ಮ್ಯಾಡ್ರಿಡ್: ಸ್ವಿಸ್ ಟೆನಿಸ್ ಆಟಗಾರ ಸ್ಟಾನಿಸ್ಲಾಸ್ ವಾವ್ರಿಂಕಾ ಮತ್ತು ಸ್ಪೇನ್ ಟೆನಿಸ್ ಆಟಗಾರ್ತಿ ಗಾರ್ಬಿನ್ ಮುಗುರುಜಾ ಪರಸ್ಪರ ಪ್ರೀತಿಸುತ್ತಿದ್ದಾರೆ ಎಂದು ಕಳೆದ ಕೆಲ ಸಮಯದಿಂದ ಅನುಮಾನದ ವರದಿಗಳು ಹರಡಿದ್ದವು. ಆದರೆ ಎಲ್ಲೂ ಈ ವಿಷಯ ಖಚಿತಪಟ್ಟಿರಲಿಲ್ಲ. ಆದರೆ ಈಗ ವಾವ್ರಿಂಕಾ ಮತ್ತು ಮುಗುರುಜಾ ಇನ್ಸ್ಟಾಗ್ರಾಂನಲ್ಲಿ ಹಾಕಿರುವ ಪೋಸ್ಟ್ಗಳಿಂದ ಅವರ ಅಭಿಮಾನಿಗಳು ಅವರಿಬ್ಬರ ‘ಸೀಕ್ರೆಟ್ ಲವ್’ ಅನ್ನು ಬಹಿರಂಗಪಡಿಸಿದ್ದಾರೆ!
ಗ್ರಾಂಡ್ ಸ್ಲಾಂ ಪ್ರಶಸ್ತಿ ವಿಜೇತರಾದ 35 ವರ್ಷದ ವಾವ್ರಿಂಕಾ ಮತ್ತು 26 ವರ್ಷದ ಮುಗುರುಜಾ ಇಬ್ಬರೂ ಈಗ ಲಾಕ್ಡೌನ್ ಸಮಯದಲ್ಲಿ ಸ್ವಿರ್ಜಲೆಂಡ್ನಲ್ಲಿ ಜತೆಯಾಗಿ ಇದ್ದಾರೆ ಎನ್ನಲಾಗಿದ್ದು, ಇಬ್ಬರೂ ಒಂದೇ ಸ್ಥಳದಲ್ಲಿ ಇರುವುದನ್ನು ಅವರಿಬ್ಬರ ಪೋಸ್ಟ್ಗಳ ಮೂಲಕ ಅಭಿಮಾನಿಗಳು ಪತ್ತೆಹಚ್ಚಿದ್ದಾರೆ. ಇಬ್ಬರೂ ಜೆನೆವಾದಲ್ಲಿ ವಾವ್ರಿಂಕಾ ಮನೆಯಲ್ಲಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: VIDEO | ಮಗನಿಗೆ ಕುದುರೆ ಸವಾರಿ ಕಲಿಸಿದ ಶಿಖರ್ ಧವನ್!
ವಿಶ್ವ ನಂ. 16 ಆಟಗಾರ್ತಿ ಮುಗುರುಜಾ ಈಜುಕೊಳದ ಬದಿಯಲ್ಲಿ ಮಲಗಿರುವ ಚಿತ್ರವೊಂದನ್ನು 3 ದಿನದ ಹಿಂದೆ ಪೋಸ್ಟ್ ಮಾಡಿದ್ದರೆ, ವಿಶ್ವ ನಂ. 17 ಆಟಗಾರ ವಾವ್ರಿಂಕಾ ಕೂಡ ಕೆಲವಾರಗಳ ಹಿಂದೆ ಈಜುಕೊಳದಲ್ಲಿನ ಚಿತ್ರವನ್ನು ಪೋಸ್ಟ್ ಮಾಡಿದ್ದರು. ಇವೆರಡೂ ಒಂದೇ ಈಜುಕೊಳವಾಗಿವೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳ ಅನುಮಾನಪಟ್ಟಿದ್ದು, ಈಜುಕೊಳದ ಮೇಲಿನ ಟೈಲ್ಸ್ಗಳು ಒಂದೇ ರೀತಿಯಾಗಿವೆ. ಹಿನ್ನೆಲೆಯ ದೃಶ್ಯಗಳಲ್ಲೂ ಹೋಲಿಕೆಗಳಿವೆ ಎಂದು ಆನ್ಲೈನ್ ಡಿಡೆಕ್ಟಿವ್ಗಳು ಹೇಳಿದ್ದಾರೆ. ವಾವ್ರಿಂಕಾ 3 ಮತ್ತು ಮುಗುರುಜಾ 2 ಗ್ರಾಂಡ್ ಸ್ಲಾಂ ಪ್ರಶಸ್ತಿಗಳನ್ನು ಜಯಿಸಿದ್ದಾರೆ.
ವಾವ್ರಿಂಕಾ ಈ ಹಿಂದೆ ಮತ್ತೋರ್ವ ಟೆನಿಸ್ ಆಟಗಾರ್ತಿ ಡೊನ್ನಾ ವೆಕಿಕ್ ಜತೆಗೆ ಡೇಟಿಂಗ್ ನಡೆಸುತ್ತಿದ್ದರು. 4 ವರ್ಷಗಳ ಇವರ ಸಂಬಂಧ ಕಳೆದ ವರ್ಷ ಮುರಿದುಬಿದ್ದಿತ್ತು. ಕಳೆದ ಜೂನ್ನಲ್ಲೇ ವಾವ್ರಿಂಕಾ, ಮುಗುರುಜಾ ಜತೆಗೆ ಟೆನಿಸ್ ತರಬೇತಿಯಲ್ಲಿ ಪಾಲ್ಗೊಂಡ ಬಳಿಕದ ಚಿತ್ರವನ್ನು ಇನ್ಸ್ಟಾಗ್ರಾಂನಲ್ಲಿ ಹಾಕಿದ್ದರು. ಆದರೆ ಆಗ ಯಾರೂ ಈ ಬಗ್ಗೆ ತಲೆಕೆಡಿಸಿಕೊಂಡಿರಲಿಲ್ಲ. ಆದರೆ ಅಲ್ಲಿಂದ ಇಲ್ಲಿಯವರೆಗೂ ಇಬ್ಬರೂ ಒಂದೇ ಸ್ಥಳದಲ್ಲಿ ಇದ್ದಾರೆ ಎಂಬುದು ಈಗ ಅಭಿಮಾನಿಗಳು ಅವರ ‘ಸೀಕ್ರೆಟ್ ಲವ್’ ಪತ್ತೆಹಚ್ಚುವಂತೆ ಮಾಡಿದೆ. ಟೆನಿಸ್ ತಾರೆಯರು ಪರಸ್ಪರ ಪ್ರೀತಿಸುವುದು ಇದೇ ಮೊದಲಲ್ಲ. ಸ್ಟೆಫಿಗ್ರಾಫ್-ಆಂಡ್ರೆ ಅಗಾಸಿಯಿಂದ ಈಗಿನ ಗೇಲ್ ಮಾನ್ಫಿಲ್ಸ್-ಎಲಿನಾ ಸ್ವಿಟೋಲಿನಾ, ಫ್ಯಾಬಿಯೊ ಫೋಗ್ನಿನಿ-ಪ್ಲಾವಿಯಾ ಪೆನ್ನೆಟ್ಟಾವರೆಗೆ ದೃಷ್ಟಾಂತಗಳು ಮುಂದುವರಿದಿವೆ.
1) dark edging tiles, lighter surround
2) infinity edge
3) rolling hills, mountains in the distanceCoincidence? 🤔 pic.twitter.com/CZMJRSh6dN
— Peetah Pan 🐝 (@i_am_peterpan_) July 12, 2020