English ಬರುವುದಿಲ್ಲ, ಅರ್ಥವಾಗುತ್ತಿಲ್ಲ..ವಿದ್ಯಾರ್ಥಿನಿಯ ಪ್ರಾಣ ತೆಗೆದ ಇಂಗ್ಲಿಷ್!

ತೆಲಂಗಾಣ: ( English ) ಇಂಟರ್ ಮೀಡಿಯೇಟ್ (ಪಿಯುಸಿ) ಓದುತ್ತಿದ್ದ ವಿದ್ಯಾರ್ಥಿನಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.  ಮಂಚಿರ್ಯಾಲ ಜಿಲ್ಲೆಯ ಭೀಮಾರಂ ಮಂಡಲದ ಪೋತನಪಲ್ಲಿಯಲ್ಲಿ ಈ ದಾರುಣ ಘಟನೆ ನಡೆದಿದೆ.

ಕುಟುಂಬದವರು ಹಾಗೂ ಸ್ಥಳೀಯರು ಹೇಳುವ ಪ್ರಕಾರ ಪೋತನಪಲ್ಲಿಯ ನಲತುಕುರಿ ಬನೇಶ್ ಮತ್ತು ಕವಿತಾ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಇವರಲ್ಲಿ ಅನುಶ್ರೀ (16) ಹಿರಿಯ ಮಗಳು. 10ನೇ ತರಗತಿ ಮುಗಿಸಿರುವ ಅನುಶ್ರೀ ರಾಮಕೃಷ್ಣಾಪುರದ ಕಸ್ತೂರಬಾ ಕಾಲೇಜಿನಲ್ಲಿ ಇಂಟರ್ ಮೊದಲ ವರ್ಷ ಓದುತ್ತಿದ್ದಾಳೆ. ಆದರೆ ಅನುಶ್ರೀ ಓದಿದ್ದು 10ನೇ ತರಗತಿವರೆಗೆ ತೆಲುಗು ಮಾಧ್ಯಮದಲ್ಲಿ. ಆಂಗ್ಲ ಮಾಧ್ಯಮದಲ್ಲಿ ಇಂಟರ್ ಮೀಡಿಯೇಟ್ (ಪಿಯುಸಿ) ಸೇರಿದರು. ಅಲ್ಲಿಯವರೆಗೂ ತೆಲುಗು ಮೀಡಿಯಂನಲ್ಲಿ ಓದುತ್ತಿದ್ದವಳು ಇದ್ದಕ್ಕಿದ್ದಂತೆ ಇಂಗ್ಲಿಷ್ ಮೀಡಿಯಂಗೆ ಬಂದಳು. ಇಂಗ್ಲಿಷ್ ತರಗತಿಗಳು ಅರ್ಥವಾಗದೆ ತುಂಬಾ ತೊಂದರೆಯಾಗುತ್ತಿತ್ತು.

ತನಗೆ ಇಂಗ್ಲಿಷ್ ಬರುವುದಿಲ್ಲ, ತರಗತಿಗಳು ಸರಿಯಾಗಿ ಅರ್ಥವಾಗುತ್ತಿಲ್ಲ, ತೆಲುಗು ಮಾಧ್ಯಮಕ್ಕೆ ಸೇರಿಸಬೇಕೆಂದು ತಂದೆಗೆ ಹಲವು ಬಾರಿ ಹೇಳಿದ್ದಳು. ಆದರೆ ತೆಲುಗು ಮಾಧ್ಯಮದಲ್ಲಿ ಎರಡನೇ ವರ್ಷಕ್ಕೆ ಸೇರುತ್ತೇನೆ ಎಂದು  ತಂದೆ  ಹೇಳಿದ್ದಾರೆ. ಆದರೆ ಅಷ್ಟರಲ್ಲಿ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಅನುಶ್ರೀ ಕೃಷಿಗೆ ಬಳಸುತ್ತಿದ್ದ ಔಷಧ ಸೇವಿಸಿದ್ದಾರೆ. ಇದನ್ನು ಕಂಡ ಕುಟುಂಬಸ್ಥರು ಆತಂಕಗೊಂಡು ಮಂಚೇರಿಯಾಳ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ.

ಆದರೆ, ಅನುಶ್ರೀ  ಸ್ಥಿತಿ ಹದಗೆಟ್ಟಿದ್ದರಿಂದ ಕರೀಂನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಅನುಶ್ರೀ ಬುಧವಾರ ರಾತ್ರಿ ಮೃತಪಟ್ಟಿದ್ದಾರೆ.  ಆತ್ಮಹತ್ಯೆಗೆ ಶರಣಾದ ಮಗಳನ್ನು ನೆನೆದು ಕುಟುಂಬಸ್ಥರು ಕಣ್ಣೀರಿಡುತ್ತಿದ್ದಾರೆ.