ಪ್ರಧಾನಿ ಭೇಟಿಯಾದ ಟೀಮ್ ಇಂಡಿಯಾ; ತಂಡದ ಹೊಸ ಜೆರ್ಸಿ ರಿವೀಲ್​ ಮಾಡಿದ ಮೊದಲ ಆಟಗಾರ ಇವರೇ!

ನವದೆಹಲಿ: ಬಾರ್ಬಡೋಸ್​ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20 ವಿಶ್ವಕಪ್ ಗೆದ್ದ ಚಾಂಪಿಯನ್ಸ್​ ಟೀಮ್ ಇಂಡಿಯಾ ಇಂದು (ಜುಲೈ 04) ಬಿಸಿಸಿಐ ಏರ್ಪಡಿಸಿದ್ದ ವಿಶೇಷ ವಿಮಾನದಲ್ಲಿ ಭಾರತಕ್ಕೆ ಬಂದಿಳಿದಿದೆ. ಗುರುವಾರ ಬೆಳಗ್ಗೆ ದೆಹಲಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ತಲುಪಿದ ಆಟಗಾರರಿಗೆ ಬಿಸಿಸಿಐ ಅಧಿಕಾರಿಗಳು ಮತ್ತು ಅಭಿಮಾನಿಗಳು ಭವ್ಯ ಸ್ವಾಗತ ಕೋರಿದರು.

ಇದನ್ನೂ ಓದಿ: ವಿಶ್ವಕಪ್​ ಗೆದ್ದು ತಾಯ್ನಾಡಿಗೆ ಕಾಲಿಟ್ಟ ಟೀಮ್​ ಇಂಡಿಯಾಗೆ ಅದ್ಧೂರಿ ಸ್ವಾಗತ

ಟೀಮ್ ಇಂಡಿಯಾ ಆಟಗಾರರ ಆಗಮನಕ್ಕಾಗಿ ಏರ್​ಪೋರ್ಟ್​ ಬಳಿ ಕಾದು ಕುಳಿತ್ತಿದ್ದ ಅಭಿಮಾನಿಗಳು, ವಿರಾಟ್​ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಕಾಣಿಸುತ್ತಿದ್ದಂತೆ ಕುಣಿದು, ಜೈಕಾರ ಕೂಗಿದ್ದಾರೆ. ಈ ವೇಳೆ ವಿರಾಟ್​​ ಫ್ಯಾನ್ಸ್​ಗಳತ್ತ ಕೈಬೀಸಿದರೆ, ರೋಹಿತ್ ಟ್ರೋಫಿ ಎತ್ತಿಹಿಡಿದಿದ್ದಾರೆ. ಇನ್ನು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿ, ಸಂವಾದಕ್ಕೆ ಮುಂದಾಗುವ ಮುನ್ನ ಭಾರತೀಯ ಆಟಗಾರರಿಗೆ ಹೊಸ ಜೆರ್ಸಿಯನ್ನು ಹಸ್ತಾಂತರಿಸಲಾಯಿತು.

ಟಿ20 ವಿಶ್ವಕಪ್​ ಗೆದ್ದ ಚಾಂಪಿಯನ್ ಪಡೆಗೆ ಎರಡು ಸ್ಟಾರ್​ ಸೇರಿಸಿದ ಹೊಸ ಟೀಮ್ ಇಂಡಿಯಾ ಜೆರ್ಸಿಯನ್ನು ಬಿಸಿಸಿಐ ಆಟಗಾರರಿಗೆ ಹಸ್ತಾಂತರಿಸಿತು. ನೂತನ ಜೆರ್ಸಿ ಧರಿಸಿದ ಹೆಡ್​ ಕೋಚ್ ರಾಹುಲ್ ದ್ರಾವಿಡ್,​ ನಾಯಕ ರೋಹಿತ್ ಶರ್ಮ, ಉಪನಾಯಕ ಹಾರ್ದಿಕ್ ಪಾಂಡ್ಯ, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಜಸ್ಪೀತ್ ಬುಮ್ರಾ ಸೇರಿದಂತೆ ತಂಡದ ಇತರೆ ಆಟಗಾರರು ಸಂವಾದದಲ್ಲಿ ಉಪಸ್ಥಿತರಿದ್ದರು.

ಇದನ್ನೂ ಓದಿ: ಮೆಟ್ಟಿಲುಗಳಿಂದ ಜಿಗಿದು ಆತ್ಮಹತ್ಯೆಗೆ ಶರಣಾದ ರೋಬೋಟ್; ವಿಚಿತ್ರವಾದ್ರೂ ಸತ್ಯ…

ಡಬಲ್ ಸ್ಟಾರ್​ ಒಳಗೊಂಡ ಹೊಸ ಟೀಮ್ ಇಂಡಿಯಾ ಜೆರ್ಸಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಮೊದಲು ಫ್ಯಾನ್ಸ್​​ಗಳ ಮುಂದೆ ಅನಾವರಣಗೊಳಿಸಿದ್ದು, ಭಾರತ ತಂಡದ ವಿಕೆಟ್ ಕೀಪರ್ ಕಮ್ ಬ್ಯಾಟ್ಸ್​ಮನ್​ ಸಂಜು ಸ್ಯಾಮ್ಸನ್​. ಫೋಟೋ ನೋಡುತ್ತಿದ್ದಂತೆ ಸಂತಸಪಟ್ಟ ಕ್ರಿಕೆಟ್ ಅಭಿಮಾನಿಗಳು, ಚಾಂಪಿಯನ್​ಗಳಿಗೆ ಅಭಿನಂದನೆಗಳ ಮಹಾಪೂರವನ್ನೇ ಹರಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/virat-reveals-chat-with-rahul-dravid/