿ ತೀರ್ಮಾನ ಮಾಡಿಕೊಂಡಿದ್ದರು. ಆದರೆ ಈಗ ಹಿಂದಿನ ತೀರ್ಮಾನವನ್ನು ಪರಿಗಣಿಸದೆ ಹೊಸದಾಗಿ ಟೆಂಡರ್ ಕರೆಯಲಾಗಿದೆ ಎಂದು ದೂರಿದರು.
ಹೊಸ ಮಳಿಗೆಗೆ ಟೆಂಡರ್ ಕರೆದಿರುವುದು ನ್ಯಾಯಾಲಯದ ಆದೇಶದ ಉಲ್ಲಂಘನೆಯಾಗಿದ್ದು, ನೂತನ ಅಟಲ್ ಬಿಹಾರಿ ವಾಜಪೇಯಿ ವಾಣಿಜ್ಯ ಸಂಕೀರ್ಣದಲ್ಲಿ ನೆಲ ಮಾಳಿಗೆಯ ಹತ್ತು ಮಳಿಗೆಗಳನ್ನು ಬಿಟ್ಟು ಟೆಂಡರ್ ಕರೆಯಬೇಕಾಗಿತ್ತು. ಇದನ್ನು ಮೀರಿ ಮಳಿಗೆಗಳ ಹರಾಜು ನಡೆಸಿದರೆ ನೆಲ ಮಾಳಿಗೆಯ ೧೦ ಮಳಿಗೆಗಳ ಬಾಡಿಗೆದಾರರಿಗೆ ತೊಂದರೆಯಾಗಲಿದ್ದು, ಅದಕ್ಕೆ ಅವಕಾಶವಾಗದಂತೆ ಹಿಂದೆ ಒಪ್ಪಂದವಾದAತೆ ೧೦ ಮಳಿಗೆಗಳನ್ನು ಹಿಂದಿನ ಬಾಡಿಗೆದಾರರಿಗೆ ನೀಡಬೇಕು ಎಂದು ಆಗ್ರಹಿಸಿದರು.
ಸುದ್ದಿಗೋಷ್ಟಿಯಲ್ಲಿ ಹಳೆ ಬಾಡಿಗೆದಾರರಾದ ಮೊಸಿನ್ ಅಕ್ತರ್, ನರಪತ್ ಸಿಂಗ್, ಅಭಿದ್ ಜಮಾಲ್ ಉಪಸ್ಥಿತರಿದ್ದರು.
